មណ្ឌលគិរី យ៉ាងហោច ណាស់មានមនុស្សរង់របួសដោយសារគ្រាប់កាំភ្លើងចំនួន៣នាក់នៅក្នុងស្រុកកោះញែកដោយសារករណីក្រុមចោរប្លន់ប្រដាប់អាវុធមួយក្រុម ចូលប្លន់ទ្រព្យសម្បត្តិប្រជាពលរដ្ឋកាលពីយប់ថ្ងៃទី ១៨ ខែ មិថុនា ២០១៤យកទ្រព្យសម្បត្តិអស់ជាច្រើនផងដែរ ក្រុមចោរបានរត់គេចខ្លួនដោយសុវត្ថិភាព។
លោក កាន់ ពេញអធិការស្រុកកោះញែកនៅព្រលឹមថ្ងៃព្រហស្បត៍ទី ១៩ មិថុនា ២០១៤ បានប្រាប់អ្នកឆ្លើយឆ្លងពត័មានប្រចាំខេត្តក្នុងករណីនេះពិតជាបានកើតឡើងមែនដោយសារមានជនរងគ្រោះក្នុងអំពើប្លន់នេះបានមកប្តឹង សមត្ថកិច្ចជនរងគ្រោះមានឈ្មោះ ប៉ាវ សុភាក់ ភេទប្រុសមានអាយុ ៣១ឆ្នាំ រងរបួសយ៉ាងធ្ងន់ធ្ងរ ជាមួយប្រពន្ធឈ្មោះ សៀន ថា និងម្នាក់ទៀតរងរបួសដោយសារក្រុមចោរប្លន់បាញ់ប្រហារចំ
ក្រោមផ្ចិត ជាមន្ត្រីប៉ូលីសដែលចូលទៅជួយបណ្តាលអោយរបួសធ្ងន់ធ្ងរទាំង ៣នាក់រងគ្រោះក្នុងអំពើប្លន់នោះត្រូវបានគេបញ្ជូនទៅសង្គ្រោះនៅខេត្តរតន:គិរីទាំងយប់។ លោកបានបន្តថា បើតាមការរៀបរាប់ពីក្រុមគ្រួសាររងគ្រោះប្រាប់ថា ទ្រព្យសម្បត្តិ ដែរក្រុមចោរប្លន់នោះត្រូវខាតបង់អស់ មាស ៦ទៅ៧តំឡឹងនិង លុយកាក់មួ យចំនួនទៀត។
លោកអធិការបានប្រាប់ថា ករណីក្នុងអំពើប្លន់ប្រដាប់អាវុធនោះកើតឡើងនៅ ភូមិ រង្សី (ហៅភូមិទី ៩) ឃុំស្រែសង្គម ស្រុកកោះញែក កើតឡើងវេលាម៉ោង ១១និង៣០នាទីយប់ថ្ងៃទី១៨ ខែមិថុនា ២០១៤ ។ លោក ញ៉ែម វ៉ាន់នី ស្នងការខេត្តនៅនៅព្រឹកថ្ងៃទី ១៩ ខែ មិថុនា ឆ្នាំ ២០១៤ នេះវេលាម៉ោង៨និង៣០នាទីលោកបានប្រាប់អ្នកឆ្លើយឆ្លង ព័តមានយើងថា បន្ទាប់ពីមានករណីនេះកើតឡើងលោកកំពុងចាត់ចែងមន្ត្រីនគរបាល
ដែលមានកំលាំងជាច្រើនចុះតាមគោលដៅស្រាវជ្រាវវែកមុខរកជនសង្ស័យក្នុងអំពើប្លន់នេះតែលោកពុំទាន់បានបង្ហើបពីមុខសញ្ញានោះឡើយតែលោកសង្ឃឹម យ៉ាងមុតមាំថានិងខិតខំអោយអស់ពីលទ្ធភាព ដើម្បីវែកមុខរកមុខសញ្ញាអោយឃើញដើម្បីយកមកដាក់ទោសទណ្ឌ័។ លោកបានបន្តទៀតថា ជនសង្ស័យដែលបានប្រព្រឹត្តខុសមួយចំនួននៅក្នុងខេត្តនេះតែងតែជាប់អន្ទាក់របស់សមត្ថកិច្ច៕ 
