កំពង់ធំ ៖ លោកអនុសេនីយ៍ឯក ហេង ប៉ាង មួយរូបត្រូវបានប្រជាពលរដ្ឋ ដែលមានអាជីពធ្វើស្រែប្រាំង ផ្ទុះកំហឹងខឹងសប្បាយ៉ាងខ្លាំងយ៉ាងខ្លាំងបានធ្វើសកម្មភាពបិទប្រឡាយ សម្រាប់បញ្ជូលទឹកចូលស្រែរបស់ខ្លួន ដោយមិនខ្វល់ពី ផលប្រយោជន៍ របស់ប្រជាពលរដ្ឋ ដែលរងគ្រោះ រាប់រយគ្រួសារ កំពុងតែខ្វះខាតទឹកធ្វើស្រែប្រាំង ។
ប្រជាពលរដ្ឋបានពោលថា នេះជាប្រឡាយតាំងពីសង្គមចាស់មកម្លេះ ជារៀងរាល់ឆ្នាំប្រជាពលរដ្ឋ តែងតែដឹកស្រូវ ត្រីសាច់មកដល់ ទំនប់ក្រហម តែក្នុងរយះជិតមួយឆ្នាំនេះ ទើបមាន លោក ហេង ប៉ាង ដែលត្រូវបាន គេដឹងថា អតីតឈ្មួញដឹកឈើដុះស្លែរ បានរត់ការទិញឈ្មោះគេ មានឋានៈជា អនុសេនីយ៍ឯក នៅអង្គភាព កងទ័ពជើងគោក ការិយាល័យទី២ និងត្រូវជាកូនប្រសារលោក ហ៊ុន ជាមេភូមិ រស់នៅ ឃុំបារាយណ៍ ស្រុក បារាយណ៍ ខេត្តកំពង់ធំ បានប្រើអំណាចគៀបសង្កត់ប្រជាពលរដ្ឋ ក្រីក្រធ្វើស្រែចំការ ដោយបានជួលអ៊ិចស្ការ មកកាយដីបិទ
ប្រឡាយទឹក ហើយបង្ករផលប៉ះពាល់ដល់ការដឹកជញ្ជូនតាមផ្លូវទឹក កាណូតមិនអាចឆ្លងកាត់បាន ទី២ ដំណាំស្រូវប្រាំងជិតមួយម៉ឺនហិចតា ខ្វះខាតទឹកធ្វើស្រែ ទី៣ កសិករចិញ្ចឹមត្រីខ្វះទឹក បង្ករឲ្យដាំណាំស្រូវឆេះខ្លោច ដោយសារកំដៅថ្ងៃ តែទោះជាមានការចចារគ្នា ក៏លោក ហេង ប៉ាង មិនខ្វល់ដោយគិតតែពីផលប្រយោជន៍ផ្ទាល់ខ្លួន។ ប្រជាពលរដ្ឋបាននិយាយថា បានផ្តិតមេដៃទៅឲ្យលោក មេឃុំ និង អភិបាលស្រុកបារាយណ៍ ហើយ តាំងពីឆ្នាំ ២០១៣ម្លេះ តែអាជ្ញាធរស្រុកបានសម្រេចឲ្យ លោក អនុសេនីយឯកហេង ប៉ាង រូបនេះបើកផ្លូវទឹកចំនួន២ម៉ែត្រ
សម្រាប់ឲ្យទឹកហូរចូលស្រែ និងការដឹកជញ្ជូនកសិផល របស់ ប្រជាពលរដ្ឋ តែលោកហេង ប៉ាង បានដឹកថ្ម និងគ្រោះ មកទីតាំងទំនប់ ហើយក៏ទុកចោល បែរជាមិនព្រមសាងសង់ផ្លូវទឹកតាមការសម្រេចរបស់ អជ្ញាធរស្រុកនោះទេ ចំណែកអាជ្ញាធរស្រុក អត់មានចំណាត់ការលើបុគ្គលរូបនេះ ។
លោក បានបញ្ជាក់ថា ដោយសារតែទំនាស់មុខទឹកនេះ បណ្តាលឲ្យលោក ហេង ប៉ាង ព្រមទាំងកូនចៅចំនួន ៤នាក់បាន ព្រមដោយកាំភ្លើងខ្លីមួយដើម បានបញ្ជាឲ្យកូនចៅដេញកាប់ប្រជាពលរដ្ឋ ដែលបានទៅរារាំង និងកកាយដីបើកផ្លូវទឹក ទើបពួកគាត់មានការភ័យខ្លាច ក៏បានរត់យកជីវិតរួចខ្លួន ក្រោយមក នៅថ្ងៃទី ៧ ខែ មិថុនា ឆ្នាំ ២០១៤នេះ មានករណី ជនខិលខូចដោយមិស្គាល់មុខ បានធ្វើសកម្មភាព យកថ្នាំបំពុលក្តាម
តាម ការអះអាងរបស់សត្ថកិច្ចប៉ូលិស រកឃើញសំបកថងចំនួន៤ថង ដែលជនខិលខូចយកទៅបំពុលត្រីនៅ ពេលយប់ បណ្តាលឲ្យត្រីចំម្រុះ មានត្រីទីឡាបចា , ត្រីឆ្ពិន , ត្រីកាប ,បានងាប់ប្រមាណ៤តោន សម្រាប់វត្ថុ តាងត្រូវបានអធិការស្រុកបារាយណ៍ កំពុងតែធ្វើការស៊ើបអង្កេត ។ ប្រជាពលរដ្ឋ បានអះអាងថា ចំនួនស្រូវប្រាំងដែលមានផលប៉ះពាល់ មានភូមិ ៥ភូមិ ក្នុងនោះមាន ភូមិ បារាយណ៍ធំ ,ភូមិ ពពី ,ភូមិ ចតុឡោក ,ភូមិ ថ្នល់ថ្មី ស្ថិតនៅឃុំបារាយណ៍ ស្រុកបារាយណ៍ ខេត្តកំពង់ធំ ។ 
