កងកម្លាំងជើងទឹក របស់ប្រទេសអ៉ីតាលី បានជួយសង្គ្រោះ ជនអន្ដោប្រវេសន៍ចំនួន ៤០ នាក់ និង១០ បានស្លាប់នៅក្នុងអំឡុង ពេលជួយសង្គ្រោះ ដែលប្រតិបត្តិការនេះបានធ្វើឡើង កាលពីថ្ងៃសៅរិ៍ម្សិលមិញ នេះ។ ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី១៥ ខែមិថុនា ឆ្នាំ២០១៤ នេះដោយយោងតាមមន្ត្រី អាជ្ញាធរ បាននិយាយថា ជនចំណាកស្រុករាប់សិបនាក់ផ្សេងទៀតនៅបន្ដបាត់ខ្លួន។
ហើយកងកម្លាំងជើង ទឹកអ៊ីតាលី បាន បញ្ជាក់ថា ខ្លួនបានសង្គ្រោះជនទាំងនោះចំនួន ៣៩ នាក់នៅលើទូកអណ្ដែតមួយចម្ងាយ ប្រហែល ១០០ ម៉ាល ពីកោះ ឡាំប៉េឌួសា ដែលជាកោះដ៏តូចមួយមានចម្ងាយ ១១៣ គីឡូម៉ែតពីប្រទេស អាហ្វ្រិក។ នៅក្នុងនោះដែរមានជនរងគ្រោះ២នាក់ ដែលទទួលរងរបួសធ្ងន់ធ្ងរត្រូវបានជួយសង្គ្រោះបន្ទាន់ ដោយឧទ្ធម្ភាចក្រ ដើម្បីធ្វើការសម្រាកព្យាបាលភ្លាមៗ។ ប្រភពពីកងកម្លាំងជើងទឹកបានបន្ថែមទៀតថា មានមនុស្សចំនួន១០ នាក់ត្រូវបានរកឃើញសាកសព។
ហើយយោងតាមប្រភពពីក្រុមជចំណាកស្រុកបានឲ្យដឹងថា ទូកដំបូងបានក្រឡាប់កាលពីថ្ងៃសុក្រកន្លង ទៅនេះដោយសារតែអាកាសធាតុសមុទ្រមិនល្អ នៅពេលដែរពួកគេបានចាកចេញចម្ងាយប្រហែលជា ៤០ ម៉ាល ពីប្រទេសលីប៊ី ហើយរាប់សិបនាក់ក្នុងចំណោមពួកគេមិនត្រូវបានរស់រានមានជីវិតនោះទេ។ ក្រុមជនចំណាក់ស្រុកទាំងនោះបាននិយាយប្រាប់អាជ្ញាធរថា យ៉ាងហោចណាស់មានមនុស្សពី៨០ ទៅ ៩០ នាក់បាននឹងកំពុងបាត់ខ្លួនក្នុងអំឡុងពេលខ្យល់ព្យុះនោះ។ ប្រព័ន្ធផ្សព្វផ្សាយអ៊ីតាលីបានរាយការណ៍ ឲ្យដឹងថា នៅមិនទាន់មានអ្វីបញ្ជាក់ឲ្យច្បាស់ទាក់ទិនទៅនឹងការស្រាវជ្រាវលើទូកទី២ នេះនៅឡើយទេ។
ប៉ុន្ដែកងកម្លាំងជើងទឹក និងឆ្មាំសមុទ្រនៅតែបន្ដស្រាវជ្រាវដដែល សម្រាប់អ្វីដែលបានបាត់ខ្លួនដទៃទៀត។ គួរបញ្ជាក់ពីស្ថានភាពគឺពិតជាធ្ងន់ធ្ងរខ្លាំងណាស់, បច្ចុប្បន្ននេះនៅតែបន្ដប្រតិបត្តិការស្វែងរក ហើយអ្នក ដែល នៅរស់រានមានជីវិតបានថ្លែងប្រាប់ថា ពួកគេទាំងអស់គ្នាមានចំនួនប្រហែលជា ៥០០ នាក់នៅលើ ទូក។ ក្រុមអ្នកនៅរស់ត្រូវបានបញ្ជូនទៅកាន់នាវាជើងទឹក ដែលធំជាងនេះដែលផ្ទុកទៅដោយមនុស្ស ដែលត្រូវបានជួយសង្គ្រោះកាលពីប៉ុន្មានថ្ងៃមុន។ ហើយកងកម្លាំងជើងទឹកបាននិយាយថា កប៉ាល់ត្រូវបានគេរំពឹងថានឹងទៅដល់ កំពង់ផែ ផាឡើម៉ូ នៅស៊ីស៊ីលី នៅថ្ងៃអាទិត្យនេះជាមួយនឹងចំនួនជនចំណាកស្រុកសរុប ៧០០ នាក់៕
