អាហ្វហ្គានីស្ថានៈ ឡាសខាហ្គា៖ យ៉ាងហោចណាស់មានក្រុមសកម្មប្រយុទ្ធតាលីបង់ចំនួន ៧០នាក់ និងប៉ូលិសចំនួន១៥នាក់ បានស្លាប់ នៅក្នុងការប៉ះទង្គិច
គ្នា រវាងកងកម្លាំងរក្សាសន្តិសុខ និងក្រុមសកម្មប្រយុទ្ធនៅខេត្ត ហ៊ែលមែនដ៍ ភាគខាងត្បូងប្រទេសអាហ្វហ្គានីស្ថាន។ នេះបើតាមវេបសាយបរទេសចិន ឆាយណាដេលី បានចេញផ្សាយនៅថ្ងៃព្រហស្បតិ៍ ទី២៦ ខែមិថុនា ឆ្នាំ២០១៤ នេះ។
លោក Sayyed Murad Sadat អភិបាលស្រុក Naw Zad district ខេត្តហ៊ែលមែនដ៍ បានប្រាប់សារព័ត៌មាន នៅ ថ្ងៃព្រហស្បតិ៍ ថា៖ “យ៉ាងហោចណាស់មានក្រុមសកម្មប្រយុទ្ធសរុប ៧០នាក់ រួមទាំងមន្ត្រីប៉ូលិស ១៥នាក់បានស្លាប់ចាប់តាំងពីប្រយុទ្ធគ្នា កាលពីព្រឹកថ្ងៃពុធមកម្ល៉េះ។ ចាប់តាំងពីថ្ងៃសៅរ៍ សប្តាហ៍មុននេះមក ក្រុមសកម្មប្រយុទ្ធតាលីបង់ ១ពាន់នាក់ បានបើកការវាយប្រហារទ្រង់ទ្រាយធំ ដើម្បីកាន់កាប់ស្រុក Sangin district ហើយបន្ទាប់មកទៀត ពួកគេ ក៏បានវាយប្រហារមក លើតំបន់ក្បែរខាងដូចជា ស្រុក Kajaki, Nad Ali, Marja and Naw Zad districts. ។
” គួរបញ្ជាក់ថា ប្រទេសអាហ្វហ្គានីស្ថាន ជាប្រទេសមួយតែងតែមានការធ្វើទុក្ខបុកម្នេញពីពួក សកម្មប្រយុទ្ធតាលីបង់ បន្ទាប់ពីប្រទេសអ៊ីរ៉ាក់ដែលបាននិងកំពុងតែកើតមានការបង្ហូរឈាម ស្ទើររាល់ថ្ងៃ បង្កការស្លាប់ និងរបួសមនុស្សជាច្រើននាក់ជារៀងរាល់ថ្ងៃ។ ពេលដែលកម្សួល នាំការប្រយុទ្ធនៅអ៊ីរ៉ាក់ផ្ទុះឡើងយ៉ាងខ្លាំងក្លាជាងមួយសប្តាហ៍មកនេះ ដែលស្ទើរតែពុះច្រៀក អ៊ីរ៉ាក់ចាចម្រៀកៗនោះ នៅអាហ្វហ្គានីស្ថានក៏បានកើតមានការប្រយុទ្ធយ៉ាងឃោរឃៅរវាង ក្រុមសកម្មប្រយុទ្ធ និងកងកម្លាំងសន្តិសុខផងដែរ។
ជាក់ស្តែង ការប្រយុទ្ធគ្នាកាលពីថ្ងៃពុធ បង្កឲ្យមានអ្នកស្លាប់រហូតដល់៧០នាក់ជាពួកតាលីបង់ និង១៥នាក់ជាក្រុមប៉ូលិស ខណៈមន្ត្រីរដ្ឋាភិបាលថា ពួកតាលីបង់១០០នាក់បានស្លាប់។ តាមលោក សាដាដ ក្នុងចំណោមអ្នកស្លាប់ទាំងអស់ ក៏មានមេដឹកនាំតំបន់ របស់ក្រុមតាលីបង់ផងដែរ ដូចជាលោក មូលឡាហ៍ គូដ្រាទូឡាហ៍, មូលឡាហ៍ ណាស៊ីម, និង មេដឹកនាំមួយចំនួនទៀត (Taliban local leaders Mullah Qudratullah, Mullah Nasim, Mullah Abdul Hakim and Mullah Toor were among the dead," Sadat noted) ៕ 
