បន្ទាយមានជ័យៈ គ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើងលើកំណាត់ផ្លូវជាតិលេខ៥ត្រង់ចំណុចខាងកើតក្លោងទ្វាចូលវត្តស្ទឹងបទ ចម្ងាយ១០០ម៉ែត្រស្ថិតក្នុងភូមិ អណ្ដូងថ្មមាស សង្កាត់ ផ្សារកណ្ដាល ក្រុងប៉ោយប៉ែត បង្ករឡើងដោយរថយន្តមិនស្គាល់ម៉ាកបាន បុកជាមួយម៉ូតូម៉ាក សេ១២៥ព៏ណខ្មៅសេរីឆ្នាំ២០១៤ ពាក់ផ្លាកលេខ ប.ជ ១ អេះវ ៩៨៨៣ ក្នុងទិសដៅបញ្ច្រាស់ទិគ្នា កាលពីវេលាម៉ោង ៨.៤០នាទីយប់ថ្ងៃទី២៣ មិថុនាឆ្នាំ២០១៤ ។ ជនរងគ្រោះបានស្លាប់ត្រូវបានអះអាងពីសមត្ថកិច្ច ជំនាញប៉ូលិសចរាចរណ៍ ន ឈ្មោះ អ៊ិន វាសនា ហៅម៉ាប់ ភេទប្រុសអាយុ២១ឆ្នាំមានទីលំនៅ ភូមិសូរិយាសង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ។ ចំនែកឯអ្នករបួសពុំទាន់ស្គាល់អត្តសញ្ញាណនៅឡើយទេ ដោយសារនៅពេលសមត្ថកិច្ចទៅដល់អ្នករបួសត្រូវបានមិត្តភ័ក្កដឹកយកទៅ សង្គ្រោះនៅមន្ទីរពេទ្យឯកជនបាត់ទៅហើយ។
ប្រភពពត៌មានពីសមត្ថកិច្ចប៉ូលិសចរាចរណ៍ក្រុង នៅកន្លែងកើតហេតុបានឲ្យដឹងថា ជនរងគ្រោះជិះ ម៉ូតូពីលិចទៅកើត ក្នុងល្បឿនផ្តាច់ព្រលឹង លើសពីល្បឿនច្បាប់កំណត់ បណ្តាលឲ្យជ្រុលទៅបុករថយន្ត មួយគ្រឿងទៀតនៅពីមុខដែលកំពុងតែបើកបរ មិនតែប៉ុណ្ណោះ ដោយកំលាំងនៃល្បឿនម៉ូតូ បានខ្ទាត់មកខាងឆ្វេងជួនពេលនោះមានរថយន្តមួយគ្រឿងទៀតបានបើកមកពីមុខ បានបុកបន្ថែមបណ្ដាលឲ្យបែកក្បាលធ្លាយខួរ
ស្លាប់នៅនិងកន្លែងកើតហេតុតែម្ដង ។ តាមការអះអាង ពីសមត្តកិច្ចប៉ូលិស បានបញ្ជាក់ថា ជនរងគ្រោះបានជិះម៉ូតូ២នាក់ ក្នុងស្ថានភាពស្រវឹង ហើយបើកបរមិនគោរពច្បាប់ចរាចរណ៍ ថែមទាំងមិនបានពាក់មួកសុវត្តិភាព ទើបបណ្តាលឲ្យ ស្លាប់បាត់បងជីវិត សម្រាប់វត្ថុតាងយកទៅទុកនៅអធិការដ្ឋាននគរបាលក្រុងរងចាំការដោះស្រាយនៅពេលក្រោយ សាកសពប្រគល់ឲ្យក្រុមគ្រូសារ យកទៅធ្វើបុណ្យតាមប្រពៃណីយ៏ ។ ដោយ ដុំ សំបូរ 
