ភ្នំពេញ ៖នារី២នាក់បងប្អូនត្រូវបានក្រុមចោរ៣នាក់ជិះ រ៉ឺម៉កកងបីឆក់យកកាបូបលុយ ខណះពេលកំពុងជិះម៉ូតូត្រលប់ មកពីដើរលេងក្នុងបំណងទៅផ្ទះវិញ។
ហេតុការណ៍នេះកើតឡើងនៅវេលាម៉ោង៩និង៣៥នាទីយប់ថ្ងៃទី១៦ មិថុនា២០១៤ នៅចំណុចក្បែរអង់តែនទួលគោក ស្ថិតក្នុងសង្កាត់បឹងកក់ទី១ខណ្ឌទួលគោក ។
នៅចំពោះមុខសមត្ថកិច្ចនឹងក្រុមអ្នកយកពត៏មាននារីរងគ្រោះទាំង២នាក់បងប្អូនបានរៀបរាប់ទាំងអារម្មណ៍ភ័យតក់ស្លុតថាមុនពេលកើតហេតុនាងនឹងបងស្រីបានជិះម៉ូតូស្មាសពណ៌ខ្មៅមួយគ្រឿងពាក់ស្លាកលេខភ្នំពេញ1BL-6277ត្រឡប់មកពីដើរលេងវិញ ដោយធ្វើដំណើរទៅផ្ទះវិញស្រាប់តែមកដល់ចំណុចម្តុំអង់តែនទួលគោកក៏មានក្រុមចោរ៣នាក់ជិះរ៉ឺម៉កកង៣ មកធ្វើសកម្មភាពឆក់កាបូបរបស់បងស្រីរបស់នាងដែលជិះពីក្រោយបានសម្រេច រួចបើករ៉ឺម៉កកងបីរត់គេចខ្លួនបាត់ស្រមោលបាត់ទៅ។
បន្ទាប់មកនារីរងគ្រោះទាំងពីរនាក់បងប្អូនបានជិះដេញតាមរករ៉ឺម៉កកងបីនោះរហូតមកដល់មុខ សកលវិទ្យាល័យភូមិន្ទភ្នំពេញ ក៏ប្រទះឃើញរ៉ឺម៉កកងបីមួយគ្រឿងដែលមានគ្នាជិះ៣នាក់ ស្រដៀងនឹងរ៉ឺម៉កកងបីរបស់ក្រុមចោរដែលបានធ្វើសកម្មភាពឆក់កាបូបរបស់នាងមុននោះ រូបនាងនឹងបងស្រីបានធ្វើការឃាត់ហើយស្រែកអោយប្រជាពលរដ្ឋនៅក្បែរៗនោះជួយចាប់នឹងបានប្តឹងទៅសមត្ថកិច្ចឱ្យធ្វើការឆែកឆេរប៉ុន្តែពេលឆែកឆេររកមិនឃើញកាបូបរបស់បងស្រីនាង រូបនាងនឹងបងស្រីក៏បានសុំទោសបុរសទាំង៣នាក់នោះវីញទៅពីព្រោះនេះគ្រាន់តែជាការយល់ច្រឡំប៉ុណ្ណោះ ។
ក្រោយពេលកើតហេតុនារីរងគ្រោះទាំង២នាក់បងប្អូនមិនបានដាក់ពាក្យបណ្តឹងនៅប៉ុស្តិ៍ន គរបាលរដ្ឋបាលបឹងកក់ទី១ឡើយដោយនាងគ្រាន់តែប្រាប់សមត្ថកិច្ចថាក្នុងកាបូបរបស់នាង មានលុយមួយចំនួន និងទូរសព្ទ័ដៃម៉ាក Iphone5s មួយគ្រឿងផងដែរ ៕
