ខេត្តកំពង់ឆ្នាំង:នៅ រសៀលថ្ងៃព្រហស្បតិ៍ ១២រោច ខែមិគសិរ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី៣ ខែមករា ឆ្នាំ២០១៩ ក្រុមការងារ ស.អ.ក ខេត្ត ស្រុក សាខាឃុំ ដឹកនាំដោយលោក ចក់ កែវចំរេីន ប្រធានការិយាល័យបេឡាជាតិ អតីតយុទ្ធជនខេត្ត តំណាង ឯកឧត្តម ឧត្តមសេនីយ៍ទោ ធន ធឿន ប្រធានសមាគម អតីតយុទ្ធជនខេត្តកំពង់ឆ្នាំង លោក សំចាន់ថន អភិបាលស្រុកកំពង់លែង បានអញ្ជេីញចូលរួមគោរពវិញ្ញាណក្ខន្ធ សពលោក ចាន់ រ៉ន អតីតយុទ្ធជនចូលនិវត្តន៍ ដែលទេីបនឹងទទួលមរណភាព នៅវេលាម៉ោង ០១:០០ នាទី យប់ថ្ងៃទី០៣ ខែមករា ឆ្នាំ២០១៩ នៅភូមិ អណ្តូងរនុក ឃុំត្រងិល ស្រុកកំពង់លែងខេត្តកំពង់ឆ្នាំង ។
ក្នុងឱកាសនោះ ក្រុមការងារបានប្រគល់ថវិកាបេឡាមរណសង្រ្គោះរបស់សមាគម អតីតយុទ្ធជន ចំនួន ៤,០០០,០០០ ៛ ហេីយ លោក សំ ចាន់ថន អភិបាលស្រុក បាននាំយកនូវថវិកា របស់ ឯកឧត្តម ត្រាំ អីុវតឹក ប្រធានក្រុមការងារថ្នាក់កណ្តាលចុះជួយស្រុកទឹកផុស និងស្រុកកំពង់លែង ថវិកា ២០០,០០០ រៀល , 
ឯកឧត្តម សន វី អនុប្រធានក្រុមការងារថ្នាក់កណ្តាល ចុះជួយស្រុកកំពង់លែងថវិកា ១០០,០០០ រៀលនិងអង្ករ ៥០ គីឡូក្រាម , រដ្ឋបាលស្រុក ឃុំ ថវិកា ៥០,០០០ រៀល និងផ្នែកសឹករងស្រុកកំពង់លែង ថវិកាចំនួន ៤០,០០០ រៀល ជូនលោកស្រី ប៊ុត យ៉ាត ត្រូវជាភរិយារបស់សពផងដែរ ។
បន្ទាប់ពីប្រគល់ថវិកាជូនគ្រួសារសព នៅស្រុកកំពង់លែងរួចមក ក្រុមការងារ ស.អ.ក បានអញ្ជេីញទៅចូលរួមបុណ្យសព លោក យី សុធី អតីត ជាសមាជិកសមាគមអតីតយុទ្ធជន ប្រភេទពិការ ដែលទេីបនឹងទទួលមរណភាព នៅវេលាម៉ោង០៤:០០ ថ្ងៃទី០៣ ខែមករា ឆ្នាំ២០១៩ នៅភូមិអណ្តូងចេក ឃុំជេីងគ្រាវ ស្រុករលាប្អៀ រខេត្តកំពង់ឆ្នាំង ហេីយក្រុមការងារ បានប្រគល់ថវិកា បេឡាមរណសង្រ្គោះ ចំនួន ៤,០០០,០០០ រៀល ជូនដល់លោក ធៀម វិចិត្រ ត្រូវជាបងបង្កេីតរបស់សពផងដែរ ។
