សៀមរាប : ហេតុការណ៍ភ្ញាក់ផ្អើលដ៏រន្ធត់នេះបានកើតឡើងកាលពីវេលាម៉ោង៤ទៀបភ្លឺថ្ងៃទី៣០ខែមិថុនាឆ្នាំ២០១៤ នេះនៅត្រង់ចំណុចតាមបណ្តោយផ្លូវជាតិលេខ៦ខាងកើតផ្សារសាមគ្គីប្រមាណជា១៥០ម៉ែតក្នុងក្រុងសៀមរាប ។ យោងតាមប្រភពព័ត៍មានពីប្រជាពលរដ្ឋ ក៏ដូចជា សមត្ថកិច្ច នៅនិងកន្លែងកើតហេតុបានឲ្យដឹងថា នៅក្នុងអំឡុងម៉ោងកើតហេតុ
ខាងលើពួកគាត់បានឃើញអ្នកបើករថយន្តដឹកទំនិញធុន៥តោននេះបើកពីទិសខាងកើតមកលិចនៅត្រង់ចំណុចកើតហេតុខាងលើបានឈប់ឡានរបស់គេដោយមានគ្នាពីរនាក់ម្នាក់ជាតៃកុងឡានម្នាក់ទៀតជាព្រួឡានដើម្បីឈប់សម្រាកពិសារបង្អែមលុះពេលដែលពួកគេពិសារបង្អែមរួចទាំងតៃកុងឡាននិងព្រួឡានទាំងពីរនាក់ក៏បានឡើងទៅបើកឡានបន្តដំណើរ
ទៅមុខទៀត ។ តែចៃដន់ឡានដឹកទំនិញធុន៥តោននេះប្រហែលជាមានបញ្ហាផ្នែកប្រអប់លេខនិងឆ្លងប្រព័ន្ធភ្លើងផងនោះស្រាប់តែឡានដឹកទំនិញធុន៥តោននេះបានរេចង្កូតនិងវិលរេពេញផ្លូវបណ្តាលឲ្យទៅបុកជាមួយឡានផ្សេងទៀតចំនួន៤គ្រឿងដែលឈប់នៅតាមផ្លូវត្រង់ចំណុចកើតហេតុយ៉ាងពេញទំហឹងក៏បណ្តាលឲ្យមានរថយន្តរងគ្រោះខ្លះរងការខូចខាតនិងខ្លះទៀតបានខ្ទាតចូលទៅក្នុងផ្ទះប្រជាពលរដ្ឋនិងខ្លះទៀតរេចូលទៅបុកចំពីមុខភោជនីយដ្ឋានមានជ័យ៩៩៩ យ៉ាង
ពេញទំហឹងផងដែរ ។ ក្នុងហេតុការណ៍គ្រោះថ្នាក់ចរាចរណ៍នេះក៏បណ្តាលឲ្យមានការខូចខាតរថយន្តរងគ្រោះចំនួន៤គ្រឿង បង្គោល ភ្លើង ១ ដើម និងបុកដាច់ដើមឈើដែលដាំនៅតាមផ្លូវ៣ដើមនិងធ្វើឲ្យព្រួឡានបង្កហេតុនេះទទួលរងគ្រោះដោយបាក់ជើង ចំណែកឯអ្នកបើកឡានបង្កហេតុបានរត់គេចខ្លួនបាត់តែសំណាងល្អលើ១ពាន់គ្រោះថ្នាក់ដោយហេតុការណ៍នេះ
មិនបណ្តាលឲ្យអ្នកធ្វើដំណើរតាមបណ្តោលផ្លូវជាតិលេខ៦ត្រង់ចំណុចកើតហេតុនិងម្ចាស់ផ្ទះទាំងអស់ដែលត្រូវឡានខ្ទាតនិងបុកចូលក្នុងផ្ទះនោះមានគ្រោះថា្នក់ដល់អាយុជីវិតនោះទេ ។ គឺគ្រាន់តែធ្វើឲ្យខូចខាតទ្រព្យសម្បត្តិ និង តូប លក់ដូរនៅកន្លែងកើតហេតុបានរងការខូចខាតអស់មួយចំនួនធំតែប៉ុណ្ណោះ បច្ចុប្បន្ន ចំពោះរថយន្តបង្កករណីគ្រោះថា្នក់ចរាចរណ៍នេះត្រូវបានសមត្ថកិច្ចនៃការិយាល័យនគរបាលចរាចរណ៍ផ្លូវគោកស្នងការដ្ឋាននគរបាលខេត្តសៀមរាបអូសយកទៅរក្សាទុកនៅស្នងការដ្ឋាននគរបាលខេត្តដើម្បីចំណាត់ការទៅតាមនិតិវិធីជាបន្ត ៕ រូបភាព និង អត្ថបទ លោក ខេង ខេមរា 
