ខេត្តស្ទឹងត្រែង៖អគ្គីភ័យលេបត្របាក់ក្លឹបដ៏ល្បីគ្មានពីរនៅខេត្តស្ទឹងត្រែងជាកន្លែងរាំកម្សាន្តក្លីបអាម៉ាហ្ស៊ូន ត្រូវបានអគ្គីភ័យលេបត្របាក់ទាំងព្រឹកប្រលឹម នៅវេលាម៉ោងប្រមាណជាង៧ព្រឹក ថ្ងៃទី១៨ខែមិថុនាឆ្នាំ២០១៤ នៅភូមិរាជានុកូល សង្កាត់ស្ទឹងត្រែងក្រុងស្ទឹងត្រែងខេត្តស្ទឹងត្រែង ហេតុការ ធ្វើឲ្យបុគ្គលិគដែលគេងក្នុងនោះ ភ័យរត់ស្លន់ស្លោចោលខោវាវ ទាំងភ្នែកមមី មមើល ម្នាក់ៗ បាត់បង់ម្ចាស់ការរៀងៗ ខ្លួន ប្រភពព័ត៍មានពីមន្ត្រីនគរបាលអគ្គ័យ បានឲ្យដឹងថា៖ ក្នុង ហេតុការណ៏នេះប្រើប្រាស់ទឹក អស់ចំនួន៣រថយន្ត ទើបអាចពន្លត់ភ្លើងបាន។
មន្ត្រីស្នងការនគបាលខេត្តបានឲ្យដឹងថាមានមនុស្សម្នាក់ឈ្មោះនេន ភេទប្រុសអាយុ៣០ឆ្នាំ ជាបុគ្គលិកធ្វើការនៅទីនោះ រងរបួសស្រាល ត្រូវបានភ្លើងឆេះពេញខ្លួន! មូលហេតុដែលបណ្តា លឲ្យមានអគ្គីភ័យលេបត្របាកនេះ ត្រូវបានម្ចាស់ហាងបានឲ្យដឹងថា៖ បណ្តាលមកពីផ្ទុះ សេ ខ្សែភ្លើង ។ ម្ចាស់ក្លឹបអាម៉ាហ្ស៊ូន ត្រូវបានគេស្គាល់ថា៖ឈ្មោះ ភ័ក្រ ភេទប្រុសអាយុប្រហែលជាង៣០ឆ្នាំដ៍ល្បីក្នុងខេត្តសឹ្ទងត្រែង។
ខណៈពេលដែលកំពង់មានអគ្គីភ័យម្ចាស់ហាងខាងលើបាន បញ្ជាឲ្យបុគ្គលិគបិទទ្វារ របងខាងក្រៅ ដើម្បីមិនឲ្យអ្នកសារព័ត៍មាន ចូលថតផ្តិតយករូបភាព ក្នុងគោលបំណងបិទបាំងមិនចង់ឲ្យដឹងរឿង ទង្វើក្នុងក្លឹបរបស់ខ្លួនផ្នែកខាងក្នុងកន្លែងរាំកម្សាន្ត ត្រូវបានខូចខាតរាលដាល ដោយសារអគ្គីភ័យលេបត្របាក់ទាំងស្រុង ។
ប្រជាពលរដ្ឋដែលនៅរស់នៅក្បែរផ្លូវចូលទៅក្លឹប អាម៉ាហ្ស៊ូនបានត្អួញត្អែថា៖ពួកគាត់មិន សប្បាយចិត្តដោយសារភ្ញៀវចេញចូលពីក្លឹប នៅពេលកណ្តាលអាធ្រាត ស្រែកឡូឡា រោទ៏ម៉ូតូ រថយន្តទនើបៗទ្រហឹងអឹងកង យ៉ាងនាធិបតេយ្យ ខណៈពេលដែលពួកគាត់កំពុងដេកលក់ដោ យត្រូវងើបធ្វើការងារអស់កម្លាំង ត្រូវការដេកពេលថ្ងៃ ពិសេសនោះនៅពេលយប់ធ្វើឲ្យពួកគាត់ ដេកមិនលក់សោះ ដូច្នេះហើយ ពួកគាត់សូមឲ្យ
អាជ្ញាធរភូមិឃុំ គ្រប់ស្ថាប័នជួយ ធ្វើការណែនាំ ដល់ម្ចាស់ក្លឹបខាងលើនោះកុំគិតតែប្រមូលលុយដាក់ហោប៉ៅខ្លួនឯងហើយត្រួវចេះគិតដល់អ្នកជិតខាងផង ហាងនេះរៀងរាល់ថ្ងៃឡូឡា រោទ៍ម៉ូតូ រថយន្តទ្រហឹងអឹងកងទាំងកណ្តាលអាធ្រាត ពុំមានអ្នកបង្ក្រាប៕
