អគ្គលេខាធិការអង្គការណាតូ លោក Anders Fogh Rasmussen បានប្រកាស ឱ្យដឹងថា ណាតូត្រៀមលក្ខណៈជួយដល់ អ៊ុយក្រែនពង្រឹងកម្លាំងទាហានឱ្យកាន់តែ មានភាពរឹងមាំ ដោយពេលនេះរុស្ស៊ី បានក្លាយទៅជាសត្រូវដ៏ពិតប្រាកដ របស់ណាតូ ។ ការជំនួយដល់ទាហានអ៊ុយក្រែន របស់ណាតូ នឹងត្រូវពិភាក្សាបណ្ដារដ្ឋ មន្ដ្រីការបរទេសប្រទេសជាសមាជិក នៅចុងខែមិថុនានេះ ។ អគ្គលេខាធិការ អង្គការណាតូ លោក Anders Fogh Rasmussen បានប្រកាសនៅក្នុងសន្និ សីទកាសែតថា ណាតូនឹងជួយអភិវឌ្ឍន៍ កម្លាំងយោធា និងពង្រឹងសមត្ថភាព សព្វាវុធវាយប្រហាររបស់អ៊ុយក្រែន ។
ណាតូ នឹងសហការជាមួយអ៊ុយក្រែន ក្នុងការធ្វើសមយុទ្ធយោធាត្រៀមលក្ខណៈ ទប់ទល់ហេតុការណ៍អាក្រក់ដែលអាច កើតឡើងដោយពេលនេះរុស្ស៊ីបានចាត់ ទុកណាតូជាសត្រូវមុន ទើបណាតូមិន អាចទុករុស្ស៊ីជាមិត្ដបានឡើយ ។ នៅពេលនេះដែរ ណាតូបានបង្កើន វត្ដមានយោធានៅតំបន់អឺរ៉ុបភាគខាង កើតដើម្បីទប់ទល់នឹងការគំរាមកំហែង ពីរុស្ស៊ី ។ ផ្ទុយទៅវិញ រុស្ស៊ីចាត់ទុកការ ដាក់ពង្រាយកម្លាំងនោះជាសកម្មភាព គំរាមកំហែងសំដៅទៅលើរុស្ស៊ី ដូច្នេះ រុស្ស៊ីចាំបាច់ត្រូវមានវិធានការទប់ទល់ វិញ ។
កន្លងមក រុស្ស៊ី ក៏ដូចជាណាតូបានធ្វើ សមយុទ្ធបាញ់គ្រាប់ពិតរៀងៗខ្លួននៅ ជាប់ព្រំដែនដើម្បីជាការត្រៀមលក្ខណៈ ពេលមានហេតុការណ៍អាក្រក់កើតឡើង។ ក្រុមអ្នកវិភាគអះអាងថា ស្ថានភាព វិបត្ដិក្នុងប្រទេសអ៊ុយក្រែនកំពុងអូស ទាញណាតូ និងរុស្ស៊ីប្រឈមមុខតានតឹង ដាក់គ្នា ក្លាយជាសត្រូវដ៏ពិតប្រាកដ ។ អ៊ុយក្រែនក្លាយទៅជាទីលានប្រយុទ្ធរវាង ណាតូ នឹងរុស្ស៊ី
