ខេត្តតាកែវ ៖ ដោយមានការចង្អុរបង្ហាញពីលោកឧត្តមសេនីយ៍ត្រី សុខ សំណាង ស្នងការនគរបាលខេត្ត ទើបនៅថ្ងៃទី២៦ ខែកញ្ញា ឆ្នាំ២០១៧ វេលាម៉ោង១១និង៤៥នាទី កម្លាំងជំនាញអធិការដ្ឋាននគរបាលស្រុកបាទី ធ្វើការបង្រ្កាបករណីចែកចាយគ្រឿងញៀន០១ករណី ព្រមទាំងបានឃាត់ខ្លួនជនសង្ស័យ០១នាក់។
លោក ង៉ាន់ សារី អធិការស្រុកបាទីបានប្រាប់អោយដឹងថាជនសង្ស័យមាន ឈ្មោះ សូ ម៉ៃឃ័រ (ហៅពៅ)ភេទប្រុស អាយុ២៣ឆ្នាំ មានទីលំនៅភូមិដើមក្រាយ ឃុំត្រពាំងសាប ស្រុកបាទី ខេត្តាកែវ ខណៈដែលជនសង្ស័យខាងលើ ជាមុខសញ្ញាចែកចាយគ្រឿងញៀនយ៉ាងសកម្ម នៅនឹងផ្ទះរបស់ខ្លួនតែម្តង ។ លោកអធិការបានបន្តថា បន្ទាប់ពីឃាត់ខ្លួនបាន សមត្ថកិច្ចបានដកហូតវត្ថុតាងតួមមានៈ ម្សៅក្រាមព័យ៌សចំនួន០៩កញ្ចប់ ទូរស័ព្ទ០១គ្រឿង និងសម្ភារៈសម្រាប់វេចខ្ចប់ និងប្រើប្រាស់គ្រឿងញៀនមួយចំនួនទៀត ។ បច្ចុប្បន្ន ជនសង្ស័យខាងលើ សមត្ថកិច្ចកំពុងធ្វើការសាកសួរ ដើម្បីកសាងសំណុំរឿងតាមនិតិវីធី
