បន្ទាយមានជ័យ ះ ការងារជាអាទិភាពក្នុងការជំរុញកែទម្រង់ដីធ្លីទៅបានវាមិនត្រឹមតែពាក់ពន្ធ័និងសមត្ថកិច្ចជំនាញនោះទេ គឺវាមានការពាក់ពន្ធ័ច្រើនទៅនឹងក្រសួងស្ថាប័នអាជ្ញាធរគ្រប់ថ្នាក់និងប្រជាពលរដ្ឋគ្រប់ប្រទេស ហើយការជោគជ័យឬបរាជ័យអាស្រ័យលើការចូលរួមគាំទ្រពីគ្រ
ប់មជ្ឍដ្ឋានក្នុងការយល់អំពីច្បាប់និងគោលនយោបាយពាក់ពន្ធ័និងវិស័យដីធ្លីរបស់មន្ត្រីអនុវត្តដីធ្លីនិងប្រជាពលរដ្ឋ។នេះជាការលើកឡើងរបស់លោក លី សារី ប្រធានមន្ទីរសុរិយោដីខេត្តបន្ទាយមានជ័យក្នុងពិធីបើកវគ្គបំប៉នដល់មេភូមិ ប្រធានសហគមន៍និងប្រជាពលរដ្ឋមកពីស្រុកអូជ្រៅ និងក្រុងប៉ោយប៉ែតកាលពីព្រឹកថ្ងៃទី ២៣ខែមិថុនាឆ្នាំ២០១៤។
លោកអភិបាលរងស្រុកអូរជ្រៅបានណែនាំដល់សិក្ខាកាមទាំងអសដែលបានចូលរួមក្នុងវគ្គបណ្តុះបណ្តាលនេះអោយយកចិត្តទុកដាក់ស្វែងយល់នូវខ្លឹមសារទាំងឡាយណាដែលគ្រូបង្គោលបានពន្យល់ដើម្បីយកទៅអនុវត្តន៍បន្ត ព្រោះថាវគ្គនេះមានសារះសំខាន់សំរាប់អនុវត្តជាក់ស្តែងក្នុងការរស់នៅនិងគ្រប់គ្រងដីធ្លី។ លោក លី សារី បានបញ្ជាក់បន្ថែមថា បញ្ហាដីធ្លី ជាបញ្ហាមួយដែលមានការពាក់ពន្ធ័និងការអភិវឌ្ឍន៍សេដ្ឋកិច្ចសង្គមនិងការកាត់បន្ថយភាពក្រីក្ររបស់ប្រជាពលរដ្ឋ។
ហេតុនេះរាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែនបានប្តេជ្ញាចិត្តឥតរាថយជំរុញការកែទម្រង់ដីធ្លីផ្តោតលើការពង្រឹងការគ្រប់គ្រងការរៀបចំ ការប្រើប្រាស់ ការបែងចែកដីធ្លីដើម្បីរួមចំណែកធ្វើអោយសម្រេចគោលដៅជាតិក្នុងការកាត់បន្ថយភាពក្រីក្រការធានាសន្តិសុខស្បៀងការការពារបរិស្ថាននិងធនធានធម្មជាតិនិងការអភិវឌ្ឍន៍សង្គមសេដ្ឋកិច្ចក្នុងបរិការនៃសេដ្ឋកិច្ចទីផ្សារ។ដូច្នេះការអប់រំផ្សព្វផ្សាយដែលក្រសួងរៀបចំដែនដីកំពុងជាប្រចាំនិងទូលំទូលាយនេះគឺជាការចាំបាច់មួយដើម្បីអោយមន្ត្រីអនុវត្តច្បាប់ក៏ដូចជាប្រជាពលរដ្ឋបានយល់ដឹងអំពីច្បាប់និងគោលនយោបាយរបស់រដ្ឋអោយមានលទ្ធភាពចូលរួមអនុវត្តច្បាប់និងគោលនយោបាយប្រកបដោយប្រសិទ្ធិភាពរួមចំណែកក្នុងការជំរុញអនុវត្តការកែទម្រង់ដីធ្លីរបស់រដ្ឋាភិបាល។
ពេលគ្រប់មជ្ឍដ្ឋានបានយល់ដឹងពីច្បាប់និងគោលនយោបាយនោះបាតុភាពអសកម្មក្នុងសង្គមនិងថយចុះដូចជាបាតុភាពរំលោភលើកម្មសិទ្ធិឯកជននិងសិទ្ធិស្របច្បាប់ផ្សេងទៀតលើដីធ្លីរបស់ពលរដ្ឋ បាតុភាពចូលកាន់កាប់និងទន្ទ្រានដីរបស់រដ្ឋ(ដីព្រៃ ដីចំណីផ្លូវ ដីឆ្នេរ ដីក្នុងការពារនានា…)ចាំបាច់ត្រូវពង្រឹងអនុច្បាប់គ្រប់ជ្រុងជ្រោយដោយអនុវត្តអោយបានព្រមគ្នាទាំងវិធាកការរដ្ឋបាល វិធានការអប់រំនិងវិធានការច្បាប់។ សូមបញ្ជាក់ថាវគ្គបំប៉ន់នេះសិក្ខាកាមត្រូវសិក្សាលើមេរៀនចំនួន៦គឺ កម្មសិទ្ទិលើអចលនវត្ថុ ភោគះនិងលទ្ធកម្ម សិទ្ធិតាមរយះភោគះ សម្បទានដី ការគ្រប់គ្រងដីរដ្ឋ ការដោះស្រាយទំនាស់ដីធ្លីរបស់គណះកម្មារសុរិយោដី និងការចុះបញ្ជីដី៕. 
