ខេត្តរតនគិរី ដើម្បីទាមទារការដោះលែងលោក ឃឹម សុខ ដែលត្រូវសមត្ថកិច្ចចាប់ខ្លួន បញ្ជូនទៅតុលាការ ប្រជាពលរដ្ឋរស់នៅស្រុកបរកែវ ចំនួន១០គ្រួសារ តំណាងឲ្យប្រជាពលរដ្ឋជាច្រើនគ្រួសារ បានលើកគ្នាទៅតវ៉ា នៅមុខសាលាដំបូងខេត្តរតនគិរី ដែលពួកបានអះអាងថា ជាម្ចាស់ដីចំការកៅស៊ូ ដែលពួកគាត់បានគ្រប់គ្រង និងថែរក្សារតាំងពីជំនាន់អតីត សាធារណរដ្ឋប្រជាមនិតកម្ពុជាមកម្លេះ បានលើកគ្នាទៅតវ៉ាភ្លាមៗ បន្ទាប់ពីប្រជាពលរដ្ឋម្នាក់ឈ្នោះ ឃឹម សុខ ត្រូវបានសមត្ថកិច្ច ប៉ូលិសស្រុកបរកែវ ធ្វើការចាប់បញ្ជូនខ្លួន យ៉ាងតក់ក្រហល់ទៅតុលាការខេត្តរតនគិរី ។
បើតាមប្រភពពីប្រជាពលរដ្ឋ បានឲ្យដឹងថា រឿងទំនាស់ដីធ្លីពីប្រជាពលរដ្ឋ ជាមួយនិងក្រុមហ៊ុន បានកើតទ្បើងតាំងពីឆ្នាំ២០០៨មកម្លេះ គឺក្រោមពីមានការផ្ទេរសិទ្ធគ្រប់គ្រង ពីក្រុមហ៊ុន តាយ សេង ទៅឲ្យក្រុមហ៊ុនស្វិតលាបើល លីមិតធិតចំការកៅស៊ូ រឺហៅថាក្រុមហ៊ុន យាយចិន ហើយរឿងរាវទំនាស់ដីធ្លីចំការកៅស៊ូនេះ បានអូសបន្លាយជាច្រើនឆ្នាំមកហើយ ហើយបានប្តឹងផ្តល់គ្នាទៅតុលាការជាបន្តបន្ទាប់ រហូតដល់សាលាឧទ្ធរណ៍ បានចេញសេចក្តីសំរេចរក្សារការពារ លេខ០៥ ក្រ ៥ប ដ.ក.ស ចុះថ្ងៃទី២៩ ខែ៣ ឆ្នាំ២០១៣ មិនឲ្យភាគគីទាំងសង់ខាង ធ្វើសកម្មភាពណាមួយនៅលើដីចំការកៅស៊ូនេះ ជាបណ្តោះអាស័ន្នសិន រង់ចាំការសម្រេចជាចុងក្រោយ របស់តុលាការ ។
ប្រជាពលរដ្ឋបានបន្តឲ្យដឹងទៀតថា ដោយសំអាងទៅលើដីការការពារទាំងអស់នេះហើយ ទើបនៅថ្ងៃទី១៥ ខែមិថុនា ឆ្នាំ២០១៤ ក្រុមហ៊ុនបានយកគ្រឿងចក្រ ទៅធ្វើការឈូសឆាយ ទើបពួកគាត់លើកគ្នាទៅរារាំង ឲ្យផ្អាក់ការឈូសឆាយសិន ដោយបានប្តឹងទៅមេឃុំ និងមេប៉ុស្តិ៍ ដើម្បីឲ្យជួយអន្តរាគមន៍ ហើយនៅពេលនោះផងដែរ លោកមេឃុំកក់ និងមេប៉ុស្តិ៍ ក៏បានធ្វើកំណត់ហេតុ ដកហូតយកគ្រឿងចក្រ ដែលមានអាប៊ូល១គ្រឿងទុក ដើម្បីរង់ចាំការដោះស្រាយនៅពេលក្រោយ ។
រំលងក្រោយមកបាន៣ថ្ងៃ គឺថ្ងៃទី១៨ វេលាម៉ោង៣និង៣០នាទីរសៀល ក៏ស្រាប់តែខាងសមត្ថកិច្ច ប៉ូលិសស្រុកបរកែវ បានកោះហៅប្រជាពលរដ្ឋ ដែលជាម្ចាស់ដីចំការមកផ្តិតមេដៃ ដើម្បីសុំយកគ្រឿងចក្រនោះទៅឲ្យខាងក្រុមហ៊ុនវិញ ។ ប្រជាពលរដ្ឋក៏បានយលព្រម ប៉ុន្តែសំណូមពរឲ្យសមត្ថកិច្ច ធ្វើកំណត់ហេតុណាមួយឲ្យបានច្បាស់លាស់ ទើបពួកព្រមផ្តិតមេដៃ ។ តែពេលពួកគាត់ចូលទៅផ្តិតមេដៃ ក៏ស្រាប់តែសមត្ថកិច្ចប៉ូលិស ចាប់វៃខ្នស់ប្រជាពលរដ្ឋម្នាក់ឈ្នោះ ឃឹម សុខ បញ្ជូលទៅក្នុងទ្បាន ហើយបញ្ជូនទៅតុលាការខេត្តរតនគិរី យ៉ាងតក់ក្រហល់ជាទីបំផុត ។
ពាក់ព័ន្ធទៅនិងការឃាត់ខ្លួនលោក ឃឹម សុខ នោះផងដែរ សមត្ថកិច្ចប៉ូលិស បានឲ្យដឹងថា គឺអនុវត្តទៅតាមដីការ ប៉ុន្តែការចោតប្រកាន់យ៉ាងណានោះ មិនមានប្រភពណាមួយ ទម្លាយឲ្យដឹងចេញពីតុលាការនោះទេ ។ ហើយនៅម៉ោង៥និង៤០នាទីល្ងាចលោក ឃឹម សុខ ត្រូវបានបញ្ជូនតាមរថយន្ត ចេញពីដំបូងខេត្តរតនគិរី ទៅឃុំខ្លួនជាបណ្តោះអាសន្ន នៅពន្ធធនាគារ ភ្នំស្វាយ ខេត្តរតនគិរី ។
ការបញ្ជូនខ្លួនលោក ឃឹម សុខ ទៅឃុំខ្លួន ជាហេតុធ្វើឲ្យប្រជាពលរដ្ឋ ដែលពួកគាត់អះអាងថា ជាម្ចាស់ដីចំការកៅស៊ូនោះ បាននាំគ្នាឆ្ងល់ថា ពួកគាត់ជាអ្នកគោរពដីការ ការពាររបស់តុលាការ ហើយពួកគាត់ជាអ្នកប្តឹងសមត្ថកិច្ច អាជ្ញាធរ ឲ្យជួយអន្តរាគមន៍ និងរារាំងការឈូសឆាយ របស់ក្រុមហ៊ុន រង់ចាំការសម្រេច របស់តុលាការជាចុងក្រោយសិន បើពួកគាត់ចេញក៏អស់ចិត្តដែរ ។ តែផ្ទុយទៅវិញអ្នកប្តឹង និងអ្នកគោរពដីការ រក្សារការពារបែរជាមានទោសទោវិញ ៕
