ក្រុមអ្នកគាំទ្រប្រជាធិបតេយ្យនៅ ហុងកុងបង្ហាញការខឹងសម្បាយ៉ាងខ្លាំង ចំពោះរដ្ឋាភិបាលទីក្រុងប៉េកាំងដែល បានប្រកាសសៀវភៅសដោយបញ្ជាក់ ពីសិទ្ធិគ្រប់គ្រងទាំងស្រុងរបស់រដ្ឋាភិបាល ក្រុងប៉េកាំងទៅលើកោះហុងកុងទាំង មូល ។ ការប្រកាសរបស់ចិនកើតឡើង ក្រោយពេលប៉ុន្មានថ្ងៃប៉ុណ្ណោះដែលពល រដ្ឋហុងកុងមួយសែននាក់នាំដង្ហែក្បួន បាតុកម្មទាមទារសិទ្ធិធ្វើជាម្ចាស់សម្រេច វាសនាខ្លួនដោយខ្លួនឯង ។
សៀវភៅសរបស់រដ្ឋាភិបាលទីក្រុង ប៉េកាំងដែលមាន១៤៥០០អក្សរ ដោយ ក្នុងនោះបញ្ជាក់ថា ហុងកុងគ្មានសិទ្ធិធ្វើ ជាម្ចាស់ ហើយត្រូវតែទទួលការឃ្លាំមើល ពីទីក្រុងប៉េកាំង ។ សៀវភៅសនោះបាន ចំពេលដែលមានកិច្ចពិភាក្សារវាងពល រដ្ឋនៅកោះហុងដែលជាអតីតអាណា និគមន៍របស់អង់គ្លេសពីការកែទម្រង់ ប្រព័ន្ធបោះឆ្នោតប្រជាធិបតេយ្យ ជ្រើស រើសមេដឹកនាំដែលខ្លួនស្រឡាញ់គាំទ្រ គ្រប់គ្រងតំបន់ស្វយ័តនេះ។
នៅក្នុងសៀវភៅសបានបញ្ជាក់យ៉ាង ច្បាស់ថា កម្រិតនៃការធ្វើជាម្ចាស់ របស់ពលរដ្ឋហុងកុងមិនមែនជាសិទ្ធិ សម្រេចបញ្ហាធំៗ សិទ្ធិធ្វើជាម្ចាស់ខ្លួន ឯង គ្រាន់តែគ្រប់គ្រងបាននូវបញ្ហា តូចៗក្នុងតំបន់តែប៉ុណ្ណោះ ។ ប្រព័ន្ធនយោបាយនៅហុងកុងត្រូវ បានធានាតាមច្បាប់ប្រទេសមួយរបប ពីរ ចំណុចទាំងនោះដែលធ្វើឱ្យហុងកុង ទទួលបានសិទ្ធិសិរីភាព ប្រជាធិបតេយ្យ ជាងពលរដ្ឋដែលរស់នៅចិនដីគោក ។
ហុងកុងក៏ទទួលបានសិទ្ធិអភិវឌ្ឍន៍ទៅជា ទីក្រុងសេរី ប៉ុន្ដែស្ថិតនៅក្នុងសង្គម និយមរបស់ចិន ។ ក្រោយពេលសៀវភៅសបានប្រកាស ជាផ្លូវការ ពលរដ្ឋហុងកុងបានបង្ហាញ ការខឹងសម្បាយ៉ាងខ្លាំង ។ ពលរដ្ឋហុង កុងបានប្រមូលផ្ដុំធ្វើបាតុកម្មនៅមុខ ការិយាល័យតំណាងរដ្ឋាភិបាលទីក្រុង ប៉េកាំងនៅកោះហុងកុង ។ ក្រុមបាតុករ បានដុតសៀវភៅសមួយក្បាលរបស់ចិន ថែមទៀតផង ។
តំណាងរាស្ដ្រគាំទ្រប្រជាធិបតេយ្យ នៅហុងកុង លោកលី ឈុកយាន់ បាន បញ្ជាក់ថា ទាំងនោះជាការជ្រៀតជ្រែក ពេញទំហឹងមកលើសិទ្ធិសិរីភាពរបស់ ពលរដ្ឋនៅហុងកុង ។ ទន្ទឹមនឹងនោះ លោកបានអំពាវនាវឱ្យរដ្ឋាភិបាលទីក្រុង ប៉េកាំងដកហូតសៀវភៅសនោះវិញ ។
ពលរដ្ឋហុងកុងមិនចង់ឱ្យរដ្ឋាភិបាល ចិនដីគោកជ្រៀតជ្រែកចូលបញ្ហានយោ បាយផ្ទៃក្នុងកោះនេះឡើយ ដោយទុកឱ្យ ហុងកុងស្ថិតក្នុងសេរីភាព សម្រេច វាសនាខ្លួនដោយខ្លួនឯង ពោលគឺជ្រើស រើសមេដឹកនាំប្រកបដោយប្រជាធិប តេយ្យ មិនមែនជាបេក្ខភាពដែលចិនដី គោកជ្រើសរើសឱ្យមកដឹកនាំនៅទីនេះ ឡើយ
