ភ្នំពេញ ៖ នារីម្នាក់បានធ្វើសកម្មភាពឆក់ទូរស័ព្ទដៃម៉ាកសាំសុង ពីបុរសម្នាក់ ដែលកំពុងតែមកតថ្លៃស្រីយកទៅដេកប៉ុន្តែមិនបានសម្រេច ត្រូវម្ចាស់ទូរស័ព្ទចាប់ខ្លួនប្រគល់ឱ្យសមត្ថកិច្ច ។ ហេតុការណ៍ នេះកើតឡើងនៅវេលាម៉ោង ១០និង៣៥នាទីយប់ថ្ងៃទី១៦ខែមិថុនាឆ្នាំ២០១៤ នៅ
ចំណុចផ្លូវលេខ៧០ ស្ថិតនៅក្នុងសង្កាត់ស្រះចក ខណ្ឌដូនពេញ។
យោងតាមការឲ្យដឹងពីបុរសខាងលើឈ្មោះ ចាន់ដា អាយុ២៨ឆ្នាំ មុខរបរអ្នកលក់ទូរសព្ទ័ ស្នាក់នៅផ្ទះជួលនៅសង្កាត់ទួលសង្កែរ ខណ្ឌឬស្សីកែវ ហេតុបានឱ្យដឹងថា នៅមុនពេលកើតហេតុគឺគាត់និងមិត្តភក្តិម្នាក់ទៀតបានចេញមកពីកន្លែងផឹកស៊ីនៅហាងមួយ លុះពេលផឹកស្រវឹងហើយមានអារម្មណ៍ចង់រួមភេទ ក៏បាននាំគ្នាជិះម៉ូតូមួយគ្រឿងម៉ាក សង់កូរ៉េ ពណ៌ក្រហម ពាក់ស្លាកលេខស្វាយរៀង 1D-3642 ក្នុងបំណងមកយកនារីរកស៊ីផ្លូវ ភេទមកដេក ស្រាប់តែមកដល់ចំណុចកើតហេតុ ក៏បានឈប់ម៉ូតូរួចកំពុងតែតថ្លៃជាមួយនារីៗរកស៊ីផ្លូវភេទហើយក៏ត្រូវរ៉ូវគ្នា រួចគាត់ក៏បានឱ្យនាងឡើងម៉ូតូទៅជាមួយ ស្រាប់តែពេលនោះគាត់ក៏បានលើទូរសព្ទ័និយាយ ក៏នារីនោះបានឆក់យកទូរស័ព្ទ របស់គាត់ម៉ាកសាំសុងកាឡាក់ស៊ី រួចក៏ហុចទៅឱ្យនារីរកស៊ីផ្លូវភេទម្នាក់ទៀតដែលកំពុងឈរក្បែរនោះរួចក៏គេចខ្លួនបាត់ស្រមោលតែម្តង នៅសល់តែនារីដែលធ្វើសកម្មភាពលួចទូរសព្ទ័ របស់បុរសនេះក៏បានគេចាប់វាយយ៉ាងដំណំផងដែរ។
ហើយបើតាមការនិយាយរបស់នារីរកស៊ីផ្លូវភេទខាងលើមានឈ្មោះ ស្រីភា អាយុ ៣៣ឆ្នាំ មុខរបររកស៊ីផ្លូវភេទ ស្នាក់នៅសង្កាត់ ទួលសង្កែរ ខណ្ឌឬស្សីកែវ នាងពិតជាបានធ្វើសកម្មភាពលួច
ទូរសព្ទ័របស់បុរសខាងលើពិតមែន។ បន្ទាប់ពីកើតហេតុប្រហែលជា២០នាទីសមត្ថកិច្ចបានចុះមកដល់កន្លែងក៏ធ្វើការឃាត់ខ្លួននារីសង្ស័យទៅសួរនាំ ប៉ុស្តិ៍នគរបាលរដ្ឋបាលស្រះចកដើម្បី ចាត់ការទៅតាមផ្លូវច្បាប់៕
