ភ្នំពេញ ៖ យុវជនម្នាក់បើកម៉ូតូទៅបុកយុជនម្នាក់ទៀតដែលកំពុងអង្គុយនៅលើចិញ្ចើមផ្លូវដោះកង់រថយន្តដែលធ្លាយយកទៅប៉ះ បណ្តាលឱ្យរងរបួសធ្ងន់ទាំង២នាក់។ ហេតុការណ៍នេះកើតឡើងនៅវេលាម៉ោង ៨និង២០នាទី យប់ថ្ងៃទី ១៨ មិថុនា ២០១៤ នៅមុខវត្តព្រៃស្ពឺ ស្តិតនៅក្នុងភូមិ
អង្គតាគៀត សង្កាត់កន្ទោក ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញយុវជនម្នាក់បើកម៉ូតូហុងដាឌ្រីម សង់សេ១២៥ ស៊េរីឆ្នាំ ២០១៣ ពណ៌ខ្មៅ មួយគ្រឿង អត់មានស្លាកលេខ តាមផ្លូវជាតិលេខ៣ក្នុងទិសដៅ ពីជើងទៅត្បូងមកដល់ចំណុចកើតហេតុក៏បានទៅបុកយុវជនជាព្រូរថយន្តម្នាក់ទៀតដែលកំពុងអង្គុយ លើចិញ្ចើមផ្លូវ ដោះកង់រថយន្តយីឌុប ពណ៌ក្រហម ពាក់ស្លាកលេខ ភ្នំពេញ 3A-4663 ដែលធ្លាយយកទៅប៉ះ បណ្តាលឱ្យរងរបួសធ្ងន់ទាំងពីរនាក់ដោយយុវជនជា ព្រូរថយន្តសន្លប់នៅនិងកន្លែងកើតហេតុផងដែរ។
ក្រោយពេលកើតហេតុជនរងគ្រោះទាំងពីរនាក់ត្រូវបានគេបញ្ជូនទៅសង្គ្រោះនៅមន្ទីរពេទ្យ ព្រះកុសមះ ចំណែកម៉ូតូជនរងគ្រោះត្រូវសមត្ថកិច្ចយកទៅទុកនៅអធិការដ្ឋាននគបាល ខណ្ឌពោធិ៍សែនជ័យរងចាំដោះស្រាយគ្នាជាក្រោយតាមផ្លូវច្បាប់។
