មណ្ឌលគិរីៈមានរណីប្លន់រថយន្តមួយគ្រឿងដែលជាករណីថ្មីនិងជាលើកទី១ផងដែរនៅមណ្ឌលគិរីជនសង្ស័យបានយករថយន្តជិះគេចខ្លួនដល់ម្តុំស្រុកស្នួល ខេត្ត ក្រចេះត្រូវបានសមត្ថកិច្ចចាប់ឃាត់ខ្លួន។ហេតុការណ៍នេះ បានកើតឡើងនៅព្រលឹមថ្ងៃទី ២០ មិថុនា ២០១៤វេលាម៉ោង ៥និង៥៥នាទីត្រង់ចំណុចវាលក្ងោក ឃុំពូជ្រៃ ស្រុកពេជ្រាដា តាមបណ្តោយផ្លូវជាតិលេខ ៧៦ ក្រុងសែន មនោរម្យ ខេត្តមណ្ឌលគិរីទៅខេត្តរតនៈគិរី។
បើតាមការអោយដឹងពីលោក ព្រិល រ៉ាមាណអធិការក្រុងសែនមនោរម្យ បានប្រាប់ថាតាមការរៀបរាប់ពីជនរងគ្រោះនិយាយថាមុនពេលកកើតហេតុខ្លួន(ម្ចាស់រថយន្ត)មានប្រពន្ធនិងម្តាយក្មេកត្រូវជនសង្ស័យជាជនជាតិវៀតណាមជួលរថយន្តខ្លួនពីខេត្តរតនៈគិរីមកមណ្ឌលគិរីស្រាប់តែមកដល់ចំណុចកើតហេតុភូមិឃុំខាងលើស្រាប់តែជនសង្ស័យបានដកកាំបិត២ចាក់មកចំកផ្នែកខាងក្រោយនិងខាងមុខសុះសាច់
បណ្តាលអោយរបួសធ្ងន់ធ្ងររីឯប្រពន្ធនិងម្តាយក្មេករត់រួចពុំបណ្តាលអោយមានគ្រោះថ្នាក់ឡើយ។បច្ចុប្បន្នជនរងគ្រោះត្រូវបានសមត្ថកិច្ចនាំមកសង្គ្រោះនៅពេទ្យបង្អែកខេត្តមណ្ឌលគិរី។លោកអធិការបានបន្តថាជនសង្ស័យនិងជនរងគ្រោះអាចជានាក់ស្គាល់គ្នារកស៊ីជាមួយគ្នាជនសង្ស័យត្រូវជនរងគ្រោះអះអាងថាជនជាតិវៀតណាម។
ជនរងគ្រោះត្រូវគេប្លន់ឈ្មោះចាន់ ថាវី ភេទប្រុស អាយុ៣៦ ស្រុក កំណើតនៅភូមិគៀនស្វាយ ឃុំ កៀនស្វាយស្រុកគគីខេត្តកណ្តាលបច្ចុប្បន្នរស់នៅខេត្តរតនៈគិរីហើយរថយន្តដែលជនសង្ស័យប្លន់នោះម៉ាកកាំមឺរីឆ្លាមស្លាកលេខ ភ្នំពេញ 2N 1157ពណ៍បៃតងចាស់ផលិតឆ្នាំ ១៩៩៩។ លោក ញ៉ែម វ៉ាន់នីស្នងការខេត្តប្រាប់ថានេះជាករណីពុំធ្លាប់មានលោកកំពុងដាក់កំលាំងតាមគោដៅអស់ហើយដើម្បីស្រាវជ្រាវប៉ុន្តែនៅម៉ោង ៨ ៣០ នាទីព្រឹកថ្ងៃដដែលត្រូវបានសមត្ថកិច្ចស្រុកស្នួលឃាត់ខ្លួនធ្វើការប្រគល់មកអោយសមត្ថកិច្ចមណ្ឌលគិរីចាត់ការតាមនិតិវិធីច្បាប់៕
