ស្រាវជ្រាវចុងក្រោយលទ្ធផលនៅសហរដ្ឋ អាមេរិក បញ្ជាក់ថា អ្នកប្រកបវិជ្ជាជីវៈសារព័ត៌មានបាត់បង់ការងារជាង៥ម៉ឺុននាក់ ក្នុងរយៈពេល១០ឆ្នាំកន្លងមក ដោយសារសារព័ត៌មានដួលរលំ ក្រោមឥទ្ធពលនៃកំណើនយ៉ាងឆាប់រហ័សរបស់ប្រព័ន្ធព័ត៌មានតាម អីុនធើរណេត ។ លទ្ធផល
ស្រាវជ្រាវរបស់មហាវិទ្យាល័យហាវើដ រួមជាមួយវិទ្យាស្ថានភីវរីស៊ើច នៅក្រុងវ៉ាស៊ីនតោន សហរដ្ឋអាមេរិក ដែលចុះផ្សាយជាសាធារណៈកាលពីថ្ងៃទី១៨ មិថុនា ២០១៤ បញ្ជាក់ថា ក្នុងរយៈពេល១០ឆ្នាំ ពីឆ្នាំ២០០៣ដល់២០១៣ មានអ្នកប្រកបអាជីពសារ ព័ត៌មាន រួមទាំងអ្នកជំនាញរោងបោះពុម្ពកាសែត និងទស្សនាវដ្ដីនៅសហរដ្ឋអាមេរិក យ៉ាងតិច៥៤.២០០នាក់ បាត់បង់ការងារ ។
តួលេខនេះបង្ហាញថា ក្នុងរយៈពេល១ទសវត្សកន្លងទៅជារយៈពេលដែលមានអ្នកប្រកបអាជីពសារ ព័ត៌មាន «គ្មានការងារធ្វើ» ខ្ពស់បំផុតជាប្រវត្ដិសាស្ដ្រនៅអាមេរិក ដោយសារតែការរីកចម្រើនផ្នែកប្រព័ន្ធព័ត៌មានតាមអីុនធើរណេត ។
លទ្ធផលស្រាវជ្រាវបញ្ជាក់ថា គ្រោះមហន្ដរាយអាជីពរបស់អ្នកសារព័ត៌មានក្នុងសហរដ្ឋអាមេរិក មានមូលហេតុសំខាន់ដោយសារការកើនឡើងយ៉ាងខ្ពស់នៃប្រព័ន្ធវេបសាយ ជាប្រព័ន្ធព័ត៌មានដែលទទួលការពេញនិយមពីមហាជន និងទាក់ទាញចំណូលពីការឃោសនាដែលភាគច្រើនចេញពីកាសែត និងទស្សនាវដ្ដី រហូតធ្វើឱ្យសារព័ត៌មានផ្នែកបោះពុម្ពភាគច្រើនត្រូវជួបប្រទះនឹង វិបត្ដិ«ដួលរលំ» ។
នៅក្នុងរបាយការណ៍បញ្ជាក់ថា ទោះបីជាផ្នែកប្រព័ន្ធអនឡាញពេញនិយមខ្ពស់ និងជាជង្រុកនៃការឃោសនាក៏ដោយ ប៉ុន្ដែការជួលបុគ្គលិកថ្មីក្នុងប្រព័ន្ធអនឡាញបែរជាមានចំនួនតែ ១ភាគ១០ បើប្រៀបធៀបទៅនឹងចំនួនអ្នកគ្មានការងារធ្វើពីកាសែតក្នុងរយៈពេល ១០ឆ្នាំកន្លងទៅ ៕
