ភ្នំពេញ ៖ រថយន្តFUSO បើកកិនម៉ូតូសង់កូរ៉េបណ្ដាលអោយបុរសម្នាក់រងរបួសធ្ងន់នៅចំណុច ផ្លូវ៤៣០កែងផ្លូវលេខមុនីរ៉េតកាលពីវេលាម៉ោង៤និង៣០នាទីទៀបភ្លឺថ្ងៃទី១៧ខែមិថុនាឆ្នាំ២០១៤ ក្នុងសង្កាត់ទំនប់ទឹក ខណ្ឌចំការមន។
នៅកន្លែងកើតហេតុបានអោយដឹងថា គ្រោះថ្នាក់ចរាចរខាងលើនេះបណ្ដាលមកពីរថយន្តFUSO មួយគ្រឿង ពណ៌ស ពាក់ស្លាកលេខស៊េរីចាស់ ក6735 ភព3 ដែលបើកបរដោយបុរសម្នាក់ និង រួមដំណើរជាមួយព្រូរថយន្តម្នាក់ បានធ្វើដំណើរតាមបណ្ដោយផ្លូវព្រះមុនីរ៉េតក្នុងទិសដៅពីលិច ទៅកើតខណៈមកដល់ចំណុចផ្លូវកែងរថយន្តនេះបានបត់ស្ដាំមកផ្លូវលេខ៤៣០ដោយមិនបានឃើញមួយគ្រឿងម៉ាកសង់កូរ៉េ ពណ៌ក្រហម មិនមានស្លាកលេខ ដែលជិះដោយបុរសម្នាក់កំពុងធ្វើដំណើរ ស្របគ្នានោះក៏ធ្វើអោយរថយន្តបុកម៉ូតូហើយកិនម៉ូតូរួមទាំងមនុស្សនៅក្រោមរថយន្តតែដោយ សំណាងល្អម្ចាស់ម៉ូតូបានរងរបួសធ្ងន់មិនបណ្ដាលអោយមានគ្រោះថ្នាក់ដល់អាយុជីវិតនោះទេ។ ប៉ុន្តែម៉ូតូវិញបានរងការខូចខាតដោយត្រូវរថយន្តកិនពីលើខ្ទេចស្ទើរទាំងស្រុង ភ្លាមៗនោះរថយន្ត បង្កហេតុបានព្យាយាមបើកគេចខ្លួនប្រហែលជា១០០ម៉ែត្រពីកន្លែងកើតហេតុក៏ឈប់រថយន្តរួចអ្នកបើកបរក៏ទុករថយន្តចោលហើយគេចខ្លួនបាត់ ដោយស្មានថាម្ចាស់ម៉ូតូត្រូវគាត់បើករថយន្ត កិនស្លាប់។
បន្ទាប់ពីកើតហេតុបុរសជនរងគ្រោះខាងលើត្រូវបានគេដឹកតាមម៉ូតូយកទៅមន្ទីរពេទ្យដើម្បីសង្គ្រោះភា្លមៗ ហើយចំណែកម៉ូតូនិងរថយន្តបង្កត្រូវបានសមត្ថកិច្ចមូលដ្ឋានសហការជាមួយសមត្ថកិច្ច ជំនាញចរាចរអោយចុះមកវាស់វែងគ្រោះថ្នាក់ខាងលើនេះយកទៅរក្សាទុកនៅអធិការដ្ឋាន ខណ្ឌចំការមនរង់ចាំដោះស្រាយគ្នានៅពេលក្រោយ៕
