ព្រះវិហារ): ជនសង្ស័យ២នាក់ ព្រមជាមួយវត្ថុតាងថ្នាំញៀនប្រភេទlCEចំនួន៤កញ្ចប់តូច ត្រូវបានកម្លាំងកងរាជអាវុធហត្ថស្រុកជាំក្សាន្ត ធ្វេីការឃាត់ខ្លួន កាលពីវេលាម៉ោង១៤.០០នាទី ថ្ងៃទី២៣ ខែសីហា ឆ្នាំ២០១៨ នៅចំណុចភូមិគោកស្រឡៅ ឋិតក្នុងឃុំជាំក្សាន្ត ស្រុកជាំក្សាន្ត ខេត្តព្រះវិហារ ដើម្បីកសាងសំុនុំរឿង បញ្ជូនបន្តទៅកងរាជអាវុធហត្ថ ខេត្តព្រះវិហារ ពីបទប្រើប្រាស់ ចែកចាយ និងរក្សាទុក្ខនូវសារធាតុញៀន។
លោក អនុសេនីយ៍ឯក ជុន បូរ៉ា មេបញ្ជាការរង កងរាជ
អាវុធហត្ថស្រុក ទទួលបន្ទុកការងារព្រហ្មទណ្ឌ បានអោយដឹងតាមទូរស័ព្ទថា ដោយមានការចង្អុលបង្ហាញពីឯកឧត្តម ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តផងនោះ កម្លាំងកងអាវុធហត្ថស្រុកចំនួនចំនួន០៦នាក់ រថយន្ត០៣គ្រឿង សហការជាមួយកំលាំងអធិការស្រុកជាំក្សាន្តចំនួន០៧នាក់ ម៉ូតូចំនួន០៧គ្រឿង ដឹកនាំបញ្ជាផ្ទាល់ដោយលោកវរៈសេនីយ៍ត្រី ពេជ្រ សុភី មេបញ្ជាការ កងរាជអាវុធហត្ថស្រុកជាំក្សាន្ត ចុះបង្រ្កាបករណីរប្រើប្រាស់ ចែកចាយ និងរក្សាទុក្ខនូវសារធាតុញៀនស្ថិតក្នុងភូមិសាស្ត្រខាងលើ។
លោក អនុសេនីយ៍ឯក ជុន បូរ៉ា បានអោយដឹងផងដែរថា ជនសង្ស័យ ដែលកម្លាំងឃាត់ខ្លួនទី១មានឈ្មោះ សេង ធាន់ ភេទប្រុស អាយុ៥០ឆ្នាំ មុខរបរមិនពិតប្រាកដ រស់នៅភូមិវាលធំ ឃុំជាំក្សាន្ត ស្រុកជាំក្សាន្ត ខេត្តព្រះវិហារ
និងទី២.ឈ្មោះ ឆេង វ័ន្ត ភេទប្រុស អាយុ៣០ឆ្នាំ មុខរបរមិនពិតប្រាកដ រស់នៅភូមិឈូក ឃុំឈូក ស្រុកប្រាសាទសំបូរ ខេត្តកំពង់ធំ។
លោកថាក្រោយពីធ្វើការឃាត់ខ្លួនកម្លាំងបានដកហូតថ្នាំញៀនប្រភេទlCEចំនួន០៤កញ្ចប់តូច ស្មើនិង០,៦៦ក្រាម លុយខ្មែរចំនួន ៣១៥០០៛ ជញ្ជីងថ្លឹងគ្រឿងញៀនចំនួន០១ ប័ណ្ណបើកបរចំនួន០១ កាតគ្រីម៉ូតូចំនួន០១ អត្តសញ្ញាណប័ណ្ណសញ្ជាតិខ្មែរចំនួន០១ កាបូបដាក់លុយ០១ ទូរស័ព្ទដៃចំនួន០២ ម៉ូតូចំនួន០១គ្រឿង ម៉ាកC125 ពណ៏ខ្មៅ សេរី០១៨ ពាក់ស្លាកលេខភ្នំពេញ1HE 45.42។
សូមបញ្ជាក់ថា បច្ចប្បន្នជនសង្ស័យ រួមជាមួយ និងវត្ថុតាង ត្រូវបានកម្លាំងជំនាញកងរាជអាវុធហត្ថស្រុកជាំក្សាន្ត កំពុងឃុំខ្លួន បណ្ដោះអាសន្ន ដើម្បីកសាងសុំណុំរឿង បញ្ជូនបន្តទៅកងរាជអាវុធហត្ថខេត្តព្រះវិហារ ចាត់ការបន្ត ទៅតាមនិត្តិវិធីច្បាប់ នាព្រឹកថ្ងៃទី២៤ ខែសីហា ឆ្នាំ២០១៨ស្អែកនេះផងដែរ៕សួនលីណា
