ខេត្តព្រះវិហារ៖ ប្រធានសហភាពសហព័ន្ធយុវជនកម្ពុជាបានធ្វើការអំពាវនាវ ទៅដល់យុវជនគ្រប់វ័យ គ្រប់ស្រទាប់វណ្ណៈ និងគ្រប់និន្នាការនយោបាយទាំងអស់ ត្រូវ នាំគ្នាចូលរួមគាំទ្រ ដល់ចលនារបស់សហភាពសហព័ន្ធយុវជនកម្ពុជា ក្នុងការជំនៈឧប សគ្គទាំងឡាយ ដើម្បីពង្រឹង និងលើកស្ទួយអង្គការចាត់តាំង របស់សហភាពសហព័ន្ធ ក៏ដូចជាខិតខំបំពេញការងារ ជួយដល់យុវជនឲ្យទទួលបាននូវឳកាសផ្សេងៗ រួមទាំង ឳកាសបន្តការសិក្សា តាមរយះគម្រោងអាហាររូបករណ៏ និងឳកាសចូលរួមនៅក្នុងកិច្ច ការសង្គម និងមនុស្សធម៌ផងដែរ ។
ការអំពាវនាវខាងលើនោះ ត្រូវបានធ្វើឡើងក្នុងពិធី សម្ពោធដាក់ឲ្យប្រើប្រាស់ជា ផ្លូវការ នូវទីស្នាក់ការ នៃអាគាររដ្ឋបាល សហភាពសហព័ន្ធយុវជនកម្ពុជា ខេត្តព្រះវិ ហារ នាថ្ងៃអាទិត្យទី១៥ មិថុនាម្សិលមិញ ស្ថិតនៅភូមិស្ថាពរ សង្កាត់ប៉ាលហាល ក្រុង ព្រះវិហារ ខេត្តព្រះវិហារ ។ អភិបាលរងខេត្ត និងជាប្រធាន សហភាពសហព័ន្ធយុវជនខេត្តព្រះវិហារ ឯក ឧត្តមអ៊ុន ចាន់ដា បានឡើងអានជីវប្រវត្តិ និងគោលបំណង ពីការបង្កើតឡើង នៃសហ ភាពសហព័ន្ធយុវជនកម្ពុជា ថា សហព័ន្ធនេះ បានបន្តសកម្មភាព ពីសមាគមន៏សាមគ្គី សង្គ្រោះជាតិកម្ពុជា ដែលបានចាប់បដិសន្ធិ នៅថ្ងៃ២ធ្នូ១៩៧៨ ក្នុងគោលបំណងរួមចំ ណែកក្នុងការប្រមូលផ្តុំ កម្លាំងយុវជនឲ្យបានច្រើនកុះករ ចូលរួមផ្តួលរំលំរបបប្រល័យ ពូជសាសន៏ប៉ុលពត និងរំដោះប្រជាពលរដ្ឋឲ្យរស់ឡើងវិញ នាថ្ងៃ៧មករា១៩៧៩ ជាពិ សេស ការស្តារ និងកសាងប្រទេសជាតិឡើងវិញ ។
ឯកឧត្តមបន្តទៀតថា ក្រោយសន្និបាតលើកទី២ និងចាប់ពីឆ្នាំ ១៩៩៣ រហូតមក សមាគមន៏សាមគ្គីសង្គ្រោះជាតិកម្ពុជា ត្រូវបានប្តូរឈ្មោះជាសមាគមន៏យុវជនកម្ពុជា បេសកកម្ម គឺការអប់រំ បំពាក់បំប៉ន អំពីមនសិការស្នេហាជាតិ មាតុភូមិ និងប្រជាជនក្នុង ជួរយុវជន ឲ្យមានគោលជំហរ និងឆន្ទះមុះមុត ក្នុងបុព្វហេតុការពារ និងកសាងមាតុភូមិ យើង ។លោកថា សម្តេចតេជោ សែន និងសម្តេចកិត្តិព្រឹទ្ធឹបណ្ឌិតប៊ុនរ៉ានី ហ៊ុន សែន បានអញ្ជើញជាអធិបតីភាពដ៏ខ្ពង់ខ្ពស់ ក្នុងអង្គមហាសន្និបាតលើកទី៣ នាថ្ងៃ២-៣ វិច្ឆិ កា២០១២ នៅរាជធានីភ្នំពេញ សមាគមន៏យុវជនកម្ពុជា បានប្តូរឈ្មោះជាសហភាព សហព័ន្ធយុវជនកម្ពុជា ហើយអង្គមហាសន្និបាត បានបោះឆ្នោតគាំទ្រឯកឧត្តមហ៊ុន ម៉ា នី ជាប្រធានចាប់ពីពេលនោះមក ។
ហើយសហភាពសហព័ន្ធនេះ បង្កើតឡើង ក្នុង គោលបំណងប្រមូលផ្តុំយុវជន សិស្សានុសិស្ស និស្សិតកម្ពុជា ទាំងក្នុង និងក្រៅប្រទេស ដោយមិនប្រកាន់ជាតិសាសន៏ សាសនា វណ្ណះ និន្នាការនយោបាយ ជាកម្លាំងមហា សាមគ្គី ក្នុងការរួមចំណែក កសាងប្រទេសកម្ពុជា ។ ប្រធានសហភាពសហព័ន្ធយុវជនកម្ពុជា ឯកឧត្តមហ៊ុន ម៉ានី បានថ្លែងថា អាគារ រដ្ឋបាលមួយខ្នង ដែលមានទំហំទទឹង១០ម៉ែត្រ បណ្តោយ១៥ម៉ែត្រ ចំណាយថវិកាអស់ ប្រមាណ៣ម៉ឺន៧០០០ដុល្លារអាមេរិក ក្រោមការឧបត្ថម្ភ ពីអ្នកឧកញ៉ាទ្រី ភាព នោះ នេះជាសមិទ្ធិផលមួយដ៏ថ្លៃថ្លា និងជាមូលដ្ឋានគ្រឹះដ៏សំខាន់ ក្នុងការរៀបចំការងាររដ្ឋ បាល និងសកម្មភាពប្រចាំថ្ងៃ ដើម្បីបង្កើនប្រសិទ្ធិភាពការងាររបស់ខ្លួន ឲ្យកាន់តែប្រ សើរថែមទៀត ។
ហើយឯកឧត្តមមានជំនឿយ៉ាងមុតមាំថា ទីស្នាក់ការថ្មីនេះ នឹងក្លាយ ជាមជ្ឈមណ្ឌលមួយយ៉ាងសំខាន់ សម្រាប់យុវជនរបស់យើងប្រចាំខេត្តព្រះវិហារ ដែល នឹងក្លាយជាកន្លែងប្រមូលផ្តុំយុវជន បណ្តុះបណ្តាលយុវជន និងឆ្លើយតបទៅនឹងតម្រូវ ការរបស់យុវជនយើង សំដៅធ្វើយ៉ាងណាឲ្យកិត្យានុភាព របស់សហភាពសហព័ន្ធយុវ ជនកម្ពុជា ជ្រាបចូលដល់បេះដូង នៃស្រទាប់យុវជនគ្រប់លំដាប់ថ្នាក់ និងគ្រប់និន្នាការ ទាំងនៅក្នុងខេត្តព្រះវិហារ និងបណ្តាខេត្តជុំវិញនេះផងដែរ ។
អគ្គមេបញ្ជាការង នៃកងយោធពលខេមរៈភូមិន្ទ មេបញ្ជាការកងទ័ពជើងគោក និងជាប្រធានក្រុមការងារថ្នាក់កណ្តាលចុះជួយខេត្តព្រះវិហារ ឯកឧត្តមមាស សុភា បានកោតសរសើរដល់កិច្ចខិតខំប្រឹងប្រែង របស់សហភាពសហព័ន្ធខេត្ត ដែលបានជំ នៈគ្រប់ឧបសគ្គ ហើយទីបំផុត ទទួលបានជោគជ័យ ក្នុងការប្រមូលផ្តុំកម្លាំងយុវជន ។ ព្រោះថា យុវជនជាទំពាំងស្នងឬស្សី ប្រទេសជាតិ ពិតជាត្រូវការកម្លាំងយុវជនជាចាំ បាច់ ក្នុងការចូលរួមកសាងប្រទេស ។
ដូច្នេះ ចូរក្មួយៗជាយុវជនទាំងអស់ ត្រូវរៀនហាត់ពត់ ធ្វើខ្លួនឲ្យក្លាយជាកូនល្អ សិស្សល្អ នៅផ្ទះស្តាប់ការទូន្មានរបស់លោកឪពុក អ្នកម្តាយ នៅសាលាត្រូវត្រងត្រាប់ ស្តាប់ការពន្យល់ អប់រំ ណែនាំ របស់លោកគ្រូអ្នកគ្រូ ដើម្បីក្រេបយកចមណេះដឹងទាំង នេះ ទៅបម្រើបុព្វហេតុជាតិ មាតុភូមិ និងប្រជាពលរដ្ឋ ។ដោយ ញ៉ែម ណាល់ 
