ខេត្តតាកែវ ៖ ដោយមានការចង្អុរបង្ហាញពីលោកឧត្តមសេនីយ៍ត្រី សុខ សំណាង ស្នងការនគរបាលខេត្តតាកែវនៅថ្ងៃទី៣០ ខែកញ្ញា ឆ្នាំ២០១៧ កម្លាំងអធិការដ្ឋាននគរបាលស្រុកគិរីវង់ ដឹកនាំបញ្ជាផ្ទាល់ដោយលោកវរសេនីយ៍ទោ យុគ សារ៉ាត់ អធិការគរបាលស្រុក បានចុះពួនស្ទាក់បង្រ្កាបករណីដឹកជញ្ជួនកញ្ឆាក្រៀមខុសច្បាប់នៅចំណុចភូមិព្រាល ឃុំគិរីចុងកោះ ស្រុកគិរីវង់ ខេត្តតាកែវ ។ លុះដល់វេលាម៉ោង ១៨នឹង៥២នាទី សមត្ថកិច្ចបានប្រទះឃើញជនសង្ស័យ០១នាក់ មិនស្គាល់អត្តសញ្ញាណបានជិះម៉ូតូមួយគ្រឿងដឹកកញ្ឆាក្រៀមក្នុងគោលបំណងឆ្លងដែនទៅប្រទេសវៀតណាម លុះពេលប្រទះឃើញសមត្ថិកិច្ចយើង ជនសង្ស័យបានទម្លាក់កញ្ឆាក្រៀមនេះចុះពីលើម៉ូតូរួចក៏ជិះម៉ូតូរត់គេចខ្លួនបាត់ ។ ក្រោយធ្វើការត្រួតពិនិយត្យរួច សមត្ថកិច្ចបានរកឃើញកញ្ឆាក្រៀមដាក់ស្បោងខ្មៅចំនួន១០ដុំ ស្មើ និង១០.៨គីឡូក្រាម ។ បច្ចុប្បន្នកម្លាំងជំនាញកំពុងស្រាវជ្រាវ នឹង តាមដានចាប់ជនសង្ស័យមកផ្តន្ទាទោសតាមផ្លូវ ច្បាប់ ។
