កំពង់ឆ្នាំង៖ ជនល្មើសកុំពុងធ្វើសកម្មភាពឆក់ត្រី២នាក់រួមនិងវត្ថុតាង ត្រូវសមត្ថកិច្ចនគរបា ស្រុកកំពង់ត្រឡាចចាប់ខ្លួននៅវេលាម៉ោង១និង៣០នាទីល្ងាចថ្ងៃទី១៩ ខែមិនថុនា ឆ្នាំ២០ ១៤ នៅចំណុចមេទឹកធ្នង់ ក្នុងភូមិធ្នង់ ឃុំអូរឫស្សី ស្រុកកំពង់ត្រឡាច និងបានបញ្ជូនពួកគេអោយមន្ត្រីជំនាញកសាងសំណុំរឿងបញ្ជូនខ្លួនទៅតុលាការខេត្ត។
លោក ហ៊ុល វាសនា អធិការនគរបាលស្រុកកំពង់ត្រឡាចបានអោយដឹងថា៖ មុនការបង្ក្រាបបទល្មើសនេះ លោកបានទទួលព័ត៌មានពីប្រជាពលរដ្ឋ ហើយកម្លាំងលោកបានសហការជាមួយសមត្ថកិច្ចមូលដ្ឋាន ចាប់បានជនល្មើស២នាក់ ១ឈ្មោះ អ៊ីន វៃ អាយុ៣៨ឆ្នាំ ២ឈ្មោះ ជា ដុស អាយុ៣៥ឆ្នាំ ពួកគេរស់នៅភូមិអន្លុងត្នោត ឃុំលង្វែក ស្រុកកំពង់ត្រឡាច។ ចំណែកវត្ថុតាងដែលរឹបអូសបានមាន អាំងវ៉ាត់ទ័រឆក់១គ្រឿង អាគុយ៤០អំពែ ១គ្រឿង ត្រីចំរុះចំនួន៣គីឡូ និងទ្រុងដាក់ត្រី១។
ជនល្មើសទាំង២នាក់និងវត្ថុតាងត្រូវបានសមត្ថកិច្ចនគរបាលស្រុកបញ្ជូនខ្លួនទៅកាន់ខណ្ឌ័រដ្ឋបាលជលផលកំពង់ឆ្នាំង ដើម្បីកសាងសំណុំរឿងចាត់ការបន្តតាមនិតិវិធី។ មន្ត្រីរដ្ឋបាលជលផលខណ្ឌ័កំពង់ឆ្នាំងបានអោយដឹងថា៖ ជនល្មើសទាំង២នាក់នៅមុខសមត្ថកិច្ចបានសារភាពថា ពួកគេពិតជាបានធ្វើសកម្មភាពឆក់ត្រីនៅក្នុងចំណុចខាង លើនេះប្រាកដមែន។ ពួកគេនិងវត្ថុតាងត្រូវបានសមត្ថកិច្ចបញ្ជូនទៅកាន់សាលាដំបូងខេត្ត នៅថ្ងៃទី២០ ខែមិថុនា នេះដើម្បីអោយស្ថាបន័តុលាការចាត់ការបន្ត និងធ្វើការជុំនំជំរះផ្តន្ទា ទោសតាមផ្លូវច្បាប់ស្តីពីជលផល ពួកគេទាំង២នាក់អាចប្រឈមនិងត្រូវកាត់ទោសជាប់គុកពី៣ឆ្នាំទៅ៥ឆ្នាំ នៅក្នុងបទល្មើសជលផលថ្នាក់លេខ១។
គួរបញ្ជាក់ថា៖ កាលពីថ្ងៃទី១៨ ខែមិថុនា ជនល្មើសឆក់ត្រី៣នាក់នៅភូមិកន្លែងភេ ឃុំគោកបន្ទាយ ស្រុករលាប្អៀរក៏ត្រូវបាន សហគមនេសាទចាប់ខ្លួនបញ្ជូនមកកាន់មន្ត្រីជំ នាញជលផលខេត្តរួចមកហើយដែរ ហើយជនល្មើសទាំង៣នាក់ក៏ត្រូវបាន សមត្ថកិច្ចបញ្ជូ នខ្លួនទៅតុលាការកាលពីថ្ងៃទី១៩ ខែមិថុនា រួចហើយដែរដើម្បីកាត់ទោសតាមផ្លូវច្បាប់។
សូមរំលឹកដែរថា៖ កន្លងមកខណ្ឌ័រដ្ឋបាលជលផលកំពង់ឆ្នាំង ធ្លាប់បានធ្វើការផ្សព្វ ផ្សាយច្បាប់ជលផលជាច្រើនលើកនៅតាមមូដ្ឋាន ប៉ុន្តែទោះបីបែបនេះក៏ដោយក៏ជនល្មើ សមួយចំនួននៅតែហ៊ានប្រព្រឹត្តបទល្មើសមិនខ្លាចច្បាប់ ករណីនេះប្រជាពលរដ្ឋសំណូមពរដល់តុលាការខេត្តធ្វើការផ្តន្ទាទោសជនល្មើសទាំង៥នាក់ខាងលើ អោយបានម៉ឺងម៉ាត់កុំ លើកលែងឡើយ ដើម្បីកុំអោយអ្នកផ្សេងទៀតយកតម្រាប់តាម ដូចពាក្យមួយឃ្លានិយា យថា ៖ « ពេលឃើញគុកនិងក្តារឈ្ឈូសទើបស្រក់ទឹកភ្នែក »៕
