សៀមរាប៖ជាយូណាស់មកហើយដែលលោកឃ្លោករ៉ូស៊ីដាមន្ត្រីនគរបាលប្រឆាំងបទល្មើសសេដ្ឋកិច្ចខេត្តសៀមរាបត្រូវបានគេនិយាយថាកំពុងតែយកតួនាទីអង្គរភាពការិយាល័យប្រឆាំងបទល្មើសសេដ្ឋកិច្ចទៅប្រមូលលុយពីបទល្មើសគ្រប់ប្រភេទជាពិសេសសកម្មភាពដឹកជញ្ជូនឈើដោយខុសច្បាប់និងស្របច្បាប់មិនខ្វល់ពីកំណែទម្រងស៊ីជម្រៅរបស់ប្រមុខរាជរដ្ឋាភិបាលកម្ពុជាសម្ដេចតេជោហ៊ុនសែនបន្តិចសោះឡើយហើយករណីនេះលោកសឿនសេននាយការិយាល័យធ្លាប់បានធ្វើការអះអាងប្រាប់អ្នកកាសែតថាលោកមិនបានអនុញាត្តឲ្យមន្ត្រីរបស់លោកទៅដាក់ប៉ុស្ដិ៍ឬដើប្រមូលលុយពីការដឹកជញ្ជូនឈើនោះឡើយ។
លោកប្រធានការិយាល័យបដិសេធយ៉ាងនេះក្ដីក៍វាសម្សហេតុផលដែរប៉ុន្តែទោះបីជាលោកសឿនសេនបដិសេធយ៉ាងណាក៍ដោយក៍គេសង្កេតឃើញលោកស៊ីដាដែលគេបានស្គាល់ថាជាប៉ូលិសសេដ្ឋកិច្ចក្រោមឧិវាទលោកសឿនសេននោះបាននឹងកំពុងតែធ្វើសកម្មភាពដេញរថយន្តដឹកឈើបង្ខំឲ្យបង់លុយជាថ្នូទៅនឹងមិនមានការបង្ក្រាបប៉ុន្តែបើរថយន្តដឹកបទល្មើសណាមិនបង់លុយឬតេប្រាប់ទេគេនឹងចាប់ឃាត់ទុកប្រគល់ឲ្យជំនាញតែម្ដង។
មន្ត្រីសមត្ថកិច្ចមួយរូបបានបង្ហើបថាសកម្មភាពលោកស៊ីដាដែលបានប្រមូលលុយពីសកម្មភាពដឹកបទល្មើសគ្រប់ប្រភេទនេះបានកើតមានជាយូណាស់មកហើយហើយនៅពេលគេធ្វើសកម្មភាពប្រដេញម្ដងៗគឺបានបើករថយន្តរបស់គេម៉ាកកាមរីឆ្លាមព័ណស្ករពាក់ស្លាកលេខភ្នំពេញ២G1945លឿនដូចហោះឬដូចរឿងហុងកុងអីចឹង។
លោកឃ្លោករ៉ូស៊ីដាមន្ត្រីប៉ូលិសសេដ្ឋកិច្ចខេត្តសៀមរាបដែលទទួលរងនូវការចោទប្រកាន់នេះមិនអាចធ្វើការអត្ថាធិប្បាយបំភ្លឺបានទេដោយទូរស័ព្ទចូលគ្មានអ្នកទទួលនៅម៉ោង២និង២១នាទីថ្ងៃទី១៩ខែមិថុនាឆ្នាំ២០១៤នេះ។ សមត្ថមិច្ចដដែលបញ្ជាក់ថាសកម្មភាពរបស់លោកស៊ីដាដែលយកអង្គរភាពការិយាល័យទៅប្រមូលលុយពីបទល្មើសគ្រប់ប្រភេទជាពិសេសបទល្មើសព្រៃឈើនោះជាការផ្គើនទៅនឹងបទបញ្ជាររបស់់់់់់់់អគ្គស្នងការនគរបាលជាតិក៍ដូចជាមិនយកចិត្តទុកដាក់ចំពោះកំណែទម្រង់ស៊ីជម្រៅរបស់សម្ដេចតេជោហ៊ុនសែននោះឡើយ។
