កំពង់ធំ៖ ហេតុការណ៍គ្រោះថ្នាក់ចរាចរណ៍ មួយបានកើតឡើងនៅលើកំណាត់ ផ្លូវជាតិលេខ៦ ត្រង់ចំនុចភូមិ ទោងមោង ឃុំ កំពង់ថ្ម ស្រុកសន្ទុក ខេត្តកំពង់ធំ ដែលបណ្តាលមកពីការធ្វេសប្រហែសរបស់ តៃកុងឡាន បណ្តាលឲ្យបុករ៉ឺម៉កដែលបានឈប់អែប ចិញ្ចើមផ្លូវ បណ្តាលឲ្យ
រ៉ឺម៉កខ្ទាត់ទៅធ្លាក់ក្នុងទឹកស្នាមភ្លោះ នៅវេលាម៉ោង ៣.៣០នាទី រសៀល ថ្ងៃទី ២២ ខែមិថុនា ឆ្នាំ ២០១៤។
តាមការឲ្យដឹងពីសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ មានរ៉ឺម៉កសណ្តោងម៉ូតូមួយ គ្រឿងបានបើកបរ ស្របទិសគ្នាជាមួយនិងរថយន្ត CRV ពីទិសខាងលិច សំដៅទៅទិសខាងកើត លុះមកដល់ ចំនុចកើតហេតុ រ៉ឺម៉កដែលបើកពីមុខរថយន្ត មានការចងសំពីងសំពោង តែជារ៉ឺម៉កទទេ បានមកត្រឡប់មក ផ្ទះវិញបន្ទាប់ពីលក់ខ្យូងអស់ លុះមកដល់ចំនុចកើតហេតុខាងលើ រ៉ឺម៉កបានឈប់ភ្លាមៗ
ដោយមិនខ្វល់ពីអ្នកបើកបរនៅពីក្រោយបណ្តាលឲ្យរថយន្តCRV ពណ៌ ស្លែរ ពាក់ស្លាកលេខ ភ្នំពេញ 2B-2632 បានបុកពីក្រោយយ៉ាងពេញ ទំហឹងបណ្តាលឲ្យ ខួចខាតយ៉ាងដំណំ តៃកុងឡានបើកបរដោយបុរសម្នាក់ឈ្មោះ ជិត អាយុ ៣៣ឆ្នាំ រស់នៅរាជធានីភ្នំពេញ ចំណែកជនរងគ្រោះ ជាតៃកុងរ៉ឺម៉កម៉ូតូ ឈ្មោះ ឈិន សុត ភេទប្រសុ អាយុ ៣៧ឆ្នាំ រស់នៅភូមិ កំប៉ោច ឃុំ ចុងដូង ស្រុកបារាយណ៍ ខេត្តកំពង់ធំ ជនរងគ្រោះ រងរបួសក្នុងស្ថានភាព ធ្ងន់ធ្ងរត្រូវបានសមត្ថកិច្ច បញ្ជូនទៅកាន់គ្លីនិក ឯកជននៅក្នុង ឃុំកំពង់ថ្ម ដើម្បីជួយសង្គ្រោះបន្ទាន់ ។
រីឯរថយន្ត និងរ៉ឺម៉កម៉ូតូ ត្រូវបានសមត្ថកិច្ច ធ្វើការវាស់វែង និងត្រួតពិនិត្យយ៉ាង ល្អៀតល្អន់ ដើម្បីរកធាតុផ្សំ ដូចជាជាតិអាកុល ឬងងុយដេក ព្រមទាំងលិខិតអនុញ្ញាតិឲ្យបើកបររថយន្ត តែបើសិនជាសមត្ថកិច្ចរកឃើញ ថាភាគីទាំងសងខាងណាមួយនោះ មានធាតុផ្សំដែលបណ្តាលឲ្យមានករណី គ្រោះថ្នាក់ខាងលើនេះ និងត្រូវ បានចាត់វិធានការតាមច្បាប់ ក្រោយពីសមត្ថកិច្ច ធ្វើការវាស់វែងហើយ ក៏បានបញ្ជូនវត្ថុតាងទៅអធិការដ្ឋាននគរបាល ស្រុកសន្ទុក ដើម្បីរងចាំភាគីទាំងសងខាងចូលមកដោះស្រាយតាម និតិវិធីនៃច្បាប់ ។
