ភ្នំពេញ ៖ស្នងការដ្ឋាន នគរបាលរាជធានីភ្នំពេញ បានធ្វើសន្នសីទកាសែត បង្ហាញមុខសញ្ញាចោរប្លន់ ម៉ូតូធំ និងប្លន់ និងលួចរថយន្ត សាំយ៉ុងប្រភេទ១២កៅអី ក្រោមវត្តមាន របស់ លោកឧត្តម សេនីយ៍ ជួន ណា ស្នងការរង នគរបាល រាជធានីភ្នំពេញ និងជាប្រធាន ការិយាល័យ កណ្តាលយុត្តិធម៌រិន្ទ កាលពីព្រឹកថ្ងៃទី១៦ ខែមិថុនា ឆ្នាំ២០១៤ ។
សូមបញ្ជាក់ថា ការិយាល័យកណ្ដាល នគរបាលព្រហ្មទណ្ឌ បានធ្វើការស្រាវជ្រាវតាមជំនាញ ឈានទៅ ដល់ធ្វើការ ឃាត់ខ្លួន បានជនសង្ស័យ០៣ នាក់ ក្នុងចំណោម ជនសង្ស័យទាំង០៣ នាក់មានម្នាក់ មានដីការចាប់ខ្លួន បានធ្វើការឃាត់ខ្លួន នៅចំណុចមុខវត្តខ្ទរ សង្កាត់ព្រែកលៀប ខណ្ឌឬស្សីកែវ ក្នុងនោះ ដកហូតបានរថយន្ត០៣គ្រឿង និងដកហូតបាន អាវុធខ្លី០១ដើម ម៉ាករ៉ូឡូ ពណ៌ស គ្មានលេខ គ្រាប់ចំនួន០៦គ្រាប់ ។ មន្ត្រីនគរបាល ព្រហ្មទណ្ឌកម្រិតធ្ងន់ បានឲ្យដឹងថា ជនសង្ស័យទី១ ឈ្មោះ ឃួន សារ៉ាត់ ភេទប្រុស អាយុ៣៩ឆ្នាំ មុខរបរជួសជុលរថយន្ត ស្នាក់នៅផ្ទះលេខ២៦០ ផ្លូវ១៦៣ សង្កាត់ទឹកល្អក់២ ខណ្ឌទួលគោក។
ជនសង្ស័យទី២ ឈ្មោះ មាន មុំ ភេទប្រុស អាយុ៣០ ឆ្នាំ មុខរបរស្នាក់ នៅមិនពិតប្រាកដ ។ ជនសង្ស័យទី៣ ឈ្មោះ ឡុង សំបូរ ភេទប្រុស អាយុ២២ ឆ្នាំមុខរបរ មិនពិតប្រាកដ ស្នាក់នៅ ផ្ទះជួលម្ដុំរថភ្លើង សង្កាត់ ភ្នំពេញថ្មី ខណ្ឌសែនសុខ ។ លោកឧត្តមសេនីយ៍ ជួន ណារិន្ទ ស្នងការរង រាជធានីភ្នំពេញ បានប្រាប់ឲ្យដឹងថា ករណីខាងលើនេះ សមត្ថកិច្ចបានធ្វើការ ស្រាវជ្រាវ និងកំណត់មុខ សញ្ញាយ៉ាងច្បាស់ ក៏បានធ្វើការឃាត់ខ្លួនតែម្តង ។
ករណីទី១ គឺករណីលួចរថយន្ត ម៉ាកសាំយ៉ុង ពណ៌ស ពាក់ស្លាកលេខ 2L-0274 ធ្វើសកម្មភាពលួច នៅមុខផ្ទះលេខ៣៤ A ផ្លូវលេខ ៥០៦ សង្កាត់ផ្សារដើមថ្កូវ ខណ្ឌចំការមន ។ ជនរងគ្រោះ ឈ្មោះ CARANGIAN ។ ករណីទី២ គឺជាករណីលួច រថយន្តម៉ាក សាំយ៉ុង ពណ៌ស ដែលចតនៅផ្ទះជួល មុខស្ថានីយ៍ ទូរទស្សន៍ បាយ័ន្តថ្មី ផ្លូវសឡា សង្កាត់ស្ទឹងមានជ័យ ជនរងគ្រោះឈ្មោះ តូច សូនី ភេទប្រុស អាយុ៣១ឆ្នាំ ។ ករណីទី៣ លួចរថយន្តម៉ាក សាំយ៉ុង ពណ៌លឿង ។
ជនរងគ្រោះ ឈ្មោះ ភី គង់ អាយុ២៧ ឆ្នាំ ស្នាក់នៅ បន្ទប់ជួល ផ្លូវបេតុង ភូមិក្បាលដំរី សង្កាខណ្ឌពោធិ៍សែនជ័យ ។ ករណីទី៤ ចាប់តាមដីកាពី បទលួចមានស្ថាន ទម្ងន់ទោស ដោយសារមរណភាព នៃជនរងគ្រោះ និងទទួល ផលចោរកម្ម។ បច្ចុប្បន្ន ជនសង្ស័យទាំង០៣ នាក់ខាងលើនេះ សមត្ថកិច្ចកំពុងកសាងសំណុំរឿង បញ្ជូនទៅកាន់ សាលាដំបូងរាជធានី ភ្នំពេញ ដើម្បីចាត់ការ តាមផ្លូវច្បាប់ ៕
