កំពង់ធំ៖ ខ្នងផ្ទះលើកទី១០៣ គឺជាអំណោយដ៏ថ្លៃថ្លារបស់សម្ដេចតេជោ ហ៊ុន សែន ប្រធានសមាគមអតីតយុទ្ធជនកម្ពុជា ត្រូវបានប្រគល់ជូន ក្រុមគ្រួសារអតីតយុទ្ធជនពិការលោកពលបាលឯក អ៊ុ សាខន អាយុ៤៨ ឆ្នាំ តាមរយះឯកឧត្តម ទេសរដ្ឋមន្រ្តីគន់ គីម អគ្គលេខាធិការសមាគមអតីតយុទ្ធជនកម្ពុជា នៅរសៀលថ្ងៃទី២៧ ខែវិច្ឆិកា ឆ្នាំ២០១៨។
ពិធីប្រគល់ផ្ទះលើកទី១០៣ដែលជាអំណោយរបស់តេជោហ៊ុន សែន ត្រូវបានប្រគល់ដោយ ឯកឧត្តម ឧត្តមសេនីយ៍ទោ សោម ស៊ុន ប្រធានសមាគមអតីតយុទ្ធជនកម្ពុជាខេត្តកំពង់ធំ តំណាង ឯកឧត្តម ទេសរដ្ឋមន្រ្តីគន់ គីម រួមទាំងសហការី ជូនអតីតយុទ្ធជនពិការ រស់នៅភូមិសំរោង ឃុំបារាយណ៍ ស្រុកបារាយណ៍ ខេត្តកំពង់ធំ ដែលទើបសាងសង់មានទំហំ ៤មx៦ម សាងសង់ពីឈើជញ្ជាំងនិងរនាបក្តារ ដំបូលប្រក់ស័ង្កសី សាងសង់ខ្ពង់ខ្ពស់ផុតពីដី ដែលបានចំណាយថវិកាក្នុងការសាងសង់អស់ទឹកប្រាក់ ៦,៩៩៨,០០០ រៀល ។
ក្នុងពិធីសំណេះសំណាលនិងប្រគល់ផ្ទះថ្មីនេះ ក្រុមការងារសមាគមអតីតយុទ្ធជនកម្ពុជា ខេត្តកំពង់ធំបានពាំនាំនូវអំណោយរបស់សម្ដេចអគ្គមហាសេនាបតីតេជោហ៊ុន សែន ប្រធានសមាគមអតីតយុទ្ធជនកម្ពុជា តាមរយៈ ឯកឧត្តម ឧត្តមសេនីយ៍ឯក បណ្ឌិត ហ៊ុន ម៉ាណែត អគ្គលេខាធិការរង សមាគមអតីតយុទ្ធជន ជូនគ្រួសារអតីតយុទ្ធជនពិការនេះបន្ថែមទៀតមាន អង្ករចំនួន៥០ គីឡូក្រាម , មីយើងចំនួន ០២ កេស , ទឹកត្រីទឹកស៊ីអ៊ីវចំនួន ០២យួរ និងថវិកាចំនួន ៤០០,០០០ រៀល ។
ឯកឧត្តម ឧត្តមសេនីយ៍ទោ សោម ស៊ុន មេបញ្ជាការរង យោធភូមិភាគទី៤ មេបញ្ជាការ តំបន់ប្រតិបត្តិការសឹករងកំពង់ធំ បានមានប្រសាសន៍ថា លោកពលបាលឯក អ៊ុ សាខន អាយុ៤៨ ឆ្នាំ ចូលរួមបម្រើក្នុងជួរកងទ័ពឆ្នាំ១៩៨៦ នៅអង្គភាពយោធាស្រុកបារាយណ៍ ខេត្តកំពង់ធំ ហើយបានត្រូវរបួស ធ្លាក់ខ្លួនពិការ នៅឆ្នាំ១៩៩២ បច្ចុប្បន្នមានភរិយាឈ្មោះ អោក ចាន់ធឿន អាយុ៤៦ ឆ្នាំ មានកូននៅក្នុងបន្ទុកចំនួន ០៥ នាក់ ក្រៅពីប្រាក់បៀវត្សប្រចាំប្រចាំខែដែលរាជរដ្ឋាភិបាល មិនតែប៉ុណ្ណោះលោក អ៊ុ សាខន បានប្រកបមុខរបរបន្ថែមជាជាងសំណង់ផ្សេងៗ និងនេសាទត្រី ដើម្បីបានប្រាក់កម្រៃប្រចាំថ្ងៃចិញ្ចឹមគ្រួសារ ។
អាជ្ញាធរដែនដី ប្រជាពលរដ្ឋ និងគ្រួសារ អតីតយុទ្ធជន មានចិត្តរំភើបរីករាយយ៉ាងក្រៃលែងដោយបានទទួលផ្ទះថ្មី ពីសម្តេចតេជោ និងសម្តេចកិត្តិព្រឹទ្ធបណ្ឌិត ដែលមួយជីវិត លោក អ៊ុ សាខន មិនដែលនឹកស្មានថា និង បានទទួលផ្ទះថ្មី ដែលធ្វើឲ្យមានលំនៅដ្ឋាសមរម្យនិងគេនោះឡើយ ទើបតែពេលនេះ លោកបានទទួលផ្ទះថ្មី ពិតប្រកដ ដែលមិនមែនជាការស្រម័យ ឬសុបិន្តនោះឡើយ គ្រួសាររបស់អតីតយុទ្ធជន បានគោរពថ្លែង អំណរគុណសម្តេចតេជោ ហ៊ុន សែន និងប្រធានសមាគមខេត្តកំពង់ធំ រួមទាំងអាជ្ញាធរដែលបានសហការជួយឲ្យមាន ថ្ងៃនេះ និងសូមប្តេជ្ញាស្មោះត្រង់និងគាំទ្រសម្តេចជានាយករដ្ឋមន្រ្តីគ្រប់អណត្តិបន្តទៀត។
ដោយ ប៊ុន រដ្ឋា
