ពោធិ៍សាត់ ៖ កាលពី ថ្ងៃទី ២៨ ខែ ធ្នូ ឆ្នាំ ២០១៨ រថយន្តម៉ាកតូយូតាកាមរីពណ៌ស សេរីឆ្នាំ១៩៩១ ឆ្លងចរន្តភ្លើងឆេះម៉ដ្ឋ ខណៈដែលម្ចាស់រថយន្ត កំពុងបើកបរលើផ្លូវក្រាលគ្រួសក្រហមមួយខ្សែ ស្ថិតនៅចំនុចចំការត្រសក់ ក្នុងភូមិសំរិងយា ឃុំព្រងិល ស្រុកភ្នំក្រវាញ ខេត្តពោធិ៍សាត់ ។
រថយន្តដែលរងការឆាបឆេះ ទាំងស្រុងនោះ ជារថយន្តរបស់ មន្ត្រីកងរាជអាវុធហត្ថម្នាក់ឈ្មោះទី ណា ភេទប្រុសអាយុ ៣៦ ឆ្នាំរស់នៅក្នុងស្រុកភ្នំក្រវាញ ខេត្តពោធិ៍សាត់ ។
ករណីរថយន្តរបស់ មន្ត្រីកងរាជអាវុធត្រូវអគ្គិភ័យឆាបឆេះ ខណៈម្ចាស់រថយន្ត កំពុងតែបើកបរនោះគឺ បណ្តាលមកពីឆ្លង ចរន្តអគ្គិសនីនៅក្នុងរថយន្ត ទើបបង្កឲ្យមានការឆាបឆេះតែម្តង ។ សមត្ថកិច្ចបញ្ជាក់ថា មិនមានរងរបួសមនុស្សទេ៕
