កំពង់ឆ្នាំង៖ឧបរណ៍ល្មើសនេសាទនៅក្នុងតំបន់អភិរក្សអតីតឡូត៍នេសាទរួមមានរបាំងសាច់អួនក្រឡាញឹកចំនួន១៣កន្លែងប្រវែង៥៧០ម៉ែត្របង្គោលចំនួន៣៦០ដើមលបលូ៦មាត់ត្រូវបានកំលាំងចម្រុះរបស់ខេត្ត និងសមត្ថកិច្ចខណ្ឌ័រដ្ឋបាលជលផលកំពង់ឆ្នាំង សហការគ្នាបង្ក្រាបបាន នៅថ្ងៃទី១៨ ខែមិថុនា ឆ្នាំ២០១៤ក្នុងភូមិសាស្ត្រស្រុកបរិបូណ៍និងស្រុកកំពង់លែងហើយឧបករណ៍ល្មើសទាំងនោះត្រូវបានដុតកំទេចនៅកន្លែងបទល្មើស។ លោក សេង ប៊ុនឈឿន នាយខណ្ឌ័រដ្ឋបាលជលផលកំពង់ឆ្នាំងជាអ្នកដឹកនាំ ផ្នែកនិងសង្កាត់រដ្ឋ បាលជលផល សហការណ៍ជាមួយគណះបញ្ជាការឯកភាពស្រុក សហគមន៍នេសាទ បានអោយដឹង ថា៖ កម្លាំងចំរុះចុះបង្ក្រាបករណីខាលើនេះ ចំនួន២៥នាក់រួមមានមធ្យោបាយកាណូតតូចធំ ១គ្រឿង។
លោកបានអោយដឹងទៀតថា៖ការបង្ក្រាបបានឧបកណ៍នេសាទខុសច្បាប់នៅពេលនេះគឺមានការសហការពីបងប្អូនប្រជាពលរដ្ឋដែលបានប្រាប់ពីទីតាំងបទល្មើសទើបឈានដល់ការបង្ក្រាបបានឧបករណ៍ខាងលើនេះបានដោយជោគជ័យ។លោកនាយខណ្ឌ័រដ្ឋបាលជលផលបានបញ្ជាក់ផងដែរថាលោកសូមស្វាគមន៍ជានិច្ចរាល់ព័ត៌រដ៏ជាក់ជ្បាស់អំពីបទល្មើសនេសាទ អោយតែនៅក្នុងដែនសមត្ថកិច្ច របស់ជលផលលោកនិងចុះបង្ក្រាបទាំងអស់។
ឧបករណ៍ដែលបង្ក្រាបបានទាំងអស់ត្រូវបានសមត្ថកិច្ចធ្វើការដុតកំទេចចោលនិងកន្លែងតែម្តង។ សមត្ថកិច្ចរដ្ឋបាលជលផលសូមធ្វើការអំពាវនាវដលបងប្អូនប្រជានេសាទទាំងអស់សូមធ្វើការនេសាទជាលក្ខណៈគ្រូសារនិងកុំប្រើប្រាស់ឧបករណ៍ណាដែលច្បាប់ហាមឃាត់នៅក្នុងរដូវត្រីពងកូនហើយនៅក្នុងនោះកុំកាប់ព្រៃលិចទឹកដែលជាជម្រកត្រី និងសត្វគ្រប់ប្រភេទ ជាពិសេសកុំប្រើប្រាស់ ឧបករណ៍ឆក់ត្រីកុំចូលធ្វើការនេសាទក្នុងដំបន់អភិរក្សពូជត្រី និងត្រូវរួមគ្នាអនុវត្តន៍គោលនយោបាយ ទាំង៩ចំណុចរបស់ប្រមុខរាជរដ្ឋាភិបាលយើង ដើម្បីការពារនិរន្តរភាពពូជត្រី សម្រាប់អោយកូនចៅ ជំនាន់ក្រោយ និងកាត់បន្ថយភាពក្រីក្ររបស់បងប្អូនប្រជាពលរដ្ឋនៅតាមមូលដ្ឋាន។
លោកនាយខណ្ឌ័បានអោយដឹងបន្ថែមទៀតថា៖កន្លងមកខណ្ឌ័រដ្ឋបាលជលផលតែងបានសហការជាមួយអង្គការក្រៅរដ្ឋាភិបាលដែលជាដៃគូបានចុះធ្វើការផ្សព្វផ្សាយអប់រំច្បាប់ជលផលដល់ប្រជាពលរដ្ឋគ្រប់មូលដ្ឋានសហគមន៍នេសាទនៅក្នុងខេត្តដើមម្បីអោយពួគគាត់បានយល់ច្បាស់និងចូលរួម សហការទប់ស្កាត់និងបង្ក្រាបបទល្មើសទទួលបានប្រសិទ្ធភាណខ្ពស់៕ 
