ព្រះវិហារ៖ អង្គភាពតំបន់ប្រតិបត្តិការសិករងព្រះវិហារបានបើកវគ្គបណ្តុះបណ្តាលជីវភាពនយោបាយកងទ័ព ដល់អង្គភាពចំណុះសិករងខេត្តទាំងអស់ នាយទា ហាន នាយទាហានរង និង ពលទា ហានប្រមាណ១៣០នាក់ដើម្បីឈានឆ្ពោះទៅពង្រឹងបាននូវធនធានមនុស្ស ប្រកបដោយសមត្ថភាព និងតម្លារភាព ក្នុងការការពារបូរ ណភាពទឹកដី ប្រជាពលរដ្ឋ ឲ្យបានគង់វង្ស និងរឹងមាំ ។
ការបណ្ដុះបណ្ដាលនោះលើកកម្ពស់ការយល់ដឹងឲ្យបានច្បាស់ពីសភាពការណ៏ជាតិអន្តរជាតិនិងស៊ីជម្រៅលើសភាពការណ៏ឈរលើទីតាំងនៃកងយោធពលខេមរៈភូមិន្ទ ដើម្បីការពារប្រទេស រដ្ឋធម្មនុញ្ញ ព្រះមហាក្សត្រ និងរាជរដ្ឋាភិបាល និង រក្សាបាននូវស្ថេរភាព សន្តិសុខប្រទេស ជៀស បាននូវការបែកបាក់ឯកភាពជាតិ នាំឲ្យកើតមានជម្លោះ សង្គ្រាមផ្ទៃក្នុង ដែលប្រទេសកម្ពុជា បានឆ្លងកាត់ នូវដំណាក់កាលសង្គ្រាម ជាច្រើនទស្សវត្ត កន្លងរួចមកហើយ ។
វគ្គបណ្តុះបណ្តាលនោះ ធ្វើឡើងមានរយះពេល ៤៥ថ្ងៃ ចាប់ពីថ្ងៃទី២៤មិថុនា ដល់ថ្ងៃទី២៩កក្កដា ២០១៤ នៅសាលប្រជុំ របស់អង្គភាពតំបន់ប្រតិបត្តិការសិករង ព្រះ វិហារ ក្រោមវត្តមានឯកឧត្តម ឧត្តមសេនីយ៏ឯក ជា ម៉ន មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ ឯកឧត្តម គោ ស៊ុមប៊ុនសឿត អភិបាលរងខេត្ត ក្រោមការចូលរួមពី សំណាក់លោកឧត្តមសេនីយ៏ត្រី សោម បុប្ផារ័ត្ន មេបញ្ជាការតំបន់ប្រតិបត្តិ ការសិករងព្រះវិហារ លោកឧត្តមសេនីយ៏ត្រីកង សៅគុណ មេបញ្ជាការ កងរាជអាវុធ ហត្ថខេត្ត ស្នងការនគរបាលខេត្ត ប្រតិភូអមដំណើរ ព្រមទាំងគ្រូបង្គោលជាច្រើនរូបទៀត ។
វគ្គបណ្តុះបណ្តាលរយះពេល៤៥ថ្ងៃ ត្រូវបានលោកឧត្តមសេនីយ៏ត្រី សោម បុប្ផារ័ត្ន បញ្ជាក់ថា អង្គភាពបានបញ្ចូលខ្លឹមសារសំខាន់ៗ ស្តីពី វគ្គហ្វឹកហ្វឺន ពង្រឹងសមត្ថភាពដល់ នាយទាហាន នាយទាហានរង និងពលទាហាន ក៏ដូចជាយោធា ចារ្យផងដែរ ។ លោក ឧត្តមសេនីយ៏ បានឡើងធ្វើរបាយការណ៏ជូនគណៈអធិបតីជុំវិញសភាពការវិវឌ្ឍន៏របស់អង្គភាពសិករងក៏ដូចជាអង្គភាពចំណុះខេត្តទាំងអស់ ។
លោកឧត្តមសេនីយ៏មេបញ្ជាការ បានបន្តទៀតថា វគ្គហ្វឹកហ្វឺននាថ្ងៃនេះ គឺដើម្បី ពង្រឹងបាននូវសមត្ថភាព ដល់យោធិនគ្រប់រូប ឲ្យចេះប្រើប្រាស់ កែច្នៃ អាវុធជាតិផ្ទុះ ឲ្យ ចេះប្រើប្រាស់ផែនទីភូមិសាស្ត្រ ត្រីវិស័យ យល់ដឹងអំពីការក្លែងភេទ កល់ល្បិច យុទ្ធវិធី ក្នុងការវាយកំទេចសត្រូវ ចូលឈ្លានពាន ។ ហើយខ្លឹមសារដែលត្រូវរៀនរួមមាន បច្ចេក ទេសអាវុធថ្មើជើង យុទ្ធវិធីថ្មើជើង អប់រំក្រៅប្រព័ន្ធ និងខ្លឹមសារសំខាន់ៗជាច្រើនមុខ ទៀត ។
អភិបាលរងខេត្តព្រះវិហារ ឯកឧត្តមគោ ស៊ុមប៊ុនសឿត បានថ្លែងថា តួនាទី របស់កងយោធពលខេមរៈភូមិន្ទ ជាតួនាទីមួយដ៏មានសារៈសំខាន់ ដែលមិនអាច ខ្វះបាន ក្នុងការបំពេញភារកិច្ច ជូនជាតិ មាតុភូមិ ជាពិសេស ថែរក្សាសន្តិភាព និងស្ថិរ ភាពនយោបាយ ក្នុងប្រទេស ក៏ដូចជា នៅតាមខ្សែបន្ទាត់ព្រំដែន ។ ឯកឧត្តម ក៏បានលើកទឹកចិត្តដល់ សិក្ខាកាមទាំងអស់ ឲ្យទទួលបានជោគជ័យ ក្នុងវគ្គហ្វឹកហ្វឺននេះ ទទួលបានចំណេះដឹង ខ្ពស់ពីវគ្គនេះ ដើម្បីយកទៅ បម្រើបុព្វហេតុជាតិ មាតុភូមិ និងប្រជាពលរដ្ឋ ។
មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ ឯកឧត្តម ឧត្តមសេនីយ៏ឯក ជា ម៉ន បានស្នើដល់សិក្ខាកាមទាំងអស់ ក្នុងការជួបជុំគ្នារយះពេល ៤៥ថ្ងៃនេះ ត្រូវក្តាប់ឲ្យជាប់ និងបង្កើនការយល់ដឹងអំពីសភាពការណ៏ថ្មីៗ ជាពិសេស ក្តាប់ឲ្យជាប់ នូវខ្លឹមសារមេរៀននៅក្នុងវគ្គនេះ ។
ឯកឧត្តម បានដាស់តឿនក្រើនរំលឹក ដល់ នាយទាហាន នាយទាហានរង ពលទាហាន និងយោធាចារ្យទាំងអស់ ត្រូវគោរពឲ្យបាន ខ្ជាប់ខ្ជួននូវន័យ សីលធម៌ បទបញ្ជាផ្ទៃក្នុងរបស់កងទ័ព រៀបចំឥរិយាបថឲ្យបានសមរម្យ ជាមួយគ្រូឧទ្ទេសនាម កុំចេញដើររហេតុរហូតនាំឲ្យបាត់សណ្តាប់ធ្នាប់ កុំជជែកគ្នា ធ្វើឲ្យខូចអារម្មណ៏អ្នកជិតខាង ត្រូវមានសាមគ្គីភាពគ្នាល្អ វិន័យសីលធម៌ល្អ ទើបមាន កិត្តិយស សេចក្តីថ្លៃថ្នូ និងទទួលបានជោគជ័យ ។
បន្ទាប់ពីបញ្ចប់វគ្គបណ្តុះ បណ្តាលនេះទៅ លោកមេបញ្ជាយោធភូមិភាគ មានសង្ឃឹមយ៉ាងមុតមាំថា សិក្ខាកាម ទាំងអស់នឹងឈរលើមូលដ្ឋានរឹងមាំ យកចំណេះដឹងទាំងនេះ ទៅបម្រើផលប្រយោជន៏ ជាតិ ការពារជាតិ ព្រះមហាក្សត្រ រដ្ឋធម្មុនុញ្ញ និងរាជរដ្ឋាភិបាល ដែលកើតចេញពី ការបោះឆ្នោត ៕ ដោយ យ៉ែម ណាល់ 
