លោក Arsen Avakov បានប្រកាសឱ្យ ដឹងថា មានករណីផ្ទុះបំពង់បង្ហូរឧស្ម័ន ហ្គាសនៅភាគកណ្ដាលប្រទេសអ៊ុយ ក្រែន ។ បំពង់បង្ហូរឧស្ម័នដែលជួបគ្រោះ អគ្គិភ័យនោះ សម្រាប់បញ្ជូនឧស្ម័នហ្គាស ពីរុស្ស៊ីទៅកាន់អឺរ៉ុប ដោយឆ្លងកាត់តំបន់ ភាគកណ្ដាលប្រទេសអ៊ុយក្រែន ។ លោក Arsen Avakov បញ្ជាក់ទៀតថា ការបំផ្ទុះ បំពង់ឧស្ម័ននោះ ជាសកម្មភាពបំផ្លិច បំផ្លាញជំរុញឱ្យមានភាពតានតឹងកាន់ តែខ្លាំងឡើងរវាងរុស្ស៊ីនឹងអ៊ុយក្រែន ។
ក្រុមហ៊ុនថាមពលដ៏ធំបំផុតរបស់ រុស្ស៊ី Gazprom គ្រប់គ្រងបំពង់បង្ហូរឧស្ម័ន ចូលទៅកាន់តំបន់អឺរ៉ុប ដោយឆ្លងកាត់ ទីក្រុង Paltava ចម្ងាយពីទីក្រុងគៀវ១៩៣ គីឡូម៉ែត្រ ។ ការផ្ទុះឆេះបំពង់បង្ហូរឧស្ម័ន នោះ មិនប៉ះពាល់ដល់ការផ្គត់ផ្គង់ឧស្ម័ន ហ្គាសដល់អឺរ៉ុបនោះឡើយ ដោយសារ តែមានបំពង់បង្ហូរឧស្ម័នបម្រុងផ្សេងទៀត ដែលអាចជំនួសបាន ។ សាក្សីនៅកន្លែងកើតហេតុបានឱ្យដឹង ថា អណ្ដាតភ្លើងផុសចេញពីបំពង់ហ្គាស ដែលរងការវាយប្រហារនោះមានកម្ពស់ រហូតដល់ទៅ២០០ម៉ែត្រ ។
ប៉ូលិសក្នុង តំបន់បានបញ្ជូនកម្លាំងជួយសង្គ្រោះជា បន្ទាន់ ទៅគ្រប់គ្រងស្ថានភាព ប៉ុន្ដែ ដោយអណ្ដាតភ្លើងឆេះខ្លាំងមានកម្ពស់ ខ្ពស់ ចំហាយក្ដៅខ្លាំង ធ្វើឱ្យក្រុមពន្លត់ អគ្គិភ័យមិនអាចចូលទៅកៀកបានឡើយ។ គ្មានករណីរងរបួសឬបាត់បង់ជីវិតណា មួយនោះឡើយ ដោយសារចំណុចដែល ផ្ទុះឆេះនៅដាច់ស្រយាលពីភូមិស្រុក ។
រដ្ឋមន្ដ្រីក្រសួងមហាផ្ទៃអ៊ុយក្រែន លោក Arsen Avakov បន្ដឱ្យដឹងទៀតថា យើងកំពុងតែត្រួតពិនិត្យស្រាវជ្រាវឱ្យ បានច្បាស់លាស់ ហើយការផ្ទុះឆេះបំពង់ បង្ហូរឧស្ម័ននោះ អាចបណ្ដាលមកពីការ វាយប្រហារពីក្រុមភេរវកម្ម ។ ប៉ុន្មាន ម៉ោងក្រោយការផ្ទុះ លោក Arsen Avakov បានទម្លាក់កំហុសទៅឱ្យភាគី រុស្ស៊ី នៅពីក្រោយការផ្ទុះឆេះនោះ ។ លោកបានបន្ដទៀតថា “ទីក្រុងមូស្គូមាន ចេតនាបំផ្លិចបំផ្លាញបំពង់បង្ហូរឧស្ម័ននៅ តំបន់ Poltava ដើម្បីធ្វើឱ្យទីក្រុងគៀវ បាក់មុខ និងទម្លាក់កំហុសមកឱ្យអ៊ុយក្រែន ដែលជាប្រទេសមានបំពង់បង្ហូរឧស្ម័ន រុស្ស៊ីចូលទៅអឺរ៉ុបនោះ ។
ទីក្រុង Poltava ជាទីតាំងប្រមូលផ្ដុំ ដោយក្រុមហ៊ុនប្រេង ឧស្ម័ន ធម្មជាតិ របស់រុស្ស៊ី ។ តំបន់នោះស្ថិតក្រោមការ ការពាររបស់អ៊ុយក្រែនហើយមិនរងផល ប៉ះពាល់នៅក្នុងសង្គ្រាមរវាងអ៊ុយក្រែន នឹងក្រុមបះបោរនោះឡើយ ។ កាលពីខែ មីនា២០១៤ មេដឹកនាំក្រុមប្រឆាំងរដ្ឋា ភិបាលរុស្ស៊ីបានគំរាមកំហែងថានឹងបំផ្ទុះ បំពង់បង្ហូរឧស្ម័ននោះ ក្នុងគោលដៅធ្វើ ឱ្យសត្រូវគឺទីក្រុងមូស្គូបាត់បង់ប្រភព ចំណូល ។
សកម្មភាពបំផ្ទុះបំពង់បង្ហូរឧស្ម័នហ្គាស ខាងលើ កើតឡើងក្រោយរយៈពេល មួយថ្ងៃ ដែលរុស្ស៊ីប្រកាសផ្ដាច់ការផ្គត់ ផ្គង់ឧស្ម័នដល់ប្រទេសអ៊ុយក្រែនក្រោយ កិច្ចពិភាក្សាបរាជ័យ ។ សកម្មភាពទាំង នោះ នឹងធ្វើឱ្យទំនាក់ទំនងអ៊ុយក្រែននឹង រុស្ស៊ីកាន់តែតានតឹងទ្វេដង ។ កន្លងមក រុស្ស៊ីក៏បានបង្ហាញការព្រួយបារម្ភនៅពេល ដែលអ្នកសារព័ត៌មានរុស្ស៊ី២រូបបាត់ បង់ជីវិតនៅអ៊ុយក្រែន ហើយរដ្ឋាភិបាល រុស្ស៊ីអំពាវនាវឱ្យមានការការពារដល់ អ្នកសារព័ត៌មានរុស្ស៊ីដែលបំពេញបេស កកម្មនៅទីនោះ
