ខេត្តបាត់ដំបង បានបង្ហាញមុខក្រុមចោរប្រដាប់អាវុធ៣នាក់ប្លន់សម្លាប់យ៉ាង សកម្ម ជាច្រើនកន្លែងក្នុងចំណោមបក្ខពួក៦នាក់ បន្ទាប់ពីស្រាវជ្រាវស៊ើបអង្កេតករណី បាញ់ប្លន់សម្លាប់ បុរស ២នាក់និងស្ត្រីម្នាក់រងរបួសធ្ងន់នៅផ្ទះលក់សាច់ពិសេស(សាច់ឆ្កែ)ប្លន់បានមាសប្រាក់ នៅ ភូមិចក ឃុំកកោះ ស្រុកមោងឬស្សី ខេត្តបាត់ដំបងកន្លងមក។
ការបង្ហាញមុខនេះ បានធ្វើឡើងនៅទីបញ្ជាការអាវុធហត្ថ ខេត្តបាត់ដំបង។ លោកសូ ឌីមេបញ្ជាការងមន្ទីស្រាវជ្រាវយុត្តិធម៍អាវុធហត្ថខេត្តបាត់ដំបង បានឲ្យដឹងថាបុរស៣នាក់ ដែលឃាត់ខ្លួនទី១ឈ្មោះភិន ភនអាយុ៥១ឆ្នាំមុខរបរធ្វើស្រែរស់នៅភូមិព្រែកអាំឃុំរបស់ មង្គល ស្រុកមោង ឬស្សី ខេត្តបាត់ដំបង។កម្លាំងឆែកឆេររកឃើញកាំភ្លើងអាការមួយដើម កាំភ្លើងខ្លីមួយដើមដែល លាក់ទុក ក្នុងផ្ទះ ទី២ឈ្មោះនាង ស៊ីណាហៅខ្នាអាយុ៣០ឆ្នាំ មុខរបរកម្មកររស់ នៅភូមិថ្មីឃុំត្រពាំង ជងស្រុកបាកាន ខេត្តពោធិសាត់ ទី៣ឈ្មោះនឹម ចិត្តអាយុ៣១ឆ្នាំមុខរបរកម្មកររស់នៅភូមិព្រែកកន្លង់ឃុំផ្ទះរ៉ុងស្រុក ក្រវាញ ខេត្ត ពោធិសាត់។
លោកសូ ឌីបានបញ្ជាក់ថារាល់សកម្មភាពដែលជនសង្ស័យទាំង៣នាក់នេះចេញទៅប្លន់គឺត្រូវទៅ យកកាំភ្លើងនៅ ផ្ទះរបស់ឈ្មោះភិន ភនហើយឈ្មោះនាង ស៊ីណាហៅខ្នាកាន់កាំភ្លើងអាការជាអ្នក បាញ់ សម្លាប់ជនរងគ្រោះប្លន់យកទ្រព្យសម្បត្តិហើយឈ្មោះនឹមចិត្តកាន់កាំភ្លើងខ្លីភ្ជង់ជនរងគ្រោះនិងរើរុះកកាយរកទ្រព្យសម្បត្តិឬយកម៉ូតូជិះទៅលក់ចំណែកភិន ភនអ្នកជិះម៉ូតូឌុបទៅធ្វើសកម្មភាពនិង នៅផ្ទះគេ មាន កន្លែងលាក់ទុកអាវុធយ៉ាងសម្ងាត់។
កម្លាំងអាវុធហត្ថខេត្តបាត់ដំបងចុះសហការជាមួយកម្លាំងអាវុធហត្ថរាជធានីភ្នំពេញអាវុធហត្ថខេត្តពោធិសាត់អាវុធហត្ថខេត្តត្បូងឃ្មុំនិងអាវុធហត្ថខេត្តប៉ៃលិនទើបឃាត់ខ្លួនជន សង្ស័យបាន៣នាក់។ ក្រុមជនសង្ស័យទាំង៣នាក់បានសារភាពប្រាប់អាវុធហត្ថខេត្តបាត់ដំបងថាពួកគេធ្វើសកម្មភាព ប្លន់លួចមានគ្នា៦នាក់ចាប់ពី២០១១ដល់ខែឧសភាឆ្នាំ២០១៤ហើយពួកគេធ្វើសកម្មភាពប្លន់១១លើកបាញ់សម្លាប់មនុស្ស៣នាក់របួសធ្ងន់ស្រាល៩នាក់និងយកបានសម្ភារៈមាសប្រាប់មួយចំនួន។
ការធ្វើសកម្មភាពប្លន់លួចនេះគឺនៅក្នុងខេត្តបាត់ដំបង៦លើកនៅខេត្តបន្ទាយមានជ័យ១លើកនៅខេត្តពោធិសាត់៤លើកដោយប្រើប្រាស់កាំភ្លើងអាកាមួយដើមកាំភ្លើងខ្លីមួយដើមប្លន់បានម៉ូតូ៦គ្រឿងមាស៣តម្លឹង៣ជីប្លាទីន២តម្លឹង៦ជីប្រាក់ដុល្លារ៨០០ដុល្លារប្រាក់បាត៧០០០បាតនិងប្រាក់រៀល៥០លាន៨០មឺនរៀលទួរស័ព្ទដៃចំនួន១២គ្រឿង។
លោកសូ ឌី បានបញ្ជាក់ថាក្រោយពីស្រាវជ្រាវកម្លាំងបានដកហូតម៉ូតូហុង និងកាំភ្លើងអាកាមួយ ដើមគ្រាប់៧គ្រាប់បង់មួយ។កាំភ្លើងខ្លីមួយដើមគ្រាប់១៤គ្រាប់បង់មួយ។ប្រដាប់កាច់សោករម៉ូតូមួយទួរស័ព្ទ៣គ្រឿងនិងកាបូបស្ពាយសម្រាប់ដាក់លាក់អាវុធខ្លីចំនួន២។បច្ចុប្បន្នជនសង្ស័យទាំង៣នាក់កម្លាំងបាន កសាងសំណុំរឿងបញ្ជួនខ្លួនជនសង្ស័យនិងវត្ថុតាងកាំភ្លើង២ដើមទៅតុលាការដើម្បីចាត់ការទៅតាមផ្លូវច្បាប់នៅរសៀលថ្ងៃទី១៥ខែមិថុនាឆ្នាំ២០១៤ ៕ 
