ប្រទេសថៃ៖ បកប្រែដោយ ប៊ុន រដ្ឋា នៅព្រឹកថ្ងៃទី១៥ ខែ មិថុនា ឆ្នាំ ២០១៤ សមត្ថកិច្ចចរាចរណ៍ ខេត្តឆាក់ឈើងសៅ បានឲ្យដឹងថា នៅយប់ថ្ងៃទី ១៤ មិថុនា ឈានចូលថ្ងៃទី១៥ បានទទួលសេចក្តីរាយការណ៍ថា មានរថយន្តប្រភេទ មួយបាំង
បានបើកជ្រុលទៅបុកនឹងដើមឈើ ហើយបានក្រឡាប់ នៅចំនុចផ្លូវបំបែក ណងផ្លាតាផៀន ស្ថិតនៅក្នុងភូមិ ទី៥ ឃុំ រាជសាន បណ្តាលឲ្យមានអ្នកស្លាប់បាត់បង់ជីវិត និងរងរបួសចំនួនច្រើន ទើបបានដឹកនាំកម្លាំងសមត្ថកិច្ច ចុះទៅ កន្លែងកើតហេតុភ្លាមៗ ។
រថយន្តដែលបង្ករគ្រោះថ្នាក់ជាប្រភេទ មួយបាំងម៉ាក អីស៊ុកស៊ុក ពាក់ស្លាកលេខ 7856 ខេត្តស្រះកែវ បានធ្លាក់ទៅស្នាម ភ្លោះក្បែរផ្លូវ បែកកង់ខាងក្រោយទាំងពី ស្ថិតក្នុងសភាពខ្ទេចខ្ទី នៅកន្លែងកើតហេតុ សមត្ថកិច្ចបានរួបរួមសាកសព ចំនួន ៦នាក់ ក្នុងនោះគឺតៃកុងឡានម្នាក់ ចំណែកអ្នកស្លាប់ជាជនជាតិខ្មែរ ៥នាក់ ប្រុស១ម្នាក់ ស្រី៤នាក់ ព្រមទាំងមាន អ្នករងរបួសចំនួន ១៧នាក់ទៀត បានស្រែទ្រហំយំសោកបាកខ្លួន សុំការជួយសង្គ្រោះអាយុជីវិតនៅកន្លែងកើតហេតុ ត្រូវបានគេ
ជួបប្រទះ លុយបាត៦០.០០០បាត នៅក្នុងរថយន្ត ខណៈនោះសមត្ថកិច្ច បានប្រើប្រាស់ឧបករណ៍ ផ្សារផ្តាច់រថយន្ត ដើម្បីយកជនរងគ្រោះមកមន្ទីរពេទ្។ យោងតាមកំណត់ហេតុ របស់សមត្ថកិច្ច ក្រោយពីបានចុះត្រួតពិនិត្យ បានបញ្ជាក់ថា ជនរងគ្រោះដែលជាជនជាតិខ្មែរ ទាំងស្លាប់ និងរបួសមានចំនួន ២២នាក់ ដែលបានមកធ្វើសំណង់ នៅខេត្តសមុតប្រាកាន
បានធ្វើដំណើរត្រឡប់មក ព្រំដែនអារ័ញ្ញប្រទេស ដើម្បីឆ្លងដែនចូលប្រទេស ក្រោយពីមានការប្រកាស ពីរាជរដ្ឋាភិបាល ដែលបានប្តេជ្ញាចិត្ត បោស សំអាតជនអន្តោប្រវេស ដែលចូលមកធ្វើការខុសច្បាប់ តាមការសណ្ឋានរបស់សមត្ថកិច្ចបានឲ្យដឹងថា បណ្តាលមកពី ដឹកលើសទម្ងន់ ហើយគុណភាពកង់រថយន្តខូចគុណភាព។ 
