សៀមរាប : នៅថ្ងៃទី១៩ខែមិថុនា ឆ្នាំ២០១៤វេលាម៉ោង៩យប់ លោក លុយ ពុតមេភូមិអូ ឃុំខ្វាវ ស្រុកជីក្រែង ខេត្តសៀមរាបបានរាយការណ៍មកដល់មេប៉ុស្តិ៍នគរបាលរដ្ឋបាលឃុំខ្វាវថាប្រជាពលរដ្ឋរបស់លោកទៅធ្វើស្រែនៅចំណុចវាលស្រែកំណប់ខាងកើតភូមិអូរ ក្នុងភូមិសាស្ត្រឃុំខ្វាវបានភ្ជួរស្រែឃើញអាវុធចំនួន៥ដើម ។
លុះដល់ព្រឹកថ្ងៃទី២០ ខែមិថុនាឆ្នាំ២០១៤វេលាម៉ោង៨:០០ព្រឹកលោកបានចាត់តាំងឲ្យលោក ឌី សុធា មន្ត្រីនគរបាលប៉ុស្តិ៍ដឹកនាំកំលាំង៤នាក់ចុះទៅដល់គោលដៅហើយបានឃើញអាវុធចំនួន៥ដើមពិតប្រាកដមែន ។ក្នុងចំនួន៥ដើមនេះមាន អាវុធធុនអាកាចំនួន២ដើម, ធុនសេការសេចំនួន២ដើម, នឹង ធុនបេ៦៩.ចំនួន១ដើមទៀតផងដែរ ។
ក្រោយពីបានធ្វើការត្រួតពិនិត្យចប់សព្វគ្រប់លោក ឌី សុធា បានដឹកជញ្ជូនអាវុធទាំង៥ដើមយកមករក្សារទុកនៅប៉ុស្តិ៍នគរបាលរដ្ឋបាលឃុំខ្វាវ ស្រុកជីក្រែង ខេត្តសៀមរាបនិង រៀបចំធ្វើរបាយការណ៏បន្តទៅឲ្យអធិការដ្ឋាននគរបាលស្រុកដើម្បីចំណាត់ការទៅតាមនិតិវិធីជាបន្ត ។ ដោយ ព្រំ សុខា
