រដ្ឋមន្ត្រី ការបរទេសអង់គ្លេសលោក William Hague បានស្វាគមន៍ការបោះឆ្នោត ប្រធានាធិបតី ជុំទី២ នៅក្នុងប្រទេសអាហ្វហ្គានីស្ថាន ដោយលើកឡើងថា នេះជាការដោះស្រាយនឹងការគំរាមកំហែង និងការ បំភិតបំភ័យចំពោះមុខរបស់ប្រទេសអាហ្វហ្គានីស្ថាន ។ លោក William Hague បានថ្លែងទៀតថា "ថ្ងៃនេះប្រជាជនអាហ្វហ្គានីស្ថាន បានបង្ហាញការប្តេជ្ញាចិត្ត របស់ ពួកគេសាជាថ្មីម្តងទៀត ទៅកាន់ពិភពលោកដោយពួកគេ បានចូលរួមកំណត់អនាគត់ប្រទេសរបស់ពួគគេ ដោយងាកទៅរកការបោះឆ្នោតមួយ ដែលមានការចូលរួមយ៉ាងច្រើនពីប្រជាជន ហើយពួកគេគួរតែមាន មោទនភាពយ៉ាងខ្លាំង នៃសមិទ្ធិផលរបស់ពួកគេនេះ»។
កាលពីថ្ងៃសៅរ៍ អ្នកបោះឆ្នោតអាហ្វហ្គានីស្ថាន បានចាប់ផ្តើមបោះសន្លឹកឆ្នោតរបស់ពួកគេ ដើម្បីជ្រើសរើស ប្រធានាធិបតីថ្មីរបស់ប្រទេសនេះ ចំពេលដែលការគំរាមកំហែងពួកតាលីបាន ធ្វើឲ្យរំខានដល់ដំណើរការសន្តិសុខ ជាតិ។ ជុំទី២ នៃការបោះឆ្នោតនេះនឹងសម្រេច ថាតើអតីតរដ្ឋមន្ត្រីការបរទេស គឺលោក Abdullah Abdullah ឬអតីតអ្នក សេដ្ឋកិច្ចធនាគារពិភពលោក គឺលោក Ashraf Ghani Ahmadzaiwill នឹងដឹកនាំប្រទេសនេះនៅក្នុង សម័យថ្មី នេះជាមួយ នឹងការធ្លាក់ចុះជំនួយខាងយោធាអន្ដរជាតិនិងជំនួយជនស៊ីវិល៕
