ប្រទេសកេនយ៉ា ពួកឧទ្ទាមបះបោរ Al-Shabaab ក្នុងប្រទេសសូម៉ាលី បានប្រកាសទទួលខុសត្រូវ ទាំំងស្រុងចំពោះករណីវាយប្រហារដោយហឹង្សា នៅឯតំបន់រម្មណីយ៍ដ្ឋានដ៏ពេញ និយមបំផុតមួយក្នុងប្រទេសកេនយ៉ាកាលពីថ្ងៃ អាទិត្យ ចុងសប្តាហ៍មុននេះ ។ យោងទៅតាមប្រភពពីក្រុមមន្ត្រីអាជ្ញាធរក្នុងតំបន់ បានបញ្ជាក់ថា ក្រុមខ្មាន់កាំ ភ្លើងបានធ្វើឧទ្ទាមកម្មទៅលើតំបន់ឆ្នេរក្នុងក្រុង Mpeketoni ដែលស្ថិតនៅក្បែរតំបន់ ដែនកោះ Lamu ហើយជាលទ្ធផលនោះ មានជនរងគ្រោះប្រមាណជា ៤៨ នាក់ បានទទួលមរណៈភាព ។
ស្របពេលជាមួយគ្នានោះដែរ ពួកឧទ្ទាមបះបោរ Al-Shabaab បាននិយាយថា ការប្រើហឹង្សាខាងលើនេះ គឺជាការសងសឹកទៅនឹងរបបគាបសង្កត់ដ៏ឃោឃៅរបស់ពួកសាសនាឥស្លាម និង ការចូលទន្ទ្រានលុកលុយដែនអធិបតេយ្យភាពរបស់ប្រទេសសូម៉ាលីពីសំណាក់កងយោធាកេនយ៉ា ។ លើសពីនេះទៀត ពួកសកម្មប្រយុទ្ធ Al-Sh abaab ក៏បានប្រកាសព្រមានទៅកាន់អ្នកទេសចរណ៍ជាតិ និង អន្តរជាតិត្រូវប្រញាប់ចាកចេញពីតំបន់នានា ដែលពួកគេបានប្រកាសត្រៀមនឹងធ្វើការវាយប្រហារក្នុងប្រទេសកេនយ៉ាផងដែរ ៕
