មនុស្សប្រមាណ ១១ពាន់នាក់ បានជម្លៀសខ្លួន ចេញពីប្រទេស អ៊ុយក្រែនទៅកាន់រុស្ស៊ី ខណៈដែលមនុស្សចំនួន ៥៤ពាន់នាក់ផ្សេងទៀត បានភៀសខ្លួនទៅកាន់តំបន់ផ្សេងទៀត នៅក្នុង ប្រទេសអ៊ុយក្រែន បន្ទាប់ពីមានជម្លោះកើតឡើង ។ នេះបើ
យោងតាមការលើកឡើងរបស់អង្គការ សហ ប្រជាជាតិហៅកាត់ថា UN នាថ្ងៃសុក្រនេះ ។ ចាប់តាំងពីជម្លោះ កើតមានឡើង នាឆ្នាំ២០១៤ នេះ ប្រជាជនអ៊ុយក្រែនប្រមាណ ១១ពាន់នាក់ បាន ភៀសខ្លួន ទៅកាន់ប្រទេស រុស្ស៊ី ។ នេះបើយោងតាម ការលើកឡើងរបស់លោកស្រី Melissa Fleming អ្នកនាំពាក្យរបស់ភ្នាក់ងារ ជនភៀសខ្លួន ប្រចាំអង្គការសហប្រជាជាតិ ។ លោកស្រីបាន បន្ថែមថា ជនភៀសខ្លួនភាគច្រើន មកពីតំបន់ភាគខាងកើត ប្រទេស អ៊ុយក្រែន ។
អ្នកនាំពាក្យរូបនេះបានបន្តថា ក្នុងចំណោមជនភៀសខ្លួនទាំងអស់ មានមនុស្សត្រឹមតែ៩៥០០នាក់ប៉ុណ្ណោះ ដែលស្នើសុំសិទ្ធជ្រកកោន ។ ដោយឡែកអ្នកដទៃផ្សេងទៀត ភាគច្រើនគេស្វែងរកត្រឹមសិទ្ធស្នាក់នៅបណ្តោះអាសន្ន ស្របច្បាប់មួយប៉ុណ្ណោះ ព្រោះពួកគេបារម្ភខ្លាចជាប់ពាក់ព័ន្ធជាមួយភាពស្មុគ ស្មាញផ្សេងៗ ហើយអាចនឹងមានបញ្ហាកើតឡើង ក្នុងករណីពួកគេចង់វិលត្រឡប់ទៅកាន់ប្រទេស អ៊ុយ ក្រែនវិញ ។
សូមជម្រាបថា ក្នុងចំណោមអ្នកភៀសខ្លួនទាំងនោះ ភាគច្រើនប្រមូលផ្តុំ នៅក្នុងទីក្រុងRostov-on- Don និង Bryansk ភាគខាងលិចប្រទេសរុស្ស៊ី ជាប់បន្ទាត់ព្រំដែនប្រទេសអ៊ុយក្រែន ។ នេះជាការ លើកឡើង របស់លោកស្រី Fleming ដោយមិនបានបញ្ជាក់ច្បាស់ថា តើជនភៀសខ្លួនទាំងនោះ មានសញ្ជាតិដើម ជាជនជាតិ រុស្ស៊ី ឬអ៊ុយក្រែននោះទេ ៕
