ឧត្តរមានជ័យ ស្ត្រី៣នាក់ ម្នាក់ជាជនរងគ្រោះ និង២នាក់ទៀត ជាសាក្សី បានឃើញហេតុការជនសង្ស័យធ្វើសកម្មភាពចាប់រំលោភលើជនរងគ្រោះតែមិនបានសំម្រេច ហើយបានមកដាក់ពាក្យ បណ្តឹងនៅអធិការនគរបាលស្រុកអន្លង់វែង នៅ
ព្រឹកថ្ងៃទី២៧ ខែមិថុនា ឆ្នាំ២០១៤។ តាមការរៀបរាប់ពីស្ត្រីរងគ្រោះឈ្មោះ អើត ហ៊ឹម អាយុ២៤ឆ្នាំ រស់នៅភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ បានឱ្យដឹងថា នៅថ្ងៃកើតហេតុ កាលទី២៥ ខែមិថុនា ឆ្នាំ២០១៤ ស្ត្រីរងគ្រោះបានទៅស៊ីឈ្នួលចាំចំការដំឡូងឱ្យគេ នៅចំណុចជប់ត្រកួន ក្នុងភូមិអូរតាម៉េង ឃុំអន្លង់វែង និងមានអ្នកភូមិ ជាច្រើននាក់ ទៅស៊ីឈ្នួលជំរះស្មៅដំឡូង នៅចំការក្បែរគ្នាដែរ ហើយក៏នៅជិតកន្លែងស្នាក់នៅរបស់ជនសង្ស័យឈ្មោះ ភាព ដែលទៅរស់នៅជាកម្មករចំការកៅស៊ូឱ្យគេដែរ។
ស្ត្រីរងគ្រោះបន្តថា នៅថ្ងៃដដែលវេលាម៉ោង ១០ព្រឹក ដែលគាត់ទើបនឹងហូបបាយរួច ក៏សំរាកអង្គុយនៅក្នុងខ្ទមចាំចំការដំឡូង ហើយស្រាប់តែមានបុរសឈ្មោះ ភាព បានដើរមកសំដៅខ្ទមដែលខ្លួនកំពុងអង្គុយ ហើយបុរសឈ្មោះ ភាព បានឡើងមកអង្គុយនៅលើខ្ទមជាមួយខ្លួន និងបានសួរស្ត្រីរងគ្រោះពីនេះពីនោះ តែគាត់មិនចាប់អារម្មណ៍ ដែលបុរសឈ្មោះ ភាព នឹងមានបំណងអាក្រក់ទៅលើខ្លួនដែរ ព្រោះជាអ្នកធ្លាប់ស្គាល់គ្នា។
ស្ត្រីរងគ្រោះបន្ថែមថា នៅពេលដែលគាត់បានងាកមុខ ទៅមើលចំការដំឡូងមិនបានចាប់អារម្មណ៍ ក៏ស្រាប់តែបុរសឈ្មោះ ភាព បានស្ទុះមកអោបពីក្រោយ នឹងយកដៃធ្វើសកម្មភាព ដោះសំលៀកបំពាក់របស់ស្ត្រីរងគ្រោះ តែពេលនោះស្ត្រីរងគ្រោះបានស្រែកឱ្យគេជួយ ហើយប្រជាពលរដ្ឋនៅក្បែរកន្លែងកើតហេតុបានលឺសំលេងស្រែកឱ្យជួយ ក៏នាំគ្នារត់មកមើលក៏ឃើញបុរសឈ្មោះ ភាព ធ្វើសកម្មភាពបំរុងសេបសន្ទវៈ តែមានមនុស្សទៅទាន់ ជនសង្ស័យ ក៏បានលោតចុះពីខ្ទម ហើយបានរត់គេចខ្លួនបាត់ស្រមោលតែម្តង។
តាមការរៀបរាប់ពីស្ត្រី២នាក់ជាសាក្សីបានទៅឃើញហេតុការណ៍បានឱ្យដឹងថា ពួកគាត់កំពុងសម្រាក់នៅរោងចំការកំពុងតែបាយថ្ងៃត្រង់ ហើយបានលឺសំលេងមនុស្សស្រីស្រែឱ្យគេជួយ ពួកគាត់បាននាំគ្នារត់ទៅមើល ក៏ឃើញឈ្មោះ ភាព បានសំរាតដោះខោអាវរបស់ស្ត្រីរងគ្រោះគ្មានសល់ពីខ្លួន ហើយពួកគាត់បានស្រែ ពេលនោះឈ្មោះ ភាព ក៏បានចុះរត់គេចខ្លួនបាត់ បន្ទាប់មកពួកគាត់បាននាំគ្នាទៅប្រាប់ម្ចាស់ចំការកៅស៊ូ អំពីរឿងកម្មករឈ្មោះ ភាព បានធ្វើសកម្មភាព តែម្ចាស់ចំការកៅស៊ូបានប្រាប់ថា ឱ្យសម្រួលគ្នាទៅមិនចាំបាច់ប្តឹងសមត្ថកិច្ចទេ សុទ្ធតែអ្នកធ្លាប់ស្គាល់គ្នា ដោយរំលងបាន២ថ្ងៃ
មកហើយ មិនឃើញម្ចាស់ចំការកៅស៊ូហៅទៅសម្របសម្រួលគ្នា រវាងស្ត្រីរងគ្រោះ និងជនសង្ស័យនោះទេ រីឯជនសង្ស័យក៏បានគេចខ្លួនបាត់ មិនឃើញទៅធ្វើជាកម្មករចំការកៅស៊ូ ប្រជាពលរដ្ឋដែលបានដឹងរឿង ក៏បានឱ្យស្ត្រីរងគ្រោះទៅដាក់ពាក្យបណ្តឹងទៅសមត្ថកិច្ចតែម្តងទៅ។
បន្ទាប់ពីទទួលបានពាក្យបណ្តឹងរបស់ស្ត្រីរងគ្រោះភ្លាមៗ កម្លាំងអធិការដ្ឋាននគរបាលស្រុកអន្លង់វែង បានធ្វើប្រតិបត្តិការចុះដល់កន្លែងកើតហេតុ និងធ្វើការស្រាវជ្រាវអំពីប្រវត្តិរូបទីលំនៅរបស់ជនសង្ស័យ ដើម្បីនាំខ្លួនមកផ្ទន្ទាទោសទៅតាមច្បាប់។
