មានក្មេងស្ទាវមួយក្រុម ប្រដាប់ដោយដាវសាម៉ូរៃ និងដំបងព្រួតវាយ និងកាប់បុរសម្នាក់ រងរបួស ជា ទម្ងន់ ដឹងយកទៅសង្គ្រោះ នៅមន្ទីពេទ្យបង្អែកខេត្តតាកែវ ។ ហេតការណ៍នេះ បានកើតទ្បើងនៅភូមិអង្គរង ឃុំមហាឫស្សី ស្រុកគងពិសី ខេត្តកំពង់ស្ពឺ ។ ស្ត្រីឈ្មោះ ខាត់ បុន ត្រូវជាបង
បង្កើត របស់ជនរងគ្រោះ បាននិយាយថា ប្អូនប្រុសរបស់គាត់ឈ្មោះ ខាត់ ប្រុស អាយុ២៩ឆ្នាំ ត្រូវក្រុមក្មេងស្ទាវព្រួតកាប់ និងវាយរហូតរងរបួសជាទម្ងន់ ដោយសារក្រុមក្មេងស្ទាវនោះ មកបបួលប្អូនគាត់ ជាជនរងគ្រោះ ទៅលេងបាល់ តែប្អូនប្រុសគាត់មិនលេង ក៍កើតមានទំនាស់ពាក្យសម្តី រហូតមានការវាយកាប់ទៅ ។
ស្ត្រីនោះបានបន្តទៀតថា ពេលក្រុមក្មេងស្ទាវ វាយកាប់ប្អូនគាត់អស់ចិត្តហើយ ក្រុមនោះក៍នាំគ្នារត់គេចខ្លួនបាត់អស់ទៅ ចំណែកគាត់ក៍ប្រញាប់ប្រញាល់ ដឹងយកប្អូនរបស់គាត់ ទៅសង្គ្រោះនៅមន្ទីពេទ្យបង្អែក ខេត្តតាកែវ ព្រោះជនរងគ្រោះមានរបួសធ្ងន់ធ្ងរខ្លាំងពេក ៕ 
