កំពង់ឆ្នាំង៖ តួនាទីរបស់មន្ត្រីនគរបាលប៉ុស្តិរដ្ឋបាលមានសារៈសំខាន់ណាស់ដែលមិនអាចខ្វះបាន ក្នុងការគ្រប់គ្រងការងាររដ្ឋបាល សន្តិសុខ សណ្តាប់ធ្នាប់ នៅមូលដ្ឋាន។ ប៉ុន្តែអ្វីដែលមានផលលំ បាកជាយូរឆ្នាំមកហើយនោះ គឺអាគារប៉ុស្តិរដ្ឋបាល សំរាប់រស់នៅបំពេញការងារ នៅមានការខ្វះខាតជាច្រើន មិនឆ្លើយតបនិងការខិតខំបំពេញភារកិច្ចឡើយ ដែលបញ្ហានេះ ទាំងអស់ស្នើសុំលោ កនាយអគ្គស្នងការនគរបាលជាតិមេត្តាជួយគិតគូរផង។ ទាក់ទងជាមួយបញ្ហាខាងលើនេះ លោកនាយរងស្នងការនគរបាលខេត្តម្នាក់បានអោយអ្នក យកព័ត៌មានយើងដឹងថា៖ នគរបាលប៉ុស្តិរដ្ឋបាលនៅក្នុងខេត្តកំពង់ឆ្នាំងសារុបមានចំនួន៦ប៉ុស្តិ។
ប៉ុន្តែគិតមកដល់ពេលនេះប៉ុស្តិនគរបាលរដ្ឋបាលដែលមានអាគារធ្វើការងារត្រឹមត្រូវតាមស្តង់ដារដែលផ្តល់អោយក្រសួងនោះមានតែ១៨ប៉ុស្តិតែប៉ុណ្ណោះ ហើយប៉ុស្តិរដ្ឋបាលដែលមានអាគារអាចធ្វើការងារបានបន្សល់ទុកតាំងពីជំនាន់រដ្ឋកម្ពុជាមានប្រមាណ១០ប៉ុស្តិទៀត ។ ចំណែកប៉ុស្តិរដ្ឋបាល៤១កន្លែងទៀតគឺធ្វើអំពីស្លឹកឬឈើគឺជាការម្ចាស់ការធ្វើដោយការឆ្នៃប្រឌិតរបស់មន្ត្រីនគរបាលប៉ុស្តិខ្លួនឯង រយីករយាកវេទនាណាស់ពេលខែភ្លៀងមកដល់ម្តងៗ ពុំមានថ្នាក់លើណាមួយគិតគូរដោះស្រាយឡើយជាង៣០ឆ្នាំកន្លងមកនេះ។
មន្ត្រីនគរបាលប៉ុស្តិរដ្ឋបាលអញ្ចាញរូង ស្រុកបរិបូរណ៍ម្នាក់បាននិយាយអោយដឹងថាលោកបានធ្វើការងារជាមន្ត្រីនគរបាលប៉ុស្តិនៅទីនេះ១៥ឆ្នាំហើយ គឺជាប៉ុស្តិធ្វើអំពីស្លឹកមានតែដំបូលគ្មានជញ្ជាំង ឬបន្ទប់ តុ ទូរ កៅអី ធ្វើការងារត្រឹមត្រូវឡើយ គឺពេលព្យុះភ្លៀងម្តងៗវេទនាខ្លាំងណា ស់ ការកសាងប៉ុស្តិនេះគឺជាឆ្នៃប្រឌិតដោយខ្លួនឯង មិនមានអ្នកណាជួយគិតគូរដោះស្រាយអោយឡើយ។ ការផ្តល់ព័ត៌មាននេះជូនអ្នកកាសែតប្រហែលជាត្រូវមាត់ថ្នាក់លើទៀតផងគឺពិបាណាស់ ឃើញការពិតហើយនិយាយមិនកើត។
ជាក់ស្តែងនៅថ្ងៃទី៣១ ខែឧសភា ឆ្នាំ២០១៤ ប៉ុស្តិនគរបាលរដ្ឋបាលអញ្ជាញរូង ត្រូវបានខ្យ ល់ព្យុះកន្ត្រាក់បោកបក់ របើកដំបូលស្លឹកអស់មួយចំនួនធំនិងទទឹកឯកសារគ្មានសល់ ការខូចខាតនេះត្រូវបានកាកបាទក្រហមខេត្តជួយតង់យកមកប្រក់ដំបូលបណ្តោះអាសន្ន និងសប្បុរសជននៅទីក្រុងភ្នំពេញជួយឧបត្ថម្ភថវិកាមួយចំនួនដើម្បីទិញស្លឹកមកប្រក់ដំបូលប៉ុស្តិឡើងវិញ។
សេចក្តីខ្វះខាត និងភាពលំបាកវេទនារបស់មន្ត្រីប៉ុស្តិរដ្ឋបាលខាងលើនេះ ពួកគេស្នើ សុំលោ កស្នងការនគរបាលខេត្ត លោកគណៈបញ្ជាការឯកភាពខេត្ត ពិសេសលោកអគ្គស្នងការនគរបាលជាតិមេត្តាអនុគ្រោះជួយគិតគូរដោះស្រាយថវិកាជួសជុលប៉ុស្តិ និងកសាងប៉ុស្តិរដ្ឋបាលដែលមិនទាន់មានអាគារការិយាល័យធ្វើការទាំង៤១ប៉ុស្តិនៅក្នុងខេត្ត អោយកូនចៅថ្នាក់មូលដ្ឋានមានភាពកក់ក្តៅផងទាន។ ប៉ុន្តែបើមិនទាន់បានជួយដោះស្រាយទេក៏ចេះតែទ្រាំទៀតទៅ តែអាណិតមេត្តាកុំរករឿងបន្ថែមក្នុងការផ្តល់ព័ត៌មានខាងលើនេះអោយអ្នកកាសែតអី..!. បាទ ៕
