សៀមរាប : កម្មសិក្សាការីចំនួន១៦០នាក់ ដែលជាមន្ត្រីនគរបាលជាតិ នៃស្នងការដ្ឋាននគរបាលខេត្តចំនួន៤ ខេត្តក្នុងនោះមានខេត្តសៀមរាប ៥៥នាក់ ខេត្តកំពង់ធំ ៣៥នាក់ ខេត្តឧត្ថរមានជ័យ ៣៥នាក់ ខេត្តព្រះវិហារ ៣៥ បានចូល រៀនក្នុងវគ្គបំប៉នជំនាញសណ្នាប់ធ្នាប់ និងសុវត្ថិភាពចរាចរណ៍ រយៈពេល៣ខែ ចាប់ពីខែមិនា ដល់ខែមិថុនា ឆ្នាំ២០១៤ នៅសាលានគរបាលជាតិភូមិភាគ៤ ខេត្តសៀមរាប។
ឯ.ឧ ឧត្តមសេនីយឯក សុខ ច័ន្ទរិទ្ធី ប្រធានក្រុមប្រឹក្សាអភិវឌ្ឍន៍គ្រូនគរបាលជាតិ បានអញ្ផើញជាអធិបតីក្នុងពិធីបិទវគ្គបំប៉នជំនាញសណ្នាប់ធ្នាប់ និងសុវត្ថិភាពចរាចរណ៍ និង ឯ.ឧ នូ ផល្លា ប្រធានក្រុមប្រឹក្សាខេត្តសៀមរាប ដោយពិធីនេះប្រព្រឹត្តទៅកាលពីព្រឹកថ្ងៃទី ២៥ ខែមិថុនា ឆ្នាំ២០១៤ ក្នុងនោះក៏មានវត្តមានរបស់ប្រតិភូអមដំណើរគណះអធិបតី ព្រមទាំងថ្នាក់ដឹកនាំមួយចំនួនទៀតផងដែរ។
លោកវរសេនីយឯក ហុង ណារ៉ុង នាយកសាលានគរបាលជាតិភូមិភាគ៤ខេត្តសៀមរាប បានឡើងមានមតិស្វាគមន៍និងអានរបាយការណ៍ស្តីអំពីលទ្ធផលនៃវគ្គសិក្សារបស់សិក្ខាកាម ដោយលោកបានបញ្ជាក់ថា សម្រាប់កម្មសិក្សាការីទាំងអស់បានសិក្សាបង្ហាត់បង្រៀន ជាមួយគ្រូ នគរបាលជាតិ មកពី បណ្ឌិតសភានគរបាលជាតិកម្ពុជា និងគ្រូក្នុងសាលានគរបាលជាតិភូមិភាគ៤ខេត្តសៀមរាប លើមុខវិជ្ជាជាច្រើនព្រមទាំង
បានធ្វើសំណួរផ្ទាល់មាត់ និងធ្វើការប្រឡងនៅពេលបញ្ចប់វគ្គដោយទទួលបាលនូវលទ្ធផល.និទេ្ទសល្អ ចំនួន ៦៨ នាក់ ស្មើរនិង ៤៣,៥៩ភាគរយ .និទេ្ទសល្អបង្គួរ ចំនួន ៣៨នាក់ ស្មើរនិង ២៤,៣៦ភាគរយ .និទេ្ទសមធ្យម ចំនួន ៥០នាក់ ស្មើរនិង ៣២,០៥ ភាគរយផងដែរ។ឯ.ឧ ឧត្តមសេនីយឯក សុខ ច័ន្ទរិទ្ធី ប្រធានក្រុមប្រឹក្សាអភិវឌ្ឍន៍គ្រូនគរបាលជាតិ បានមានប្រសាសន៍សំណេះសំណាលនិងធ្វើការផ្តាំផ្ញើរដោយឯ.ឩបានធ្វើការវាយតំលៃខ្ពស់ចំពោះសិក្ខាកាមទាំងអស់ដែលបានខិតខំយកចិត្តទុកដាក់រៀនសូត្រឲ្យទទួលបាននូវលិទ្ធផលគួរជាទីមោទនៈ ដែលប្រកបទៅតាមទិសដៅដែលថ្នាក់លើចង់បាន។
ឯ.ឧ ឧត្តមសេនីយឯក សុខ ច័ន្ទរិទ្ធី បានបន្តប្រសាសន៍ទៀតថា បច្ចុប្បន្នសភាការណ៍សន្តិសុខនៅកម្ពុជា មានការវិវត្តល្អប្រសើរដោយយើងខិតខំរក្សាបាននូវសន្តិសុខជាតិយ៉ាងរឹងមាំ ទប់ស្កាត់និងមិនឲ្យកើតមាននូវអំពើភេរវកម្ម និងការពារបានសុវត្ថិភាពគ្រប់គោលដៅ ទាំងការទូត សេដ្ឋកិច្ច សង្គមកិច្ច វប្បធម៌ និងការពារប្រកបដោយសុវត្ថិភាពឥស្សរៈជនជាន់ខ្ពស់ជាតិ និងអន្តរជាតិ។ ឯ.ឧ ឧត្តមសេនីយឯក សុខ ច័ន្ទរិទ្ធី ប្រធានក្រុមប្រឹក្សាអភិវឌ្ឍន៍គ្រូនគរបាលជាតិ បានបញ្ផាក់ថា កម្មសិក្សាការីទាំងអស់ ត្រូវបង្កើនឲ្យបានល្អនូវសមត្ថភាពជាចម្បង ដើម្បី
ជោគជ័យក្នុងជីវិតការងាររបស់យើង គឺសមត្ថភាពប្រាជ្ញា សមត្ថភាពកាយសម្បទាន និងសមត្ថភាព អត្តចរិត (វិន័យ និងសីលធម៌) ពិសេសគឺត្រូវបំពេញនូវតួនាទីភារះកិច្ចស្នូលរបស់ខ្លួនដោយត្រូវអនុវត្តឲ្យខានតែបាននូវបទបញ្ជាដែលថ្នាក់លើប្រគល់ជូន ៕លោក ខេង ខេមរា 
