ខេត្ត កំពត ;កាលពីព្រឹកថ្ងៃទី៤ ខែ កញ្ញា ឆ្នាំ២០១៨ ឯកឩត្តម អភិបាល ខេត្ត កំពត បានចុះពិនិត្យ មើលស្ថានភាពផ្លូវ ពាក់ព័ន្ធ មួយចំនួន ដើម្បី សម្រប សម្រួល ឈាន ទៅ ពង្រីក អោយងាយស្រួល បងប្អូនធ្វើដំណើរ ហើយ ផ្លូវមួយ ខ្សែនេះ ស្ថិតក្នុងភូមិ កំពង់បាយ ខាង ជើង សង្កាត់ កំពង់បាយ ក្រុង កំពត ដែល ជាប់គាំង អស់រយៈពេល យូរឆ្នាំ មក ហើយ។
ឯកឩត្តម អភិបាល ខេត្ត បានមាន ប្រសាសន៍ ថា ដើម្បីដោះស្រាយ រាល់គ្រប់បញ្ហា ទាំង ឡាយ អ្នកសម្រប សម្រួល ត្រូវតាមដាន ឱ្យដល់ឫសគល់។
ឯកឩត្តម បានបន្តទៀតថា ពេលចុះមក ពិនិត្យមើល ទើប ទទួល លទ្ធផល បាន ពោរពេញ ដោយតម្លាភាព យុត្តិធម៌ សម្រាប់ ភាគីទាំង សងខាង បើត្រឹមតែស្តាប់ តាមរបាយការណ៍ ឬជឿលើ ការលើក ដៃចង្អុល និងប្រើពាក្យ ប្រសិនបើនោះ ផលវិជ្ជមាន មិនអាចកើត ឡើងបានទេ។
សម្រាប់ពលរដ្ឋ ពីរគ្រួសារ ដែលពាក់ព័ន្ធ ក្នុងរឿង ទំនាស់ ចំពោះការ ស្ថាបនា ពង្រីក កំណាត់ផ្លូវ មួយខ្សែនេះ ឯកឩត្តម អភិបាល ខេត្ត បានពន្យល់ថា ទីនេះជាបណ្តុំ នៃលំនៅស្ថាន ប្រកបដោយភាព ស៊ីវិល័យ ។
ដូច្នេះចាំបាច់ត្រូវតែមានអនាម័យ បរិស្ថាន មានផ្លូវល្អ មានភ្លើងបំភ្លឺ សម្រាប់បងប្អូន និង អ្នកដំណើរទូទៅ។
ជាធម្មតា ការអភិវឌ្ជៀន៍ ជៀសមិនផុត នូវផល ប៉ះពាល់ឡើយ តែបងប្អូន ត្រូវគិតថា នៅពេល មានផ្លូវល្អហើយ ទីនេះលោក នឹងតម្រូវ ឱ្យធ្វើជា ប្រភេទផ្លូវ បេតុង ជូន បងប្អូន ពិត ជាមានភាព ចំណេញ ជាងការទុកផ្លូវ នៅតូចចង្អៀត ពិសេស ចង់ប្រកបរបរ ផ្សេងៗកាន់តែងាយ ស្រួលថែមទៀត។
អភិបាល ខេត្ត បានបន្តទៀតថា កន្លងមក បងប្អូន ទាំងពីរ គ្រួសារ បានយល់ព្រម បរិច្ចាគដី ក្នុងការ ពង្រីកផ្លូវ រួចរាល់ហើយ តែហាក់ នៅរាំងស្ទះ សម្រាប់ ដំណើរ សាងសង់ និងពង្រីកផ្លូវ តាមការយល់ព្រម។
ទើប ថ្ងៃនេះ រូប លោក ដឹកនាំ មន្ត្រីពាក់ព័ន្ធ ចុះមកពិនិត្យមើល ហើយឱ្យជំនាញ វាស់វែង ជាក់ស្តែង ដើម្បី ឈានទៅ សម្រប សម្រួល បើបញ្ហា កើតឡើង ចាំបាច់ត្រូវ តែ ដោះ ស្រាយ។
លោក ស សារ៉ាវីន តំណាង ភាគីទាំងពីរ គ្រួសារបាន រៀបរាប់ ថាកន្លងមក ក្រុមការងារ ដែលចុះ មកវាស់វែង បានធ្វើផ្ទុយ ពីការយល់ព្រម ជាមួយលោក អភិបាល ខេត្ត ដោយម្តង ចង្អុលត្រង់នេះ ម្តងត្រង់នោះ ទើបពួកគាត់ មិនអាចទទួលយកបាន។
