ព្រះវិហារៈ÷ ឯកឧត្តម ឧត្តមសេនីយ៍ឯក ស្រី ឌឹក នាយរងសេនាធិការចម្រុះ មេបញ្ជាការកងពលធំអន្តរាគមន៍លេខ៣ និងលោកជំទាវ ចាន់ សាមីស្រីឌឹក អមដំណើរដោយឯកឧត្តមមេបញ្ជាការ មេបញ្ជាការរង នាយនិងពលទាហាន កងពល
តូចអន្តរាគមន៍លេខ៩ បាននាំយកអំណោយមនុស្សធម៌ ដែលកេីតចេញពីទឹកចិត្ត អាណិតស្រឡាញ់ និងជាការយកចិត្តទុក្ខដាក់គិតគូខ្ពស់របស់ឯកឧត្តម ព្រមទាំងលោកជំទាវ ទៅដល់បងប្អូនប្រជាពលរដ្ឋ្ឋក្រីក្រ និងជួបនូវទុក្ខលំបាកជាប់ជាប្រចាំ ជាស្តែងនៅព្រឹកថ្ងៃទី២៨ ខែកញ្ញា ឆ្នាំ២០១៧នេះ។
លោកទាំងធ្វេបាននាំយកថវិការ រួមទាំងគ្រឿងឧបភោគបរិភោគ ទៅចែកជូនដល់បងប្អូនគ្រួសារកងទ័ព ចំនួន២០គ្រួសារ ដោយក្នុងមួយគ្រួសារទទួលបានអង្ករ ១ការ៉ុង មី៣កេស ទឹកត្រី ទឹកស៊ីអ៊ីវ ៤យួរ ត្រីខ ១យួរ ទឹកបរិសុទ្ឋ ២យួរ ថវិកា២០ម៉ឺនរៀលនាយ និងពលទាហាន៤០នាក់ ក្នុង
ម្នាក់ថវិការ ២០០០០រៀល ប្រគេនដល់ព្រះសង្ឃ វត្តឧត្តមសែនជ័យ អង្ករ២ការ៉ុង មី២កេស ទឹកត្រីទឹកស៊ីអ៊ីវ៤យួរ ទឹកបរិសុទ្ឋ២យួរ ត្រីខ២យួរ ថវិកា២០ ម៉ឺនរៀល យាយជីតាជី និងកុមារ៉ាកុម៉ារី ថវិកា៤៥ម៉ឺនរៀល ។ ជាគ្នានោះផងដែរ ឯកឧត្តម និងលោកជំទាវបានជួយឧបត្ថម្ភ ជូនដល់គ្រួសារដែលប្តី មានជម្ងឺដាច់សរសៃឈាមខួរក្បាលចំនួន១គ្រួសារ ថវិការ៥០០ ដុល្លា គ្រួសារកូនពិការចំនួន១គ្រួសារថវិការ ២០០ ដុល្លា គ្រួសារមានផ្ទៃពោះត្រូវឆ្លងទន្លេចំនួន២គ្រួសារ ដោយក្នុង១គ្រួសារ ថវិការ១០០ដុល្លា គ្រួសារកងទ័ពពិការជើង និងគ្រួសារទ័ពមានកូនពិការជើង ក្នុងមួយគ្រួសារទទួលបានថវិការចំនួន ១០០ដុល្លាផងដែរ ។
ឆ្លៀតក្នុងឱកាស់នោះដែរ ឯកឧត្តម និងលោកជំទាវ បានអំពាវនាវដល់បងប្អូនប្រជាពលរដ្ឋ ក្នុងការថែរទាំបរិស្ថានឲ្យមានអនាម័យល្អ ទាំងក្នុងការរស់នៅ ទាំងក្នុងការហូបចុក ជាពិសេសត្រូវគោរពច្បាប់ចរាចរណ៍ និងបើកបរដោយមានការប្រុងប្រយ័ត្ន ព្រោះទាំងនេះសុទ្ធសឹងតែជាផ្នែកមួយសម្រាប់កាត់បន្ថយភាពក្រីក្រ របស់បងប្អូនប្រជាពលរដ្ឋយើងផងដែរ ៕អត្ថបទសួនលីណា
