ភ្នំពេញ ៖ រថយន្តកាមរីគូថស្វិតមួយគ្រឿងបើកដោយបុរសម្នាក់ទើបតែចេញពីក្នុង ហាងផឹកស៊ី ក្នុងបំណងត្រឡប់ទៅផ្ទះវិញហើយបានបើកទៅបុកក្បាលតាក្លូ បាក់អស់មួយកង់ រថយន្តកៀបជាប់ទៅមុខលែងរួច ។ ហេតុការណ៍កើតឡើងនៅចំណុចមុខក្រុមហ៊ុនស្មាត តាមផ្លូវ២៤៥ ស្ថិតនៅក្នុង
សង្កាត់បឹងត្របែក ខណ្ឌចំការមន ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញបុរសម្នាក់បើកបររថយន្តម៉ាកកាមរីគូថ ស្វិត ពណ៌កណ្តុរល្មេះ ពាក់ស្លាកលេខភ្នំពេញ 2E-8575 ចេញពីហាងផឹកស៊ីមួយកន្លែងដោយធ្វើដំណើរត្រឡប់ទៅផ្ទះវិញក្នុង ស្ថានភាពស្រវឹង តាមផ្លូវ៥៩៨ ក្នុងទិសដៅពីត្បូងទៅជើង មកដល់ចំណុចកើតហេតុ រថយន្តក៏រេចង្កូតទៅបុកក្បាលក្លូ បាក់អស់មួយកង់ រថយន្តកៀបជាប់ទៅមុខលែងរួច ។
ក្រោយពេលកើតហេតុ សមត្ថកិច្ចបានចុះមកវាស់វែងកន្លែងកើតហេតុនិងបានយករថយន្តបង្ក ទៅកាន់ការិយាល័យនគរបាលចរាចរជើងគោកនៃស្នងការដ្ឋាននគរបាលរាជ ធានីភ្នំពេញរងចាំ ដោះស្រាយតាមផ្លូវច្បាប់៕
