ខេត្ត ស្វាយរៀង នាព្រឹកថ្ងៃទី២១ ខែ មិថុនា ឆ្នាំ ២០១៤ នៅសាលប្រជុំគណបក្សប្រជាជនកម្ពុជាខេត្តស្វាយរៀង មានរៀបចំពិធីបូកសរុបការងារអនុវត្តភារកិច្ចរបស់ក្រុមការងារគណៈកម្មាធិការ កណ្តាលចុះជួយ ខេត្តស្វាយរៀងនិងដាក់ទិសដៅភារកិច្ចសំខាន់ៗសម្រាប់អនុវត្តដំណាក់កាលទី៦
លើកទី៤ដែលពីទីនេះ ស្ថិតក្រោមវត្តមានដ៏ខ្ពង់ខ្ពស់ជាគណៈអធិបតីលោកជំទាវ ប៉ែន សំអន សមាជិកគណៈអចិន្ត្រៃយ៍ គណៈកម្មាធិការកណ្តាល និងជាប្រធានក្រុមការងារ គណៈកម្មាធិការកណ្តាលចុះជួយខេត្តស្វាយរៀងព្រមទាំងមានការចូលរួមពីក្រុមការងារ គណបក្សចុះជួយស្រុក ក្រុង ឃុំ សង្កាត់ និងសមាជិក សមាជិការបក្ស យ៉ាងច្រើនកុះករផងដែរ ។
លោកជំទាវ ម៉ែន សំអន បានមានប្រសាសន៍ធ្វើការកោសសសើរចំពោះថ្នាក់ដឹកនាំ ក៏ដូចក្រុមការងារ របស់គណៈបក្សប្រជាជនកម្ពុជា ដែលបានចុះជួយផ្ទាល់តាមបណ្តាលមូលដ្ឋាន និងគណបក្សគ្រប់ថ្នាក់ដែល បានយកអស់ស្មារតី កម្លាំងកាល និងកម្លាំងចិត្ត ធនធានថវិកា សម្ភារៈជួយគាំទ្រយ៉ាងសកម្ម តាមបណ្តាល មូលដ្ឋាននាៗទូទាំងខេត្ត ដំណាក់កាលលើទី៦ លើកទី៣ រួមចំណែកឲ្យខេត្តស្វាយរៀងទទួលបានជោគជ័យ រាល់ភារកិច្ចជាបន្តបន្ទាប់ ជាពិសេសជោគជ័យក្នុងការបោះឆ្នោតជ្រើសរើសក្រុមប្រឹក្សាខេត្ត ក្រុង ស្រុក ឃុំ នាថ្ងៃទី ១៨ ខែ ឧសភា ឆ្នាំ២០១៤ កន្លងទៅថ្មីៗនេះ ។
លោកជំទាវ ម៉ែន សំអន បានមានប្រសាសន៍លើកឡើងទៀតថា ដើម្បីទទួលបានជោគជ័យក្នុងការ ងារចុះជួយខេត្តស្វាយរៀង ក្រុមការងារទាំងអស់ត្រូវបន្តនិរន្តភាពការងារទៅគ្រប់មូលដ្ឋានក្រុមការងារយើង ត្រូវចុះជួយប្រាស័យទាក់ទងដោយផ្ទាល់ដល់មូលដ្ឋាន បន្តឲ្យបានច្បាស់លាស់រាល់សំណូមពរបញ្ហាប្រឈម ការលំបាក របស់សមាជិកគណបក្សក៏ដូចប្រជាជនទូទៅ ។
ត្រូវរិះរកគ្រប់មធ្យោបាយជួយដោះស្រាយឲ្យបានទាន់ពេលវេលា ប្រកបដោយប្រសិទ្ធិភាពសំដៅរួមចំណែកពង្រឹង ជំរឿន ជឿជាក់លើការដឹករបស់រាជរដ្ឋាភិបាល និងការដឹកនាំរបស់គណបក្សប្រជាជនកម្ពុជា។ មិនតែប៉ុណ្ណោះក្រុមការងារត្រូវបង្កើនការផ្សព្វផ្សាយអំពីសមិទ្ធផល និងស្នាដៃជាប្រវត្តិសាស្ត្ររបស់គណបក្ស ហើយត្រូវផ្សព្វផ្សាយសមិទ្ធផលថ្មី អំពើល្អៗ ជំនួសនឹងដំណោះស្រាយថ្មីៗ របស់រាជរដ្ឋាភិបាលយើង ។
ដូចជាការវាយដី និងការចេញប័ណ្ណកម្មសិទ្ធិជួន ប្រជាជនយើង និងថ្មីៗនេះរាជរដ្ឋាបាលយើងបានជួយសំរួល ផ្តល់ជំនួយជាច្រើនដល់ពលកម្មកម្ពុជា ដែលត្រូវអាជ្ញាធរយោធាថៃ បញ្ជូនមកវិញរាប់ម៉ឺននាក់តាមព្រំដែន និងបានចេញអនុក្រឹតថ្មី ដោយបានចេញ លិខិតឆ្លងដែនជួនដល់ពលកម្ម និងនិស្សិតកម្ពុជាដែលត្រូវធ្វើដំណើរទៅបរទេស ដោយយកតម្លៃតែ ៤ ដុល្លា និងតម្រូវឲ្យរយៈពេលធ្វើលិខិតឆ្លងដែនមិនហួសពី ២០ ថ្ងៃ ធ្វើការឡើយ ។
លោកជំទាវ ម៉ែន សំអន ផ្តាំផ្ញើដល់ក្រុមការងារបក្សត្រូវបន្តជំរុញដល់កិច្ចដំណើរការងារនៃការកែទម្រង់វិមជ្ឍការ និងវិសហមជ្ឍការ ដែល ជាផ្នែកសំខាន់មួយនៃកម្មវិធីកំណែទម្រង់ស៊ីជំរៅរបស់រាជរដ្ឋាភិបាលសម្រាប់អាត្តិទី៥នៃរដ្ឋសភា ការងារនេះ គឹជាការផ្លាស់ប្តូររៀបរាប់ការងារ គ្រប់គ្រង់ និងផ្តល់ភាពម្ចាស់ការនៅកម្រិតថ្នាក់ក្រោមជាតិ សំដៅលើកកម្ពស់តម្លាភាព គណនេយ្យភាព និងប្រសិទ្ធិភាពតាមរយៈការផ្តល់សេវា
សាធារណៈឲ្យកាន់តែល្អ មានប្រសិទ្ធិភាព និងធ្វើឲ្យមានការអភិវឌ្ឍន៍នៅមូលដ្ឋានទូទាំងខេត្តពិសេសនៅកន្លែងដែលគណបក្សយើង មិនមានសម្លេងឆ្នោះនាំមុខ ។ហើយយើងក៏ត្រូវបន្តអនុវត្តវិធានការ ពង្រឹងគោលនយោបាយឃុំ ភូមិមានសុវត្តិភាព ដើម្បីធានាដល់សន្តិសុខ និងសុវត្តិភាពរបស់ប្រជាពលរដ្ឋយើង ។ 
