ក្រុងសេអ៊ូលៈ ក្រុមទ័ពកូរ៉េខាងត្បូងពីថ្ងៃអាទិត្យ បានជាប់ដៃក្នុងការបាញ់ប្រយុទ្ធគ្នា ដោយកាំភ្លើងដ៏សាហាវមួយនៅក្បែរសាលាបឋមសិក្សាមួយជាមួយនឹងទាហានរត់ គេចខ្លួនដែលបានបាញ់សម្លាប់សមាជិកនៃកងឯកភាពរបស់ខ្លួន៥នាក់ លើព្រំដែនជាប់កូរ៉េខាងជើង។ នេះបើតាមវេប
សាយចិនស៊ីនហួ កាលពីថ្ងៃចន្ទ។
ប្រភពដដែលនេះបានឲ្យដឹងថា ពលបាលវ័យ២៣ឆ្នាំមានត្រកូលលីម បានបើកការបាញ់រះលើទាហានកូរ៉េខាងត្បូងជាច្រើនទៀតនៅប៉ុស្តិ៍ ឆ្មាំមួយដែលការបាញ់ប្រហារសេរីនោះ បានបណ្តាលឲ្យមនុស្ស៥នាក់ស្លាប់និង៧នាក់រងរបួស។ ទន្ទឹមនឹងនេះ ការលេងបានបង្កឲ្យការតាមប្រមាញ់ទ្រង់ទ្រាយធំមួយ បន្ទាប់ពីលោក លីម បានគេចខ្លួនពីកន្លែងកើតហេតុ ជាមួយកាំភ្លើងនិងគ្រាប់មួយដ៏ច្រើនសន្ធឹកសន្ធាប់ផងដែរ។លោក លីម ត្រូវបានដេញតាម និងបានដេញទាន់នៅមុនម៉ោង១២និង៣០នាទីនៅឯទីតាំងមួយចម្ងាយ១០ គីឡូម៉ែត្រពីព្រំដែន។ អ្នកនាំពាក្យរូបនោះ បាននិយាយថា៖ «គេបានបាញ់លើក្រុមទាហានដែលកំពុងដេញតាម ហើយពួកគេក៏បានបាញ់តបតវិញ» ដោយបានបន្ថែមថា មន្ត្រី យោធាម្នាក់បានរងរបួសដៃ។
ទីភ្នាក់ងារយ៉ុនហាប់ បាននិយាយថា ឪពុកម្តាយលោកលីម ត្រូវបានគេនាំទៅកាន់កន្លែងកើតហេតុ និងបានអង្វរឲ្យកូនប្រុសខ្លួនប្រគល់ខ្លួន។ អ្នកដែលរស់នៅក្នុងតំបន់នោះបាននិយាយថា នាងបានឮ យ៉ាងហោចណាស់ការបាញ់តគ្នាបីដង ដាច់ដោយឡែកពីគ្នាផងដែរ៕
