ត្បូងឃ្មុំ: កម្លាំងជំនាញនៃអធិការដ្ឋាននគរបាលក្រុងសួង ដឹងនាំដោយ លោក ឧត្តមសេនីយ៍ត្រី ហុង ណាក់ ស្នងការរងទទួលផែនប្រឆាំងបទល្មើស បានចុះបង្ក្រាបករណី រក្សាទុក និងជួញដូរនូវសារធាតុញៀនដោយខុសច្បាប់ កាលពីវេលា
ម៉ោង៣និង១៥នាទីរសៀល ថ្ងៃទី២៧ ឆ្នាំ២០១៧ នៅចំណុចភូមិទី៤ ឃុំជប់ ស្រុកត្បូងឃ្មុំ ខេត្តត្បូងឃ្មុំ ដោយឃាត់ខ្លួនបានជនសង្ស័យចំនួន២នាក់ និងដកហូតបាននូវវត្ថុតាងថ្នាំញៀនមួយចំនួនផងដែរ។
សមត្ថកិច្ចបានឲ្យដឹងថា ជនសង្ស័យដែលត្រូវឃាត់ខ្លួនរួមមាន ១-ឈ្មោះ ចាន់ សុភាព ភេទប្រុស អាយុ២៥ឆ្នាំ។
២-ឈ្មោះ ឃីម ភារៈ ភេទប្រុស អាយុ១៨ឆ្នាំ អ្នកទាំង២ រស់នៅ ភូមិទី៥ ឃុំជប់ ស្រុកត្បូងឃ្មុំ ខេត្តត្បូងឃ្មុំ។
ក្រោយពីឃាត់ខ្លួនជនសង្ស័យ កម្លាំងជំនាញបានធ្វើការដកហូតបាន នូវវត្ថុតាងថ្នាំញៀន ប្រភេទម្សៅក្រាមពណ៌សចំនួន១៦កញ្ចប់តូច និងប្រាក់រៀលមួយចំនួនផងដែរ។
បច្ចុប្បន្ន ជនសង្ស័យទាំង២នាក់ រួមជាមួយវត្ថុតាងថ្នាំញៀន ត្រូវបានកម្លាំងជំនាញនៃអធិការដ្ឋាននគរបាលក្រុងសួង កសាងសំណុំរឿង ដើម្បីបញ្ជូនទៅសាលាដំបូងខេត្តត្បូងឃ្មុំ ចាត់ការបន្តតាមនិតិវិធីច្បាប់ ៕
