នៅថ្ងៃទី២៤ ខែមិថុនា កម្លាំងទាហាន រុស្ស៊ីបានចាប់ផ្ដើមធ្វើសមយុទ្ធជាទ្រង់ ទ្រាយធំនៅភាគកណ្ដាលប្រទេសនេះក្នុង គោលដៅបង្កើនការប្រុងប្រយ័ត្ន និង ត្រៀមលក្ខណៈជានិច្ចរបស់កម្លាំងទាហាន រុស្ស៊ី ។ កម្លាំងទាហានរុស្ស៊ីស្ថិតនៅក្នុងស្ថាន ភាពអាសន្ន ត្រៀមលក្ខណៈធ្វើសង្គ្រាម ជានិច្ចតាមការបញ្ជារបស់ប្រធានាធិ បតីវ្ល៉ាឌីមៀរ ពូទីន ។ រដ្ឋមន្ដ្រីក្រសួងការពារជាតិរុស្ស៊ី លោក Sergei Shoigu បានប្រកាសថា ការធ្វើសមយុទ្ធកើតឡើងនៅតំបន់ភាគ កណ្ដាលដែលជាទីតាំងឈរជើងរបស់ កម្លាំងទាហានរុស្ស៊ី ។
សមយុទ្ធនោះមាន ការចូលរួមពីកងពលដែលឈរជើងនៅ តំបន់ Urals និងភាគខាងលិចសាយប៊ូរី។ រដ្ឋមន្ដ្រីក្រសួងការពារជាតិរុស្ស៊ីបាន បញ្ជាក់ទៀតថា ការធ្វើសមយុទ្ធដោយ ចៃដន្យនេះមានការចូលរួមពីកម្លាំង ទាហាន៦៥ពាន់នាក់ រួមជាមួយយន្ដ ហោះចម្បាំង ឧទ្ធម្ភាគចក្រ១៨០គ្រឿង ទៀតផង ។
សមយុទ្ធនេះអូសបន្លាយ រហូតដល់ថ្ងៃទី២៨ ខែមិថុនា ។ ចាប់តាំងពីប្រធានាធិបតីរុស្ស៊ីលោក វ្ល៉ាឌីមៀរ ពូទីន ឡើងកាន់តំណែង លោក បានបញ្ជាឱ្យកងទ័ពរុស្ស៊ីត្រៀមលក្ខណៈ ធ្វើសង្គ្រាមជានិច្ច មិនត្រូវធ្វេសប្រហែស មួយនាទីណានោះឡើយ ។ សមយុទ្ធជា ទ្រង់ទ្រាយធំក៏បានកើតឡើងជាបន្ដ បន្ទាប់ទាំងទ្រង់ទ្រាយតូច និងធំ ។
