សៀមរាប៖មេឈ្មួញឈើដ៍ធំប្រចាំស្រុកវ៉ារិនចំនួន២នាក់ឈ្មោះចិត្តនឹងឈ្មោះឆាយម្ចាស់ដេប៉ូឈើស្រែណូយបាននឹងកំពុងតែធ្វើសកម្មភាពកាប់បំផ្លាញព្រៃឈើនិងដឹកជញ្ជូនឈើយ៉ាងអនាធិបតេយ្យបំផុតដែលសកម្មភាពបទល្មើសព្រៃឈើដ៍ក្ដៅគគុកនេះមិនចាញ់ការកាប់បំផ្លាញនៅ
តំបន់ព្រឡង់នោះឡើយដែលគេមានការសង្ស័យថាមេព្រៃផ្នែកក្រឡាញ់លោកសេង វឿត ជាអ្នកនៅពីក្រោយខ្នង។ ទាំងនេះត្រូវបានមន្ត្រីរដ្ឋបាលព្រៃឈើមួយរូបនិយាយថាលោកសេង វឿតគិតតែពីការងារផ្ទាល់ខ្លួនភ្លេចគិតតួនាទីជាអ្នកការពារព្រៃឈើដែលក្រសួងប្រគល់ជូន។
តាមសេចក្ដីរាយការណ៍បានឲ្យដឹងថានៅតំបន់គ្រប់គ្រងរដ្ឋបាលព្រៃឈើនៅផ្នែកក្រឡាញ់ដែលមានសេងវឿតជាអ្នកទទួកខុសត្រូវក្នុងការទប់ស្កាត់នោះបានកំពុងតែទទួលរងនូវការកាប់បំផ្លាញពីសំណាក់ឈ្មួញទុច្ចរិតយ៉ាងរង្គាលស្ទើក្លាយជាវាលរហោស្ថានចំណែកលោកសេងវឿតមិនមានឆន្ទះក្នុងការទប់ស្កាត់ណោះឡើយ។ផ្ទុយទៅវិញមេព្រៃរូបនេះបានឃុបឃិតគ្នារជាមួយក្រុមឈ្មួញក្នុការស៊ីសំណូកសូកប៉ាន់ដោយមិនខ្វល់ពីបទបញ្ជារថ្នាក់លើនោះទេ។
សេចក្ដីរាយការណ៍បន្ថែមថាសកម្មភាពកាប់អារបំផ្លាញព្រៃឈើនិងដឹកជញ្ជូនឈើនេះបានកើតមានជាយូណាស់មកហើយនៅព្រំប្រទល់ស្រុកអន្លង់វែងខេត្តឧត្តរមានជ័យដោយក្រុមឈ្មួញបានប្រើប្រាស់នូវម៉ាស៊ីនត្រង់ស៊ីន័ររាប់រយគ្រឿងក្នុងការអារដើមឈើទាំងធំទាំងតូចលាន់លឺពេញព្រៃតែម្ដង។ មន្ត្រីឃ្លាំមើលបទល្មើសព្រៃឈើបាននិយាយថាព្រៃឈើនៅតំបន់ផ្នែកក្រឡាញ់បច្ចុប្បន្ននេះស្ទើក្លាយជាវលរហោស្ថានដោយសាតែរងការកាប់បំផ្លាញពីក្រុមឈ្មួញចំណែកឯមន្ត្រីសមត្ថកិច្ចពាក់ព័ន្ទមិនបានធ្វើការបង្ក្រាបឲ្យបានជោកជ័យស្របតាមយុទ្ធសាស្ត្រកំណែទម្រង់ស្ដាឡើងវិញនូវវិស័យព្រៃឈើរបស់រាជរដ្ឋាភិបាលនោះឡើយ។ពោលគឺក្រុមមន្ត្រីមានភារកិច្ចបង្ក្រានោះបាននាំគ្នារទទួលសំណូកពីឈ្មួញដោយគ្មានញញើតដៃ។
មន្ត្រីអង្គរការឃ្លាំមើលបទល្មើសព្រៃឈើបន្តថាចលនាកាប់បំផ្លាញព្រៃឈើនៅទឹកដីផ្នែកក្រឡាញ់នេះបានក៍ព្រោះតែលោកសេងវឿតជាអ្នកនៅពីក្រោយខ្នងដែរទើបសកម្មភាពចេះតែរីករាលដាលធំឡើងៗបណ្ដាលឲ្យព្រៃឈនៅតំបន់នោះទទួលរងគ្រោះមហនរាយយ៉ាងធ្ងន់ធ្ងរបំផុត។ អង្គរការឃ្លាំមើលបទល្មើសព្រៃឈើបន្ថែមថាក្រុមឈ្មួញឈើទាំងនោះក្រោយពីបានធ្វើសកម្មភាពកាប់អាររួចពួកគេបានប្រើប្រាស់នូវរថយន្តប្រភេទដំរីទឹកដឹកចេញពីក្នុងព្រៃមកដាក់តាមភូមិក្នុងភូមិសាស្ត្រឃុំស្រែណូយហើយយករថយន្តកូរ៉េប្រភេទធំៗចំណុះ៣តោនទៅ៥តោនធ្វើការដឹកជញ្ជូនចេញទៅលក់ឲ្យដេប៉ូនៅក្រុងសៀមរាបនិងស្រុកអង្គរជុំទាំងយប់ទាំងថ្ងៃមិនតែប៉ុនណ្ណោះផ្លូវក្រាលគ្រួសក្រហមពីឃុំស្រែណូយទៅស្រុកអង្គរជុំបានទទួលរងនូវការខូចខ្ទេចខ្ទីតែម្ដងដោយសារថយន្តដឹកឈើជាប្រចាំ។លោកសេងវឿតមិនអាចស្វែងរកការបកស្រាយបំភ្លឺបានទេដោយទូរស័ព្ទនៅក្រៅតំបន់សេវា។
ពាក់ព័ន្ទទៅការដឹកជញ្ជូនឈើនៅតំបន់ស្រែណូយនេះកាលពីព្រឹកថ្ងៃទី១៧ខែមិថុនាឆ្នាំ២០១៤កន្លងទៅថ្មីៗនេះព្រះរាជអាជ្ញាអមសាលាដំបូងខេត្តសៀមរាបបានបញ្ជាឲ្យមេព្រៃលីសុផាចុះរឹបអូសគោយន្តដឹកឈើលេខ២ខ្នាតធំ១គ្រឿងរបស់ឈ្មួញដ៍ធំម្នាក់នៅតំបន់ស្រែណូយឈ្មោះចិត្តយកទៅរក្សាទុកនៅសង្កាត់រដ្ឋបាលព្រៃឈើស្រែណូយ។ជាមួយគ្នាតនេះដែរនៅតំបន់ស្រែណូយក៍មានរោងសិប្បកម្មកែឆ្នៃឈើដោយខុសច្បាប់រាប់សិបកន្លែងបានកំពុងតែដំណើការយ៉ាងពេញបន្ទុកក្នុងនោះក៍មានដេប៉ូលក់ឈើមួយកន្លែងនៅភូមិព្រៃខ្នរឃុំស្រែណូយដែលមានយីហោឈ្មោះដេប៉ូឈើស្រែណូយថៅកែឈ្មោះឆាយហើយដេប៉ូមួយនេះជាទីតាំងនាំឲ្យមានការកាប់បំផ្លាញព្រៃឈើនៅស្រុកវ៉ារិននិងខេត្តឧត្តរមានជ័យព្រះវិហារផងដែរ។
