បន្ទាយមានជ័យៈ ការផ្សព្វផ្សាយការអភិរក្សកាន់តែខ្លាំងការនេសាទខុសច្បាប់កាន់តែមានការកើនឡើងលើដែនតំបន់អភិរក្សនៅក្នុងឃុំសំបួរ ស្រុកមង្គលបូរី ខេត្តបន្ទាយមានជ័យ ដែលជាហេតុធ្វោអោយប្រជាសហគមន៍នេសាទអស់ទឹកចិត្តក្នុងការការពារ ។ ក្នុងវេទិការស្តីពីការធ្វើអោយប្រសើឡើងនូវធនធានធម្មជាតិដែលរៀបចំឡើងដោយអង្គការក្រុមទ្រទ្រង់ភូមិ និងសហការឧបត្ថម្ភដោយ Forum syd
ប្រជាសហគមន៍ក្នុងឃុំសំបួរប្រមាណជា ៥០នាក់ដែលរួមមានលោក គុយ ផល្លា លោក មាស ដាំ លោក អែម ប៊ុនធឹង បានធ្វើការងឿងឆ្ងល់លើបញ្ហានេសាទខុសច្បាប់ចេះតែកើនឡើង ស្របពេលដែលមានការបង្ហាត់បង្រៀនលើការអភិរក្សធនធានធម្មជាតិ ដូចជាការបង្កើតសហគមន៍ដើម្បីអោយពលរដ្ឋចូរួមអភិរក្សនូវធនធានមច្ឆាជាតិ ស្រាប់តែបទល្មើសនេសាទខុសច្បាប់ដោយប្រើឧបករណ៍ឆក់មានការកើនឡើងជាងឆ្នាំ២០១៣ ។ ដោយសារតែមានបទល្មើសកើនឡើងប្រជាសហគមន៍មានបំណងចង់ស្នើរសុំប្តូរបឹងអភិរក្សដែលនៅឆ្ងាយពីបាកគ្រប់គ្រងអោយមកនៅនិងគាកមូលដ្ឋាដែលពលរដ្ឋរស់នៅ ។
ឆ្លើយតបនិងបញ្ហាទាំងនេះក្នុងនាមអាជ្ញាធរមូលដ្ឋា លោក ឈឿយ តិម សមាជិកក្រុមព្រឹក្សាឃុំសំបួរ បានធ្វើការបកស្រាយថា ដោយទុកអោយប្រជាពលរដ្ឋខ្លួនអែងជានាក់ទទួលខុសត្រូវតាមរយៈ អោយពលរដ្ឋផ្តល់ព័ត៍មាន ចូលរួមសហការ និងផ្សព្វផ្សាយដើម្បីឈានទៅដល់ការបង្ក្រាប ។ តាមរយៈការលើកឡើងនេះអាជ្ញាធរហាក់ដូចជាពុំមានការទទួលខុសត្រូវចំពោះមុខងារ ឬតួនាទីខ្លួនឡើយគឺរងចាំតែការចូលរួមពីប្រជាពលរដ្ឋ ។
ដោយឡែកចំពោះសមត្ថកិច្ចវិញ ដែលមាន លោក សាន ប៊ុនថន នាយរងប៉ុស្តិ៍រដ្ឋបាលឃុំសំបួរក៏មិនខុសគ្នាពីអាជ្ញធរដែរដោយបានលើកឡើងថា សមត្ថកិច្ចមិនអាចធ្វើការទប់ស្កាត់បានឡើយព្រោះគ្រប់ពេលដែលសមត្ថកិច្ច ធ្វើការចុះបង្ក្រាបជនប្រព្រឹត្តបទល្មើសតែងតែដឹងខ្លួន គេចខ្លួន ឬក៏យកឧបករណ៍លាក់អស់ធ្វើអោយសមត្ថកិច្ចមិនអាចចោទប្រកាន់បាន ។
លោក ស្ងួន ចាន់ តំណាង់អង្គការក្រុមទ្រទ្រង់ភូមិ និងជាអ្នកសម្របសម្រួលក្នុងវេទិការនេះបានអោយដឹងផងដែរថា ទោះបីជាមានការការលើកឡើងពីបងប្អូនប្រជាសហគមន៍នេសាទលើបញ្ហាបទល្មើសនេសាទខុសច្បាប់មានការកើនឡើង និងការព្រួយបារម្ភពីការបាត់បង់ធនធានធម្មជាតិ និងបញ្ហាកង្វល់នានាដែលអាជ្ញាធរ សមត្ថកិច្ចបានឆ្លើយតបមកវិញយ៉ាងណាក៏ដោយ ក៏ពួកគាត់មានភាពសប្បាយរីករាយបានបញ្ចេញនូវកង្វល់ដែលកប់ទុកជាយូរណាស់មកហើយ ។
